ନର୍ଲା: ନର୍ଲା ବ୍ଳକ ଅନ୍ତର୍ଗତ ତୁଳାପଡା ଗ୍ରାମର ବଣାମୁଣ୍ଡା ଜଳାଶୟ ନିକଟସ୍ଥ ଏକ ଚାଷ ଜମିରେ ଥିବା ଗଛ ଡାଳରୁ ଜନୈକ ମହିଳାଙ୍କ ମୃତ ଦେହକୁ ଉଦ୍ଧାର କରିଛି ନର୍ଲା ପୋଲିସ । ମହିଳା ଜଣକ ଗଛରେ ନିଜ ଶାଢ଼ୀର କାନି ବାନ୍ଧି ଆତ୍ମହତ୍ୟା କରିଥିବା ଭଳି ଜଣାପଡ଼ୁଛି । ସକାଳୁ ଧାନ କାଟିବାକୁ ଯାଇଥିବା ମଜୁରିଆମାନେ ଏହା ଦେଖିବାକୁ ପାଇଥିଲେ । ପରେ ପୁଲିସ ସୂଚନା ପାଇ ଘଟଣାସ୍ଥଳରେ ପହଞ୍ଚି ଛାନଭିନ୍ ଆରମ୍ଭ କରିଥିଲା । ମୃତ ବିଧବା ମହିଳା ଜଣକ ବାଲିସିଙ୍ଗା ଗ୍ରାମର ୫୦ ବର୍ଷୀୟା ଚାନ୍ଦିନୀ ମାଝୀ ବୋଲି ପରିଚୟ ମିଳିଛି । ମହିଳା ଜଣକ ପୂର୍ବରୁ ମସ୍ତିଷ୍କ ମ୍ୟାଲେରିଆରେ ପିଡୀତ ଥିବା କାରଣରୁ ଏହି କାଣ୍ଡ ଘଟିଛି ବୋଲି ପରିବାର ଲୋକେ କୁଆଡେ ପୋଲିସ କୁ ପ୍ରକାଶ କରିଥିବା ସୂଚନା ମିଳିଅଛି । ମାଜିଷ୍ଟ୍ରେଟ ମାନସ ରଞ୍ଜନ ତ୍ରିପାଠୀଙ୍କ ଉପସ୍ଥିତିରେ ପୁଲିସ ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଆରମ୍ଭ କରିଛି ।( ରିପୋର୍ଟ ପ୍ରଦୀପ କୁମାର ଗଉଡ ନର୍ଲା ମସୀହା ପ୍ରତିନିଧି
