ରୁପ୍ରା, (ମନିସ) : କେସିଙ୍ଗା ଥାନା ଅଧିନ ଜାତୀୟ ରାଜପଥ ୨୬ରେ କିନେରକେଲା ବ୍ରିଜ୍ ନିକଟରେ ଏକ କାର ନଂ UP 42AE 0833 ଯୋଗେ ଚୋରା ଗଞ୍ଜେଇ ଚାଲାଣ ହେଉଥିବାବେଳେ ଦୁର୍ଘଟଣା ଗ୍ରସ୍ତ ହେବାପରେ କେସିଙ୍ଗା ପୁଲିସ ହାତରେ ଧରାପଡିଛି ।
ଦୁର୍ଘଟଣା ପରେ ସ୍ଥାନୀୟ ଲୋକଙ୍କ ଠାରୁ ସୂଚନା ପାଇ ଆଦର୍ଶ ଥାନାର ଆଇଆଇସି ସତ୍ୟ କୁମାର ନନ୍ଦଙ୍କ ନେତୃତ୍ବରେ ପୁଲିସ ଦଳ ପହଞ୍ଚି ଗଞ୍ଜେଇ ନେଇ ଯାଉଥିବା ଦୁର୍ଘଟଣା ଗ୍ରସ୍ତ କାର୍ ଜବତ କରି ଘଟଣା ର ତଦନ୍ତ କରୁଛି।
ଲକ୍ଷାଧିକ ଟଙ୍କାର ଚୋରା ଗଞ୍ଜେଇ ଏହି କାର ରେ ଥିବା ଥାନାଧିକାରୀ ଶ୍ରୀ ନନ୍ଦ ସୂଚନା ଦେବା ସହ ମାଜିଷ୍ଟ୍ରେଟ ଦାୟିତ୍ବ ରେ କେସିଙ୍ଗାର ଅତିରିକ୍ତ ତହସିଲଦାର ରୁଦ୍ରମୋହନ ନାୟକଙ୍କ ଉପସ୍ଥିତିରେ ଗଞ୍ଜେଇ ଓଜନ ହେଉଥିବା ପ୍ରକାଶ କରିଛନ୍ତି। ଅନ୍ୟପଟେ ଏହି ଘଟଣାରେ ଜଣେ ମହିଳା ଓ ୨ ଯୁବକ ଗୁରୁତର ଆହତ ହୋଇ କେସିଙ୍ଗା ହସ୍ପିଟାଲରେ ଚିକିତ୍ସିତ ହେଉଛନ୍ତି। 
ତେବେ କିଛିଦିନ ମଧ୍ୟରେ ଲଗାତାର ଏହିଭଳି ଚୋରା ଗଞ୍ଜେଇ ପୁଲିସ ଦ୍ୱାରା ଜବତ ହେଉଥିବା ବେଳେ ଆଜିର ଏହି ଗଞ୍ଜେଇ ଭର୍ତ୍ତି ଦୁର୍ଘଟଣାର ସମ୍ମୁଖିନ ହୋଇଥିବା କାର୍ କୋରାପୁଟ ରୁ ୟୁପି କୁ ଚାଲାଣ ହେଉଥିଲା ବୋଲି ତଦନ୍ତକାରୀ ପୁଲିସ ଅଧିକାରୀ ଆଇଆଇସି ଶ୍ରୀ ନନ୍ଦ ପ୍ରକାଶ କରିଛନ୍ତି। କାର ସିଟ୍ ତଳେ ଏହି ଗଞ୍ଜେଇ ଚୋରା ଚାଲାଣ ରେ ଯାଉଥିବା ଜଣାପଡ଼ିଛି।
