କର୍ଲାମୁଣ୍ଡା (ସୁଶାନ୍ତ ରଣା): କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ୍ ଦୁର୍ଗାମଣ୍ଡପ ଠାରେ ଡିଜିଟାଲ ମିଡିଆ କ୍ଲବ, କର୍ଲାମୁଣ୍ଡା ତରଫରୁ ଷଷ୍ଠତମ ବନ୍ଧୁମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ପଶ୍ଚିମ ଓଡିଶା ବିକାଶ ପରିଷଦ ସଦସ୍ୟ, ମ:ରାମପୁର ଜିଲ୍ଲା ପରିଷଦ ସଦସ୍ୟ ତଥା ରାଜ୍ୟ ବିଜେଡ଼ି ଦଳ ସାଧାରଣ ସମ୍ପାଦକ ପୁଷ୍ପେନ୍ଦ୍ର କୁମାର ସିଂଦେଓ ମୁଖ୍ୟ ଅତିଥି, ପୂର୍ବତନ ଭାରତୀୟ ସୈନିକ ତଥା ଭାରତ ସିକୁରୁଟି ସର୍ଭିସ୍ ମେନେଜିଗ୍ ଡାଇରେକ୍ଟର ଏମ୍.ଡି ଭିକାରି ଚରଣ ସାହୁ ସମ୍ମାନିତ ଅତିଥି, ତୁଣ୍ଡଲା ପୂର୍ବତନ ସଂରପଞ୍ଚ ତଥା ସମାଜସେବୀ ସରୋଜ ସେଠ୍, କର୍ଲାମୁଣ୍ଡା ଜିଲ୍ଲା ପରିଷଦ ସଦସ୍ୟା ଶ୍ରୀମତୀ ପ୍ରଭାତୀ ଭୋଇ ,ମିଶନ ଶକ୍ତି କର୍ଲାମୁଣ୍ଡା ବ୍ଲକ୍ ସଭାନେତ୍ରୀ ଶ୍ରୀମତୀ ଜୟନ୍ତୀ ସାହୁ ,ଡିଜିଟାଲ ମିଡିଆ କ୍ଲବ୍ ନର୍ଲା ସଭାପତି ଡୋଲାମଣୀ ସାହୁ, ଓଟିଭି କଳାହାଣ୍ଡି ଜିଲ୍ଲା ପ୍ରତିନିଧି ରାଜ କୁମାର ସିଂଦେଓ, ନନ୍ଦିଘୋଷ ଟିଭି ପ୍ରତିନିଧି ଶୁଭେନ୍ଦ ପଟ୍ଟନାୟକ ପ୍ରମୁଖ ସମ୍ମାନିତ ଅତିଥି ଭାବରେ ଯୋଗଦେଇ ଥିବା ବେଳେ ପ୍ରଶାନ୍ତ ସାହୁ ଅତିଥି ପରିଚୟ ଓ ମଞ୍ଚ ପରିଚାଳନା କରିଥିଲେ l ଉପସ୍ଥିତ ଅତିଥି ମାନେ ପ୍ରତ୍ୟୋକ ସାମ୍ବାଦିକ ନିରପେକ୍ଷ ଓ ନିର୍ଭିକ ଭାବରେ ଖବର ପ୍ରସାରଣ କରି ଦେଶ ରାଜ୍ୟ ଓ ନିଜ ଅଞ୍ଚଳର ଖବର ଜନସାଧାରଣଙ୍କ ପାଖରେ ପହଞ୍ଚାଇବା, ପ୍ରତ୍ୟେକ ଦୁର୍ନୀତି କୁ ଖବର ମାଧ୍ୟମରେ ଲୋକଙ୍କ ପାଖରେ ପହଞ୍ଚାଇ ଏହା ଉପରେ ରୋକ୍ ଲଗାଇବାରେ ଜନସାଧାରଣଙ୍କ ସହଯୋଗ କରିବା ପାଇଁ ଆହ୍ଵାନ ଦେବାସହ ଡିଜିଟାଲ ମିଡିଆ କ୍ଲବର ଉତ୍ତରୋତ୍ତର କାମନା କରିଥିଲେ l ଏହିରେ ସାମ୍ଵାଦିକ, କରୋନା ଯୋଦ୍ଧା, ସମାଜସେବୀ, କଣ୍ଠଶିଳ୍ପୀ, ନୃତ୍ୟଶିଳ୍ପ, କୀର୍ତ୍ତନ ଗାୟକ ଓ ବାୟକ, ଘୁମୁରା ବାଦକ ଓ ଗାୟକ, ଯୁବକବି ଏବଂ ଆଶାକର୍ମୀ ମାନଙ୍କୁ ଅତିଥି ମାନେ ପୁଷ୍ପଗୁଚ୍ଛ ଓ ଉପଢୌକନ ସହିତ ସମ୍ବର୍ଦ୍ଧନା ପତ୍ର ଦେଇ ସମ୍ବର୍ଦ୍ଧିତ କରିଥିଲେ l କାର୍ଯ୍ୟକ୍ରମରେ ତେରେସିଂହା ଡ୍ୟାନ୍ସ ଗ୍ରୁପ୍ ଓ କୁନୀ ନୃତ୍ୟଶିଳ୍ପୀ ଅନ୍ଵେଶା ପୁଟେଲଙ୍କ ଦ୍ଵାରା ନୃତ୍ୟ ପରିବେଷଣ ସହ ଜଗମୋହନ ସାହୁଙ୍କ ସଙ୍ଗୀତ ପରିବେଷଣ କରିଥିଲା l ମିଡିଆ କ୍ଲବର ସଭାପତି ବିମଲ ସାହୁ, ସଂପାଦକ ସୁଶାନ୍ତ ମଲ୍ଲିକ୍, ସାମ୍ବାଦିକ ରମେଶ ବାରିକ, ସରୋଜ ସାହୁ, ଭିଷ୍ମ ସାହୁ, ଧରଣୀ ସାହୁ ତଥା ଡିଜିଟାଲ ମିଡିଆ କ୍ଲବ୍ କର୍ଲାମୁଣ୍ଡା ର ସମସ୍ତ କାର୍ଯ୍ୟକର୍ତ୍ତା ତଥା ସଦସ୍ୟ ମାନେ ଉପସ୍ଥିତ ରହି ସହଯୋଗ କରିଥିଲେ l
