ଧର୍ମଗଡ-ଧର୍ମଗଡ ବ୍ଲକ ଅନ୍ତର୍ଗତ ଖୁଟୁଲୁଗୁଡା ଗ୍ରାମ ଠାରେ ମୁକୁଳା ପଡିଥିବା ଏକ ଟ୍ରାନ୍ସଫରମର ବିଦ୍ୟୁତ କରେଂଟ ଲାଗି ଆଜି ଏକ ବଳଦ ର ମୃତ୍ୟୁ ହୋଇଛି । ପ୍ରକାଶ ଯେ ଆଜି ଅପରାହ୍ନ ରେ ଖୁଟୁଲୁଗୁଡା ସ୍କୁଲ ନିକଟରେ ଚରୁଥିବା ସମୟ ରେ ନିକଟରେ ଥିବା ମୁକୁଳା ଟ୍ରାନ୍ସଫରମର ନିକଟକୁ ଗୋରୁଟି ଚାଲିଯାଇ କରେଂଟ ସଂଷ୍ପର୍ଶ ରେ ଆସି ଥିଲା ଫଳରେ ସେଠାରେ ବଳଦ ଟିର ମୃତ୍ୟୁ ହୋଇଯାଇଥିଲା । ମୃତ ବଳଦ ଟି ସିଙ୍ଗ ମାଝି ନାମକ ବ୍ୟକ୍ତି ଙ୍କ ର ହୋଇ ଥିବା ବେଳେ ସେ ଜନେ ବିପିଏଲ ଶ୍ରେଣି ର ବ୍ୟକ୍ତି ଅଟନ୍ତି । ନିଜର ଦୁଇଟି ବଳଦ ସାହାଯ୍ୟ ରେ ପର ବିଳ ବାଡି ରେ ଚାଷ କାମ କରି ସେ ପରିବାର ପ୍ରତିପୋଷନ କରୁଥିଲେ । ଏବେ ଗୋଟିଏ ବଳଦ ମରି ଯିବାରୁ ଗୋଟିଏ ବଳଦ ରେ କିପରି ହଳ କରି ଚାଷ କରିବେ ସେହି ଚିନ୍ତାରେ ରହିଛନ୍ତି । ଟ୍ରାନ୍ସଫରମର ରେ ସୁରକ୍ଷା ବାଡ ନଥିବାରୁ ଏଭଳି ଅଘଟଣ ଘଟି ବଳଦ ର ମୃତ୍ୟୁ ହୋଇଥିବା ସେ ଅଭିଯୋଗ କରିବା ସହ ତାଙ୍କୁ କ୍ଷତିପୁରଣ ପ୍ରଦାନ କରିବା ପାଇଁ ଗ୍ରାମ ବାସୀ ଦାବୀ କରିଛନ୍ତି । ଏଥି ସହିତ ମୁକୁଳା ଟ୍ରାନ୍ସ ଫରମର ରେ ସୁରକ୍ଷା ବାଡ ଦେବାକୁ ଦାବୀ କରାଯାଇଛି । ( ଧର୍ମ ଗଡ ରୁ ବୈଦ୍ୟ ନାଥ ବେହେରା ଙ୍କ ରିପୋର୍ଟ)
