ନୂଆପଡ଼ା, ସନ୍ଥ ଶିରୋମଣା ବାବା ଗୁରୁ ଘାସିଦାସଙ୍କ ୨୬୫ ତମ ଜନ୍ମ ଜୟନ୍ତୀ ଅନୁଷ୍ଠିତ ହୋଇଯାଇଛି । ସନ୍ଧ୍ୟା ସମୟରେ ସତନାମ ସମାଜର ଶତାଧିକ ମହିଳା ଏବଂ ପୁରୁଷ ଏକତ୍ରିତ ହୋଇ ଏକ ଶୋଭାଯାତ୍ରାରେ ଖଡିଆଳ ନଗର ପରିକ୍ରମା କରିଥିଲେ । ଏଥିରେ ଗୁରୁ ଘାସିଦାସଙ୍କ ସ୍ମୃତିସ୍ତମ୍ଭ ଏକ ସୁସଜ୍ଜିତ ରଥରେ ନଗର ପରିକ୍ରମା କରିଥିଲା ଏହି ଅବସରରେ ମହିଳା ମାନେ କଳସ ଶୋଭାଯାତ୍ରା ଏବଂ ପୁରୁଷ ମାନେ ବିଭିନ୍ନ ପାରମ୍ପାରିକ ସାଂସ୍କୃତିକ କାର୍ଯ୍ୟକ୍ରମ ମାନ ପ୍ରଦର୍ଶନ କରି ନଗର ପରିକ୍ରମା କରିଥିଲେ । ପରେ ଅନୁଷ୍ଠିତ ସାଂସ୍କୃତିକ ସଭାରେ ମହନ୍ତ ଶତୃଘନ ଦାସ ଓ କମଲେସ ଦାସ ଦ୍ଵୟ ମୁଖ୍ୟଅତିଥ ଭାବରେ ଯୋଗଦାନ କରିଥିବା ବେଳେ ସମ୍ମାନିତ ଅତିଥ ଭାବରେ ନିମାଇଁ ଚରଣ ତାଣ୍ଡି ଓ ମୁଖ୍ୟବକ୍ତା ଭାବରେ ଜିତେନ୍ଦ୍ର ସୁନା ଯୋଗଦାନ କରିଥିଲେ । ସଭାରେ ଓଡିଶା ପ୍ରଦେଶ ସତନାମ ସମାଜର ସଭାପତି ଜ୍ୟୋତିଲାଲ ବଞ୍ଜାରେ ଅଧ୍ୟକ୍ଷତା କରିଥିବା ବେଳେ କାର୍ଯ୍ୟକ୍ରମ ଶେଷରେ ଖଡିଆଳ ଅଧ୍ୟକ୍ଷ ଧରମ ସିଂହ ସୋନୱାନୀ ଧନ୍ୟବାଦ ଅର୍ପଣ କରିଥିଲେ ।( ନୂଆପଡା ରୁ ସୁଜିତ କୁମାର ପ୍ରଧାନ)
