- ଥୁଆମୂଳ ରାମପୁର :- ବଳଭଦ୍ର ବାଗଙ୍କ ରିପୋର୍ଟ ( ମସୀହା) କଳାହାଣ୍ଡି ଜିଲ୍ଲା ଅଧ୍ଯୁଷିତ ପାହାଡ ପର୍ବତ ଦୁର୍ଗମ ଅଞ୍ଚଳରେ ଏହି କେତେ ଦିନ ହେବ ଶୀତର ଲହରୀ ଖେଳିଯାଇଛି, ଯାହାଫଳରେ ଅନେକ ସ୍ଥାନରେ ଅସହାୟ ବୃଦ୍ଧବୃଦ୍ଧା ଶୀତବସ୍ତ୍ର ଅଭାବରେ କଷ୍ଟକର ଜୀବନ ନେଇ ଅତିବାହିତ କରୁଛନ୍ତି। ଏହାକୁ ଦୃଷ୍ଟିରେ ରଖି “ସ୍ତ୍ରୀ ଶକ୍ତି” ନାମକ ସଂସ୍ଥା ପକ୍ଷରୁ କର୍ଲାପାଟ ଅଞ୍ଚଳର ଅମଠାଗୁଡା ଓ କୁଆଙ୍ଗ ଗ୍ରାମର ଅନେକ ବୃଦ୍ଧବୃଦ୍ଧାଙ୍କୁ କମ୍ବଳ ଓ ଅସହାୟ ବୃଦ୍ଧାଙ୍କୁ ଶାଢୀ ବଣ୍ଟନ କରିଥିବା ଜଣାପଡ଼ିଛି।
ଏହି କାର୍ଯ୍ଯକ୍ରମରେ ଭବାନୀପାଟଣା ଓୟୁଏଟିର ପ୍ରଫେସର ଶ୍ରୀଯୁକ୍ତ ନିରାକାର ରଣସିଂ ଉପସ୍ଥିତ ରହି କମ୍ବଳ ଓ ଶାଢୀ ବୃଦ୍ଧବୃଦ୍ଧାଙ୍କୁ ବଣ୍ଟନ କରିଥିବା ବେଳେ “ସ୍ତ୍ରୀ ଶକ୍ତି” ସଂସ୍ଥା ପ୍ରତିଷ୍ଠାତା ପ୍ରତିମା ମହାନ୍ତି ପରିଚାଳନା କରିଥିଲେ। ଏହି କାର୍ଯ୍ଯକ୍ରମକୁ ଓଡିଶା ଜୀବିକା ମିଶନ ଥୁଆମୂଳ ରାମପୁର ବିପିଏମ୍ ଶ୍ରୀ ସୌମ୍ଯରଞ୍ଜନ ମହାପାତ୍ର ସହଯୋଗ କରିଥିଲେ।
