କର୍ଲାମୁଣ୍ଡା: ଏହି ବ୍ଲକ ଅନ୍ତର୍ଗତ କୁସୁର୍ଲା ହଜାରୀପଡା ଗ୍ରାମର କଳାରୁଦ୍ର ଯୁବକ ସଂଘର ୧୭ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି l ସର୍ବପ୍ରଥମେ ଗାଁରେ ଥିବା ଶ୍ରୀ ରାମଚନ୍ଦ୍ରଙ୍କ ପ୍ରତିଛବି ଓ ସମସ୍ତ ଦେବାଦେବୀଙ୍କ ପୂଜାର୍ଚ୍ଚନା ପରେ କାର୍ଯ୍ୟକ୍ରମ ଆରମ୍ଭ ହୋଇଥିଲା l ଗାଁ ର ସମସ୍ତ ବରିଷ୍ଠ ବ୍ୟକ୍ତିଗଣ କିପରି ସଂଘ ଆହୁରି ଆଗକୁ ଯିବ ସେ ବିଷୟରେ ମନ୍ତବ୍ୟ ରଖିଥିଲେ l ପରେ ବିଭିନ୍ନ ପ୍ରକାର ସାଂସ୍କୃତିକ କାର୍ଯ୍ୟକ୍ରମ ହୋଇଥିବା ବେଳେ ଅନୁଷ୍ଠାନ ପାଇଁ ସଦାସର୍ବଦା ନିସ୍ଵାର୍ଥପର ଭାବେ କାର୍ଯ୍ୟ କରୁଥିବା ଶ୍ରୀ କ୍ଷୀରୋଦ ବଡ଼ମାଳୀ, ତରୁଣ ଜାନି, ଯୁଗଳ ନାଗ ଏବଂ ସଂଘର ମାଗଣା ଶିକ୍ଷାକେନ୍ଦ୍ରର ଦୁଇ ଶିକ୍ଷୟତ୍ରୀ କୁମାରୀ ଦୋଳେନ୍ଦ୍ରି ସାହୁ ଓ କୁମାରୀ ରଞ୍ଜୁ ସାହୁ ସମ୍ମାନିତ ହୋଇଥିଲେ l ଉକ୍ତ କାର୍ଯ୍ୟକ୍ରମରେ ଚନ୍ଦ୍ରହାସ୍ୟ ସାହୁ ମଞ୍ଚପରିଚାଳନା କରିଥିବାବେଲେ ସଂଘ ସଭାପତି ଦୁର୍ବାଦଳ ସାହୁ, ସମ୍ପାଦକ ରେଶବ ନାରାୟଣ ସାହୁ, କୋଷାଧକ୍ଷ ଡୋଳାମଣି ସାହୁ ଏବଂ କଳାରୁଦ୍ର ଯୁବକ ସଂଘ ର ସମସ୍ତ ସଦସ୍ୟ ଏବଂ ଗ୍ରାମର ସମସ୍ତ ବ୍ୟକ୍ତି ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ l ( କର୍ଲାମୁଣ୍ଡାରୁ ସୁଶାନ୍ତ ରଣାଙ୍କ ରିପୋର୍ଟ )
