ନୂଆପଡା ଜ଼ୀଲ୍ଲା ବୋଡେ଼ନ ଯାଦବ ସମାଜ ଆହ୍ବାନ କ୍ରମେ ବୋଲଧା ଆଞ୍ଚଳିକ କେନ୍ଦ୍ର ଆନୁକୂଲ୍ୟରେ ଝରଣାମାଲ ସ୍ଥିତ ପବିତ୍ର ଉପକା ଗଙ୍ଗା ପର୍ଯ୍ୟଟନ କ୍ଷେତ୍ର ପ୍ରାଙ୍ଗଣରେ ବୋଲଧା କେନ୍ଦ୍ର ସଭାପତି ପର୍ଶୁରାମ କରୁଆଁ ଙ୍କ ସଭାପତିତ୍ୱ ରେ ବିଶାଳ ଯାଦବ ସମ୍ମିଳନୀ ଅନୁଷ୍ଠିତ ହୋଇଯାଇଛି । ସମ୍ମିଳନୀ ରେ ମୁଖ୍ୟଅତିଥି ଭାବରେ ଉତ୍କଳ ଯାଦବ ସମାଜ ର ପୂର୍ବତନ ମହାସଚିବ ତଥା ଖଡ଼ିଆଳ ପୁର୍ବତନ ବିଧାୟକ ହିତେଶ କୁମାର ବଗର୍ତ୍ତି, ବିଶିଷ୍ଟ ଅତିଥି ସମାଜସେବୀ ଘନଶ୍ୟାମ କରୁଆଁ,ମୁଖ୍ୟବକ୍ତା ବରିଷ୍ଠ ଶିକ୍ଷାବିତ ପ୍ରେମ ସିନ୍ଧୁ ହେର୍ଣ୍ଣା ଯୋଗଦେଇ ଉଦବୋଧନ ଦେଇଛନ୍ତି । ମଞ୍ଚରେ ଅତିଥିଗଣ ବିଶେଷ କରି ଜ଼ୀଲ୍ଲା ଯାଦବ ସମାଜର ସଂଗଠନ ଉପରେ ଉଦବେଗ ପ୍ରକାଶ କରିଛନ୍ତି ।ମାଦି ସଂଗଠନ ଠାରୁ ଆରମ୍ଭ କରି ଗ୍ରାମପଞ୍ଚାୟତ ,ବ୍ଲକ, ଏନ ଏ ସି ଯାଦବ ସମାଜ ସଂଗଠନ ନିର୍ବାଚନ/ଚୟନ ପ୍ରକ୍ରିୟା ଦୀର୍ଘ ଦିନରୁ ଶେଷ ହୋଇ ସାରିଥିବାବେଳେ,ଜ଼ୀଲ୍ଲା ଯାଦବ ସମାଜ କର୍ମକାର୍ତ୍ତାଙ୍କ କାର୍ଯ୍ୟକଳାପ ଶେଷ ହୋଇ ଦୀର୍ଘ 3ବର୍ଷ ଅତିକ୍ରମ କରିସାରିଛି । ଯାହାକି ଦୁର୍ଭାଗ୍ୟ ଜନକ ବୋଲି ବକ୍ତାମାନେ ମତପୋଷଣ କରିଛନ୍ତି । ତୁରନ୍ତ ଜ଼ୀଲ୍ଲା ଯାଦବ ସମାଜ ଗଠନ ପାଇଁ ଉପସ୍ଥିତ ଥିବା ବରିଷ୍ଠ ସଦସ୍ୟ ଗଣ ଆହ୍ବାନ ଦେଇଛନ୍ତି । (ନୂଆପଡା ରୁ ସୁଜିତ କୁମାର ଙ୍କ ରିପୋର୍ଟ)