କବିତା

*ଅପେକ୍ଷା*

 

ଚାହିଁଛି ସାଗର.. 

କାହିଁ କେତେଦୂରେ 

ପୂର୍ଣ୍ଣଗର୍ଭା ନଈ.. . 

ଏଇଯେ ମିଳନ ବେଳା 

ଉଛୁର ହେଲାଣି.. 

ପାହାନ୍ତି ତାରା ଖରା  

ଛାତିରେ ହଜି ଗଲାଣି.. 

ବାସର ଦୀପ ସଳିତା 

କେତେବେଳୁ ପୋଡି

କଳା ପଡି ଗଲାଣି. 

ଅପେକ୍ଷା ର ବି ଗୋଟେ 

ସୀମା ଥାଏ.. !

ନଈ ଟା ବି ଭାରି ଫାଜିଲ 

ନିଆଁ ରେ ଘିଅ ଢାଳେ.. 

କିଛି କ୍ଷଣ ର ଅପେକ୍ଷା.. 

 ଶୋଇ ଯିବ ସହର 

ଜ୍ୟୋସ୍ନା ଭିଜା ରାତି, 

ରଜନୀଗନ୍ଧା ର ବାସ୍ନା ରେ 

ମତୁଆଲା ପବନ 

ସବୁ ଫେରି ଯିବେ 

ଲମ୍ବା ଲମ୍ବା ତତଲା ନିଶ୍ୱାସ 

ଥଣ୍ଡା ପଡିବା ଆଗରୁ.. 

ଖରା ରେ ସବୁ ପାଣି 

ଶୁଖିଯିବା ଆଗରୁ. 

ନଈ କୁ ସାଗର ରେ 

ମିଶିବାକୁ ହେବ..

ପ୍ରଣୟ ର ଦସ୍ତକ ନେଇ !

 

ମାନସ ମୁଣ୍ଡ

Chief Manager
State Bank of India
RACC Junagarh
8658034015