ନବରଙ୍ଗପୁର , ନବରଙ୍ଗପୁର ଜିଲ୍ଲାରେ ପାଞ୍ଚଟି ପର୍ଯ୍ୟାୟରେ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ହେବ ବୋଲି ସ୍ଥାନୀୟ ଅଶୋକ ମେହେଟା ସଭାଗୃହ ରେ ଅନୁଷ୍ଠିତ ସାମ୍ବାଦିକ ସମ୍ମିଳିନୀରେ ଜିଲ୍ଲପାଳ ଡ଼ଃ କମଳ ଲୋଚନ ମିଶ୍ର ଏନେଇ ସୂଚନା ଦେଇଛନ୍ତି l ଏଥିପାଇଁ ଫେବ୍ରୁଆରୀ 16 , 18, 20, 22 ଓ 24 ତାରିଖ ପାଞ୍ଚ ଦିନ ଧାର୍ଯ୍ୟ ହୋଇଥିବା ନିର୍ବାଚନ ବିଜ୍ଞପ୍ତିରୁ ଜଣାପଡିଛି। ପ୍ରଥମ ପର୍ଯ୍ୟାୟ ୧୬ ତାରିଖରେ ଝରୀଗାଁ ଓ ଚନ୍ଦାହାଣ୍ଡି ବ୍ଲକ, ଦ୍ବିତୀୟ ପର୍ଯ୍ୟାୟ ୧୮ ତାରିଖରେ ତେନ୍ତୁଳୀଖୁଣ୍ଟି ଓ ନନ୍ଦାହାଣ୍ଡି ବ୍ଲକ, ତୃତୀୟ ପର୍ଯ୍ୟାୟ 20 ତାରିଖରେ କୋଷାଗୁମୁଡା ଓ ନବରଙ୍ଗପୁର ବ୍ଲକ, ଚତୁର୍ଥ ପର୍ଯ୍ୟାୟ 22 ତାରିଖରେ ପାପଡାହାଣ୍ଡି ଓ ଡାବୁଗାଁ ବ୍ଲକ ଓ ପଞ୍ଚମ ପର୍ଯ୍ୟାୟ 24 ତାରିଖରେ ରାଇଘର ଓ ଉମରକୋଟରେ ନିର୍ବାଚନ କରାଯିବାକୁ ନିଷ୍ପତ୍ତି ହୋଇ ଥିବା ଜିଲ୍ଲାପାଳ ଶ୍ରୀ ମିଶ୍ର ସୂଚନା ଦେଇଛନ୍ତି । ୧୬ ତାରିଖ ପ୍ରଥମ ପର୍ଯ୍ୟାୟରେ ନବରଙ୍ଗପୁର ଜିଲ୍ଲାର ଝରୀଗାଁ ବ୍ଲକର 3ଗୋଟି ଜିଲ୍ଲା ପରିଷଦ, 23 ଟି ଗ୍ରାମ ପଞ୍ଚାୟତ ଓ 257 ଗୋଟି ୱାର୍ଡ ପାଇଁ ଭୋଟ ଗ୍ରହଣ ହେବ। ଏଥିରେ ବ୍ଲକର 99080 ଭୋଟର ଭୋଟ ଦେବେ। ଚନ୍ଦାହାଣ୍ଡି ବ୍ଲକରେ 2 ଗୋଟି ଜିଲ୍ଲା ପରିଷଦ, 14 ଟି ଗ୍ରାମପଞ୍ଚାୟତ ଓ 158 ୱାର୍ଡ଼ ପାଇଁ ଭୋଟ ହେବ ଓ ଏଥିରେ ବ୍ଲକର 51652 ଭୋଟର ଭାଗ ନେବେ। ଦ୍ବିତୀୟ ପର୍ଯ୍ୟାୟ ୧୮ ତାରିଖ ଦିନ ଜିଲ୍ଲାର ତେନ୍ତୁଳୀଖୁଣ୍ଟି ବ୍ଲକର 2 ଗୋଟି ଜିଲ୍ଲା ପରିଷଦ, 15 ଟି ଗ୍ରାମ ପଞ୍ଚାୟତ, 213 ୱାର୍ଡ଼ ପାଇଁ ଭୋଟ ଗ୍ରହଣ ହେବ ଓ ଏଥିରେ ବ୍ଲକର 59695 ଭୋଟର ଭୋଟ ଦେବେ l ନନ୍ଦାହାଣ୍ଡି ବ୍ଳକର 2 ଗୋଟି ଜିଲ୍ଲା ପରିଷଦ, 11ଟି ଗ୍ରାମ ପଞ୍ଚାୟତ, 130 ୱାର୍ଡ଼ ପାଇଁ ଭୋଟ ଗ୍ରହଣ ହେବ ଓ ଏଥିରେ ବ୍ଲକର 44312 ଭୋଟର ଭୋଟ ଦେବେ। ତୃତୀୟ ପର୍ଯ୍ୟାୟ 20 ତାରିଖ ଦିନ ଜିଲ୍ଲାର କୋଷାଗୁମୁଡା ବ୍ଲକର 3 ଗୋଟି ଜିଲ୍ଲା ପରିଷଦ, 26 ଟି ଗ୍ରାମ ପଞ୍ଚାୟତ , 301 ୱାର୍ଡ ପାଇଁ ଭୋଟ ଗ୍ରହଣ ହେବ ଓ ଏଥିରେ ବ୍ଲକର 107188 ଭୋଟର ଭୋଟ ଦେବେ l ନବରଙ୍ଗପୁର ବ୍ଲକର 2 ଗୋଟି ଜିଲ୍ଲା ପରିଷଦ, 13ଟି ଗ୍ରାମ ପଞ୍ଚାୟତ, 159 ୱାର୍ଡ ପାଇଁ ଭୋଟ ଗ୍ରହଣ ହେବ ଓ ଏଥିରେ ବ୍ଲକର 54483 ଭୋଟର ଭୋଟ ଦେବେ l
