କଣ୍ଟାବାଞ୍ଜି, -: ଭାରସାମ୍ୟ ହରାଇ ବାଇକ୍ ଦୁର୍ଘଟଣାଗ୍ରସ୍ତ ହେବାରୁ ଘଟଣାସ୍ଥଳରେ ୨ ଆରୋହୀ ମୃତ ହୋଇଛି। ଏପରି ଅଭାବନୀୟ ଘଟଣା ଘଟିଛି ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ଥାନା ଧାମନଡଙ୍ଗା ଗାଁରେ । ସୂଚନାନୁସାରେ, ସୋମବାର ରାତିରେ ଧାମନଡଙ୍ଗା ଗାଁ ପାଖ ବୁଲାଣି ନିକଟରେ ଦୁର୍ଘଟଣା ଘଟିଛି । ଏକ ବାଇକରେ ଦୁଇ ଜଣ ଆରୋହୀ ଆସୁଥିବା ବେଳେ ବୁଲାଣିରେ ଭାରସାମ୍ୟ ହରାଇଥିଲେ । ଫଳରେ ଆରୋହୀ ଦୁଇ ଜଣ ରାସ୍ତାରେ ଛିଟକି ପଡି ମୃତ୍ୟୁ ହୋଇଥିବା ଜଣାପଡିଛି।ବର୍ତ୍ତମାନ ସୁଦ୍ଧା ମୃତକଙ୍କ ପରିଚୟ ମିଳିପାରିନାହିଁ । ଘଟଣାସ୍ଥଳରେ କଣ୍ଟାବାଞ୍ଜି ପୋଲିସ ପହଁଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି । ( ମ ନି ସ )
