କୁଷ୍ମାଣ୍ଡା
ସାରଦର ପୂର୍ଣ୍ଣ ଇନ୍ଦୁ ଜିଣି ନଭ
ସ୍ୱସ୍ଛ ସରୋବର ଜଳ
ଆକାଶେ ଭାସୁଛି ଧବଳ ବଉଦ
ନଦୀ ବହେ କଳ କଳ
ଶୁଭ୍ର ପଣତକୁ ପ୍ରକୃତି ଲମ୍ବାଇ
କରେ ତୋତେ ସୁମରଣା
ଆସ ଗୋ ଓହ୍ଲାଇ ଏଇ ମରତକୁ
ଠାଣି ତୋର ବୀଣା ଜିଣା
ସ୍ୱରୂପ ପ୍ରକଟ କର ଗୋ ଜନନୀ
ମୃଦୁ ପଦପଲ୍ଲ ଦେଇ
ଧରାଵ ତରଣ ହେଉ ମହାମାୟୀ
ମଙ୍ଗଳ ଗୀତିକା ଗାଇ
ମହାବଳ ବ୍ୟାଘ୍ର ପୃଷ୍ଟେ ବିଦ୍ୟମାନ
ଅଙ୍ଗ ଆଭାରଣ ଯେତେ
ଝଲକି ଯାଉଛି ଚଉଦ ବ୍ରହ୍ମ।ଣ୍ଡ
ଉପମା କେଦେଵ ସତେ
ସର୍ବାଙ୍ଗ ଆବୃତ ରକ୍ତ ପାଟ ବସ୍ତ୍ର
କୁଞ୍ଚିତ କବରୀ ସତେ
ଅଷ୍ଟ ଆୟୁଧରେ ପରିପୂର୍ଣ୍ଣ ଭୁଜ
ସତେ ମାରତଣ୍ଡ ଜିତେ
ଦକ୍ଷକରେ ପଦ୍ମ ଧନୁ ଅଜଗବ
ତୀର ତୁଣୀରରେ ସଜ୍ଜା
କମଣ୍ଡଳୁ ଧରି ଆନତ ଭୁଜରେ
ଦନୁଜ କୂଳକୁ ଲଜ୍ଜା
ବାମକରେ ବୁଲେ ନିର୍ଘାତ ସୁଚକ୍ର
ଗଦାଭାର ଆନ ହସ୍ତେ
ଅକ୍ଷଜପାମାଳ ବିଲମ୍ବିତ ସଦା
ହେମ କୁମ୍ଭ କଟି ସସ୍ତ୍ରେ
ଚତୁର୍ଥକ ମହାବିଦ୍ୟା ଘୋର ରୁପା
ଗର୍ଜନ୍ତି ତର୍ଜନ୍ତି ରକ୍ଷ
ଦେବାକୁତ ଶାସ୍ତି ତବ ଆବିର୍ଭାବ
ଆସନ୍ତୁ ସେ ରକ୍ଷଭକ୍ଷ
ମହା ହୁଙ୍କାରରେ ଝଙ୍କୃତ ଧରଣୀ
ଝରୁଛି ରୁଧିର ଧାର
ସମ୍ଭାଳ ସମ୍ଭାଳ ଅନାର୍ଯ୍ୟାପି ସର
ମୂର୍ଖ ନରାଧାମ ବୀର
କଉଣପ ମାରି ଧରା ଉଶ୍ୱାସିବି
ଧର୍ମ ସଂସ୍ଥାପନ କରି
ଅଧର୍ମ ଉପରେ ଧର୍ମ ର ବିଜୟ
କରିବି ଆଜ ମୁଁ ଜୁରୀ
ଏହି ପ୍ରବୋଧନା ଦିଅନ୍ତି ଶିବାନୀ
ସୁନ୍ଦର ଶରତ କାଳେ
ଘେନ ପାଦ୍ୟ ଅର୍ଘ୍ୟ ପ୍ରଣତି ମାଲୋ
କଳୁଷତା ଯାଉ ଜଳି।।
ସିତାଂଶୁ ଜେନା
ସହ ସମ୍ପାଦକ
ଓଡ଼ିଆ ଭାଷା ସାହିତ୍ୟ ପରିଷଦ, ଓଡ଼ିଶା