ନୂଆପଡ଼ା -ଗୁରୁବାର ଦିନ ମର୍ଯ୍ୟଦା ପ୍ରଡୁସର କମ୍ପାନୀ ର ସପ୍ତମ ବାର୍ଷିକ ଉତ୍ସବ ବୋଡେ଼ନ ବ୍ଲକର ଝିରନୀଖୋଲ ଠାରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମ ରେ ମର୍ଯ୍ୟଦା କମ୍ପାନୀର ବାର୍ଷିକ ବିବରଣୀ ଓ ଚାଷୀ ମାନଙ୍କର ପ୍ରଗତି ବିଭିନ୍ନ ସମସ୍ୟା ସହ ସମାଧାନ ପନ୍ଥା ଉପରେ ସବିଶେଷ ଆଲୋଚନା କରାଯାଇଥିଲା । ଚାଷୀ ମାନଙ୍କର ବିଭିନ୍ନ ଫସଲର ଉତ୍ପାଦ ବୃଦ୍ଧି କରିବା। ଚାଷ ପ୍ରଣାଳୀରେ ବୈଷୟିକ ଜ୍ଞାନ କୌଶଳ କୁ ପ୍ରୟୋଗ କରିବା ଚାଷୀ ମାନଙ୍କୁ ଋଣ ଆକାରରେ ସହାୟତା କରିବା ଓ ଉତ୍ପାଦିତ ଦ୍ରବ୍ୟର ଉଚିତ ଦର ଯୋଗାଇ ଦେବା ପାଇଁ ବଜାର ବ୍ୟବସ୍ଥା କରିବା ସହ ମର୍ଯ୍ୟଦା କମ୍ପାନୀ ଚାଷୀ ମାନଙ୍କର ନିକଟତର ହେବା ପାଇଁ ଯୋଜନା ପ୍ରସ୍ତୁତ କରାଯାଇଥିଲା । କୃଷି ସମ୍ପର୍କିତ ସରକାରୀ ଯୋଜନା ଗୁଡିକ ଯେପରିକି ସମନ୍ୱିତ ଚାଷର ବିକାଶ ଓ ଓଡ଼ିଶା ମିଲେଟ ମିଶନର ଯୋଜନା ଚାଷୀ କିପରି ପାଇବେ ତା ଉପରେ ଚାଷୀମାନଙ୍କୁ ସଚେତନ କରାଯାଇଥିଲା । ଏହି ବାର୍ଷିକ କାର୍ଯ୍ୟକ୍ରମ ରେ ବୋଡେ଼ନ ବ୍ଲକର ପ୍ରାୟ ୧୫୦ ପ୍ରଗତିଶୀଳ ଚାଷୀ ଅଂଶ ଗ୍ରହଣ କରିଥିବା ବେଳେ କମ୍ପାନୀର ନିର୍ଦ୍ଦେଶକ ବୃନ୍ଦ ସଭାକାର୍ଯ୍ୟ ପରିଚାଳନା କରିଥିଲେ। ଏହି କାର୍ଯ୍ୟକ୍ରମ କୁ ପଲ୍ଲୀବିକାଶ ସଂସ୍ଥା ତରଫରୁ ସହାୟତା ଯୋଗାଇ ଦିଆଯାଇଥିଲା । (ନୂଆପଡା ରୁ ସୁଜିତ କୁମାର ପ୍ରଧାନ)
