କୋକସରା, – ଆସନ୍ତା ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ଶୁକ୍ରବାର ନାମାଙ୍କନ ଦାଖଲ ପ୍ରକ୍ରିୟା ଶେଷ ହୋଇଛି । ଶେଷ ଦିନ ରେ କୋକସରା ବ୍ଲକ ର ବିଭିନ୍ନ ପଞ୍ଚାୟତ ରେ ସମିତି ସଭ୍ୟ, ସରପଞ୍ଚ ଓ ୱାର୍ଡ ମେମ୍ବର ପାଇଁ ୨୨୦ ଜଣ ପ୍ରାର୍ଥୀ ନାମାଙ୍କନ ଦାଖଲ କରିଥିବା ନେଇ ବ୍ଲକ ନିର୍ବାଚନ ଅଧିକାରୀ ସୂଚନା ଦେଇଛନ୍ତି । କୋକସରା ବ୍ଲକ ର ୨୨ ପଞ୍ଚାୟତ ପାଇଁ ୧୭ ରୁ ୨୧ ତାରିଖ ପର୍ଯ୍ୟନ୍ତ ନାମାଙ୍କନ ଦାଖଲ ରେ ସମିତି ସଭ୍ୟ ସଭ୍ୟା ପାଇଁ ମୋଟ ୧୦୭ ପ୍ରାର୍ଥୀ, ସରପଞ୍ଚ ପଦବୀ ପାଇଁ ୧୩୯ ଓ ୱାର୍ଡ ମେମ୍ବର ପାଇଁ ମୋଟ ୪୪୬ ଜଣ ଆଶାୟୀ ପ୍ରାର୍ଥୀ ନାମାଙ୍କନ ଦାଖଲ କରିଥିବା ସୁଚନା ମିଲିଛି । ତେବେ ଆସନ୍ତା ୨୫ ତାରିଖ ରେ ପ୍ରାର୍ଥୀ ପତ୍ର ଯାଞ୍ଚ ପ୍ରକ୍ରିୟା ସରିବା ପରେ ଚୁଡାନ୍ତ ତାଲିକା ବ୍ଲକ ନିର୍ବାଚନ ଅଧିକାରୀ ଙ୍କ ପକ୍ଷରୁ ପ୍ରକାଶ ପାଇବ । ଚୁଡାନ୍ତ ତାଲିକା ପ୍ରକାଶିତ ପର୍ଯ୍ୟନ୍ତ ଆଶାୟୀ ପ୍ରାର୍ଥୀ ଙ୍କ ମଧ୍ୟରେ ଦ୍ୱନ୍ଦ ଲାଗି ରହିବ । ସେହିପରି କୋକସରା ବ୍ଲକ ର କୋକସରା ଜିଲ୍ଲା ପରିଷଦ ଜୋନ ୨ ରୁ ବିଜେପି ପ୍ରାର୍ଥୀ ଜନାର୍ଦ୍ଦନ ପଣ୍ଡା, ଆମପାଣି ଜୋନ ୧ ଜିଲ୍ଲା ପରିଷଦ ରୁ କଂଗ୍ରେସ ପ୍ରାର୍ଥୀ ହରେକୃଷ୍ଣ ନାଏକ ଓ ମୋଟେର ଜୋନ ୩ ରୁ କଂଗ୍ରେସ ପ୍ରାର୍ଥୀ ହେମଲତା ଧରୁଆ ଶୁକ୍ରବାର ଧର୍ମଗଡ ଉପ ଜିଲ୍ଲାପାଳ ଙ୍କ କାର୍ଯ୍ୟାଳୟ ରେ ନିଜର ସମର୍ଥକଙ୍କ ସହ ନାମାଙ୍କନ ପତ୍ର ଦାଖଲ କରିଛନ୍ତି ।