ଚତୁର୍ଥ ପର୍ଯ୍ୟାୟ 22 ତାରିଖ ଦିନ ଜିଲ୍ଲାର ପାପଡାହାଣ୍ଡି ବ୍ଲକର 3 ଗୋଟି ଜିଲ୍ଲା ପରିଷଦ, 23ଟି ଗ୍ରାମ ପଞ୍ଚାୟତ, 280 ୱାର୍ଡ ପାଇଁ ଭୋଟ ଗ୍ରହଣ ହେବ ଓ ଏଥିରେ 96020 ଭୋଟର ଭାଗ ନେବେ l ଜିଲ୍ଲାର ଡାବୁଗାଁ ବ୍ଲକର 2 ଗୋଟି ଜିଲ୍ଲା ପରିଷଦ, 12 ଟି ଗ୍ରାମ ପଞ୍ଚାୟତ, 141 ୱାର୍ଡ ପାଇଁ ଭୋଟ ଗ୍ରହଣ ହେବ ଓ ଏଥିରେ 44648 ଭୋଟର ଭୋଟ ଦେବେ l ପଞ୍ଚମ ପର୍ଯ୍ୟାୟ 24 ତାରିଖ ଦିନ ଜିଲ୍ଲାର ରାଇଘର ବ୍ଲକ 4ଗୋଟି ଜିଲ୍ଲା ପରିଷଦ, 26 ଟି ଗ୍ରାମ ପଞ୍ଚାୟତ, 292 ୱାର୍ଡ ପାଇଁ ଭୋଟ ଗ୍ରହଣ ହେବ ଓ ଏଥିରେ ବ୍ଲକର 123128 ଭୋଟର ଭାଗ ନେବେ l ଜିଲ୍ଲାର ଉମରକୋଟ ବ୍ଲକର 3 ଗୋଟି ଜିଲ୍ଲା ପରିଷଦ, 26 ଟି ଗ୍ରାମ ପଞ୍ଚାୟତ, 296 ୱାର୍ଡ ପାଇଁ ଭୋଟ ଗ୍ରହଣ ହେବାକୁ ଥିବା ବେଳେ ଏଥିରେ ବ୍ଲକର 108048 ଭୋଟର ଭୋଟ ଦେବେ ବୋଲି ଜିଲ୍ଲାପାଳ ଶ୍ରୀ ମିଶ୍ର ସୂଚନା ଦେଇଥିଲେ l ତା 17.01.2022 ରୁ 21.01.22 ରିଖ ଦିବା 11 ଘଣ୍ଟାରୁ ଅପରାହ୍ନ 3 ଘଣ୍ଟା ମଧ୍ୟରେ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିପାରିବେ l 22 ତାରିଖ ରେ ନାମାଙ୍କନ ପତ୍ର ଯାଞ୍ଚ କରାଯିବ l 23 ତାରିଖରେ ଯୋଗ୍ୟ ପ୍ରାର୍ଥୀଙ୍କ ତାଲିକା ପ୍ରକାଶ କରାଯିବ l 25 ତାରିଖ ଅପରାହ୍ନ 3 ଘଣ୍ଟା ମଧ୍ୟରେ ପ୍ରାର୍ଥୀପତ୍ର ପ୍ରତ୍ୟାହାର କରିପାରିବେ lରାଜ୍ୟ ନିର୍ବାଚନ ଆୟୋଗ 11.01 2022 ତାରିଖ ରୁ 28.02.22 ପର୍ଯ୍ୟନ୍ତ ଆଦର୍ଶ ଆଚରଣ ବିଦ୍ଧି ଲାଗୁ କରିଛନ୍ତି l ଏଥର ରାଜ୍ୟ ନିର୍ବାଚନ ଆୟୋଗ କୋଭିଡ କଟକଣା ମଧ୍ୟରେ ନିର୍ବାଚନ କରିବା ପାଇଁ ନିର୍ଦ୍ଧେଶ ଦେଇଛନ୍ତି l ପ୍ରାର୍ଥୀ ମାସ୍କ ପିନ୍ଦିବା ବାଧ୍ୟତା ମୂଳକ କରାଯାଇଛି lମଧୁସୂଦନ ସାହୁ ନବରଙ୍ଗପୁର