ପ୍ରଣତି ମହାପାତ୍ର
ସୁନା ପିଲା ହେବା ଆମେ ସୁନା ପିଲା ହେବା,
ବାପା ମାଆ ଗୁରୁଜନ କଥା ମାନି ଚଳିବା ।।
ଫୁଲ ପରି କୋମଳ ତ ମନଟି ଆମର,
ମଧୁର ବଚନେ କରିନେବା ଆପଣାର ।।
ଏ ମରତ ବଗିଚାର ଆମେ କୁନି ସୁମନ
ହେବା ଆମେ ସଭିଙ୍କର ବାସ ବିତରିଣ ।।
ହସି ଖେଳି ପାଠ ପଢି ଭଲ କାମ କରିବା
ଆମ ମାତୃଭୂମି ମାତୃଭାଷା ଉଚ୍ଚେ ରଖିବା ।।
ଆଳସ୍ୟ,ମିଥ୍ଯା, କୁଗୁଣ କେବେ ଜାଗା ନ ଦେବା
ସାନଙ୍କୁ ସ୍ନେହ ଗୁରୁଜନଙ୍କୁ ସମ୍ମାନ ଦେବା ।।
ସତ୍ୟ ପତ ଅନୁସରି ମହତକର୍ମ କରିବା
ସୁଭାଷ,ବିଲେ ଙ୍କ ଆଦର୍ଶ ରେ ଆମେ ଥିବା ।।
ଆମ ଦେଶ ରାଜ୍ୟ ପାଇଁ ଉଦାହରଣ ହୋଇ
ସଭିଙ୍କର ମୁଖେ ହସ ଫୁଟାଇବା ଭାଇ।।
କାମ ବେଳେ କାମ ଆଉ ପଢାବେଳେ ପଢିବା
ଅସହାୟ ଦୁଃଖୀରଙ୍କି ଦୁଃଖେ ସହାୟ ହେବା ।।
ମିଠା କଥା, ମୈତ୍ରୀ ଭାବ ମଧୁର ବ୍ୟବହାର
ହେବ ଆମ ଭୂଷଣ ଯେ ଆମ ଶିଶୁ ମନର ।।
ପିତାମାତା ଦେବଦେବୀ ଜୀବନରେ ଆମର
ଆମେ ପରା ସୁନାପିଲା ଏ ମର୍ତ୍ତ୍ୟ ବଗିଚାର ।।
💐💐💐💐💐