ମାନବିକାତା ଦେଖାଇ ସଂସ୍କାର କଲେ ଗମ୍ଭାରୀଗୁଡା ସରପଞ୍ଚ ପ୍ରତିନିଧି
କୋକସରା,- : ଗତକିଛି ତଳେ କୋକସରା ବ୍ଲକ ଗମ୍ଭାରୀଗୁଡା ଛକ ଯାତ୍ରୀ ବିଶ୍ରାମଗାର ନିକଟରେ ଏକ ମୁମୂର୍ଷୁ ବୃଦ୍ଧ ଓଟ କୁ ତାର ମାଲିକ ଛାଡି ଦେଇ ଫେରାର ହୋଇ ଯାଇଥିଲା । ସ୍ଥାନୀୟ କିଛି ଯୁବକ ଅସୁସ୍ଥ ଓଟ ର ଯତ୍ନ ନେବାସହ ପଶୁ ଡାକ୍ତର ଙ୍କୁ ଆଣି ଚିକିତ୍ସା ମଧ୍ୟ କରାଇଥିଲେ । ହେଲେ ସବୁ ଚେଷ୍ଟା ସତ୍ତ୍ୱେ ରବିବାର ସନ୍ଧ୍ୟା ରେ ଆଖି ବୁଜିଦେଲା ଓଟ । 
ଏତେ ବଡ଼ ଓଟ କୁ କେମିତି ପୋତିବେ ସେନେଇ ସ୍ଥାନୀୟ ଲୋକଙ୍କ ଚିନ୍ତା ବଢି ଯାଇଥିଲା । ଏ ନେଇ ଗଣମାଧ୍ୟମ ପ୍ରତିନିଧି ଙ୍କ ଦୃଷ୍ଟି ଆକର୍ଷଣ କରିବାରୁ ଗମ୍ଭାରୀଗୁଡା ସରପଞ୍ଚ ପ୍ରତିନିଧି ଧନ ସାହୁ ଙ୍କୁ ଜଣାଇବା ପରେ ମାନବିକାତା ଦେଖାଇ ଜେସିବି ଆଣି ସ୍ଥାନୀୟ ଲୋକଙ୍କ ସହଯୋଗ ରେ ଓଟ କୁ ନିକଟସ୍ଥ ପଡ଼ିଆ ରେ ଗାତ ଖୋଲି ପୋତି ଦିଆଯାଇଛି । ସରପଞ୍ଚ ପ୍ରତିନିଧି ଙ୍କ ଏହି କାର୍ଯ୍ୟ କୁ ସାଧାରଣ ରେ ପ୍ରଶଂସା କରାଯାଇଛି ।( ମ ନି ସ)
