ଜଳଶକ୍ତି ଓ ଜୀବନ ମିଶନ ସଚେତନତା କାର୍ଯ୍ୟକ୍ରମ
ନୂଆପଡା ଜିଲ୍ଲା ଖଡ଼ିଆଳ ବ୍ଳକ କେନ୍ଦୁପାଟି ପଂଚାୟତ କେନ୍ଦୁଗୁଡା ଗ୍ରାମ ଠାରେ ଜଳ ଶକ୍ତି ଅଭିଯାନ ଓ ଜଳ ଜୀବନ ମିଶନ ସମ୍ପର୍କିତ କର୍ମଶାଳା ଅନୁଷ୍ଠିତ ହୋଇଯାଇଛି । କ୍ଷେତ୍ର ଜଳସମ୍ପର୍କ ବ୍ୟୁରୋ ଅଧିକାରୀ ବିଷ୍ଣୁଚରଣ ସାହୁ ଙ୍କ ଅଧ୍ୟକ୍ଷତାରେ ଖଡ଼ିଆଳ ବିଧାୟକ ଅଧିରାଜ ମୋହନ ପାଣିଗ୍ରାହୀ , କ୍ଷୁଦ୍ର ଜଳସେଚନ ବିଭାଗ ନିର୍ବାହୀ ଯନ୍ତ୍ରୀ ରଘୁନାଥ ମିଶ୍ର, ଗ୍ରାମ୍ୟଜଳ ଓ ପରିମଳ ବିଭାଗ ଯନ୍ତ୍ରୀ ଦେବୀ ପ୍ରସାଦ ତାଣ୍ଡି, କେନ୍ଦୁପାଟୀ ସରପଂଚ ଉର୍ବଶୀ ପୋଡ , ୟାର ସଭାପତି ମହେନ୍ଦ୍ର କୁମାର ଯୋଷୀ ପ୍ରମୁଖ ସମ୍ମାନୀତ ଅତିଥି ଭାବରେ ଯୋଗଦାନ କରିଥିଲେ । ଯେ କୌଣସି ସ୍ଥାନ ବା ସମୟରେ ବିଭିନ୍ନ ଉପାୟରେ ବର୍ଷା ଜଳ ସଂରକ୍ଷଣ କୁ ସୁନିଶ୍ଚିତ କରିବା ସର୍ବସମୟରେ ସର୍ବଦା ଜଳ ମିଲିବା ଆବଶ୍ୟକତା ଏବଂ ପାଇପ ଯୋଗେ ଲୋକମାନଙ୍କୁ ପ୍ରତ୍ୟେକ ଘରକୁ ଟେପ ପାଣି ଦିଆଯିବା ପାଇଁ ଲୋକମାନଙ୍କୁ ସଚେତନ କରାଯାଇଥିଲା । ସୂଚନା ଥାଉକି ପ୍ରାରମ୍ଭରେ ଏକ ସଚେତନତା ଶୋଭାଯାତ୍ରା ଗ୍ରାମ ପରିକ୍ରମା କରାଯାଇଥିଲା। ଜଳ ଜୀବନ ସମ୍ପର୍କରେ ବକୃତା ଓ କୁଇଜ ପରିକ୍ଷା ରଙ୍ଗୋଲି ଇତ୍ୟାଦୀ ପ୍ରତିଯୋଗୀତା ମାନ କରାଯାଇ କୃତି ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯାଇଥିଲା । (ନୂଆପଡ଼ା ରୁ ସୁଜିତ କୁମାର ପ୍ରଧାନ)
