ନୂଆପଡ଼ା ଜିଲ୍ଲା ଖଡିଆଳ ବ୍ଲକ ଅନ୍ତର୍ଗତ କୋଟିପଦର ଗ୍ରାମ ଠାରେ ଖଡିଆଳ ସୟଂଶାସିତ ମହାବିଦ୍ୟାଳୟର ଜାତୀୟ ସେବା ଯୋଜନାର ଶୀତକାଳୀନ ଶିବିର ମହିଳା ୟୁନିଟ ଶୁଭାରମ୍ଭ ହୋଇଯାଇଛି । କଲେଜ ଅଧ୍ୟକ୍ଷ ଗଙ୍ଗାଧର ପାଣିଗ୍ରାହୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଶୀତକାଳୀନ ଶିବିରରେ ମୁଖ୍ୟ ଅତିଥି ଭାବରେ କଲାହଣ୍ଡି ବିଶ୍ବ ବିଦ୍ୟାଳୟର କୁଳପତି ଡ. ସଂଜୟ ଶତପଥୀ ଯୋଗଦାନ କରି କାର୍ଯ୍ୟକ୍ରମର ଶୁଭାରମ୍ଭ କରିଥିଲେ । ପରେ ଛାତ୍ରୀ ମାନେ କୋଟିପଦର ଗ୍ରାମର ଘର ଘର ବୁଲି କରୋନା ସର୍ଭେ କରିବା ସହ କୋଭିଡ ଟିକା ନେବା ପାଇଁ ପ୍ରବତାଇ ଥିଲେ । ଆଜିର କାର୍ଯ୍ୟକ୍ରମରେ ୨୫ ଜଣ ଛାତ୍ରୀଙ୍କ ସହ ପ୍ରୋଗ୍ରାମ ଅଫିସର ପ୍ରଣତୀ ପଣ୍ଡା ନେତୃତ୍ଵ ନେଇଥିଲେ । ଏଥିରେ କଳାହାଣ୍ଡି ବିଶ୍ବ ବିଦ୍ୟାଳୟର ସଂଯୋଜକ ଚିତରଞ୍ଜନ ଖୁଣ୍ଟିଆ, ନୂଆପଡା ଜିଲ୍ଲା ସଂଯୋଜକ ସନ୍ତୋଷ କୁମାର ମୁଣ୍ଡ, ସିଣ୍ଡିକେଟ ସଭ୍ୟ ଫଣିନ୍ଦମ ସିଂଦେଓ, କଲେଜ ଅଧ୍ୟକ୍ଷ ଗଙ୍ଗାଧର ପାଣିଗ୍ରାହୀଙ୍କ ସମେତ ଅନ୍ୟାନ୍ୟ ଅଧ୍ୟାପିକା, ଅଧ୍ୟାପକ ଯୋଗଦାନ କରିଥିଲେ । ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
