ବାଜି ମାରିଲେ ଚାମ୍ପିଅନ
କିଙ୍ଗ ଫିସର୍ ଷ୍ଟ୍ରଙ୍ଗ୍ଇଲେଭେନ୍
ଥୁଆମୂଳ ରାମପୁର :- ବଳଭଦ୍ର ବାଗଙ୍କ ରିପୋର୍ଟ (ମସୀହା) କଳାହାଣ୍ଡି ଜିଲ୍ଲା ଥୁଆମୂଳ ରାମପୁର ବ୍ଳକ ଖଣ୍ତୁଆଳ ବାବା ଖେଳ ପଡିଆ ଠାରେ ସଞ୍ଜିବ ମେମୋରିଆଲ୍ କ୍ରିକେଟ ଟୁର୍ଣ୍ଣାମେଟ୍ ୧୧ ଦିନ ଚାଲିଥିଲା। ଏଥିରେ ୨୦ଟି ଦଳ ଅଂଶଗ୍ରହଣ କରିଥିଲେ। କିଙ୍ଗଫିସର୍ ଷ୍ଟ୍ରଙ୍ଗ ଥୁଆମୂଳ ରାମପୁର ଓ ଆଇଆରବି ଦଳ ମଧ୍ୟରେ ଫାଇନାଲ ମ୍ଯାଚ ଖେଳାଯାଇଥିଲା। ରୋମାଞ୍ଚକ ଭାବରେ ମ୍ୟାଚରେ କିଙ୍ଗଫିସର୍ ଷ୍ଟ୍ରଙ୍ଗ ଇଲେଭେନ୍ ଚମ୍ପିୟାନ ହୋଇଥିଲା। 
ପ୍ରଥମେ ଟସ୍ ଜିତି ବ୍ଯାଟିଂ କରି ଆଇଆରବି ଦଳ ନିର୍ଦ୍ଧାରିତ ୧୨ ଓଭରରେ ୮ ଓ୍ବିକେଟ୍ ହରାଇ ୯୩ ରନ୍ ସଂଗ୍ରହ କରିଥିଲା। ୯୪ ରନ୍ ସଂଗ୍ରହ କରି ବିଜୟ ଉଦ୍ଦେଶ୍ୟ ନେଇ କିଙ୍ଗଫିସର୍ ଷ୍ଟ୍ରଙ୍ଗ ଦଳ ଶେଷରେ ଓଭରରେ ଗୋଟିଏ ବଲ ପୂର୍ବରୁ ୮ ଓ୍ବିକେଟ୍ ବିଜୟ ହାସଲ ହୋଇଥିଲା। ଏହି ଅବସରରେ ମୁଖ୍ଯଅତିଥି ଭାବେ କଳାହାଣ୍ଡି ଜିଲ୍ଲା କଂଗ୍ରେସ ଦଳର ଉପସଭାପତି ଶ୍ରୀ ଧନୁ ଗହିର, ସମ୍ମାନିତ ଅତିଥି ଭାବେ ଶ୍ରୀ ବାବାଅଲି ଖାଁ, ପୂର୍ବତନ ପଞ୍ଚାୟତ ସମିତି ଅଧ୍ଯକ୍ଷା ଶ୍ରୀମତୀ ଦ୍ରୌପଦୀ ମାଝୀ, ଶ୍ରୀ ରାଧେକୃଷ୍ଣ ଧଙ୍ଗଡାମାଝୀ ପ୍ରମୁଖ ଉପସ୍ଥିତ ରହିଥିଲେ। ଶେଷ ମ୍ଯାଚର ଶ୍ରେଷ୍ଠ ଖେଳାଳି ଭାବରେ ଛୋଟୁ ବାବୁଙ୍କୁ ପୁରଷ୍କାର ସ୍ଵରୂପ ଏକ ମୋବାଇଲ ଫୋନ ପ୍ରଦାନ କରାଗଲା।ଚାମ୍ପିୟାନ୍ ଦଳକୁ ମୂଖ୍ୟ ଅତିଥି ଶ୍ରୀ ଧନୁ ଗହୀର ୨୦ ହଜାର ଟଙ୍କା ସହ ଟ୍ରଫି ପ୍ରଦାନ କରିଥିବା ବେଳେ ରନର୍ସଅପ୍ ଦଳକୁ ୧୫ ହଜାର ଟଙ୍କା ଓ ଟ୍ରଫି ପ୍ରଦାନ କରିଥିଲେ। ଟୁର୍ଣ୍ଣାମେଣ୍ଟର ସର୍ବୋତ୍ତମ ଖେଳାଳି ଭାବରେ ତେଜା ବିବେଚିତ ହୋଇଥିବାରୁ ତାଙ୍କୁ ଏକ ମୋବାଇଲ ଫୋନ ଓ ଟ୍ରଫି ଦିଆଯାଇଛି। ଥୁଆମୂଳ ରାମପୁର ରାଜୁ ଦୁଇଗୋଟି ମୋବାଇଲ ଫୋନ୍ ସ୍ପନସର କରିଥିଲେ। ରକି ନାଏକ ଓ ପୁରୁଷୋତ୍ତମ ବାଗ ଅମ୍ପିୟାର ଭାବେ ଫାଇନାଲ ମ୍ଯାଚକୁ ପରିଚାଳନା କରିଥିଲେ। ଶ୍ରୀ ଟଙ୍କଧର ନାଏକ ସ୍କୋରର ଥିବାବେଳେ ଶ୍ରୀ କେଶବ ନାଏକ ଧାରାବିବରଣୀ ପ୍ରଦାନ କରିଥିଲେ।
