ବ୍ୟାପକ ଫସଲ ନଷ୍ଟ, ଚିନ୍ତାରେ ଚାଷୀ
ଉପର ଇନ୍ଦ୍ରାବତୀ ଜଳ ସେଚନ ପ୍ରକଳ୍ପ ଦକ୍ଷିଣ କେନାଲରନିଷ୍କାସିତ କେନାଲ ପାଣିରେ ପ୍ରାୟ ୪୦ ଏକର ଚାଷଜମି ଜଳମଗ୍ନ ହୋଇ ଚାଷୀଙ୍କ ଡାଲି ଜାତୀୟ ଫସଲ ନଷ୍ଟ ହେବା ଆଶଙ୍କା ସୃଷ୍ଟି ହୋଇଛି ।ଚାଷ ନଷ୍ଟ ଯୋଗୁଁ ଏବେ ଚିନ୍ତାରେ ଚାଷୀ।ତେବେ ଏ ନେଇ ଅସନ୍ତୋଷ ଚାଷୀ ଠିକା ସଂସ୍ଥା କୁ ଘେରିଛନ୍ତି।
ସୂଚନା ଅନୁଯାୟୀ, ଜୟପାଟଣା ବ୍ଳକ ମୁଖୀଗୁଡା ଉପର ଇନ୍ଦ୍ରାବତୀ ଜଳ ସେଚନ ପ୍ରକଳ୍ପ ଦକ୍ଷିଣ ୧୪୮ କୋଟି ଟଙ୍କା ବ୍ୟୟ ଅଟକଳ ରେ ଶୂନ କିମି ରୁ ୪୧ କିମି ପର୍ଯ୍ୟନ୍ତ ପୁନଃନିର୍ମାଣ କାର୍ଯ୍ୟ ଆରମ୍ଭ ହେଉଛି। 
ଗତ ୬ ଜାନୁଆରୀରେ ବାମ କେନାଲ ରେ ରବି ଚାଷ ପାଇଁ ଜଳ ଯୋଗାଣ ଆରମ୍ଭ ହୋଇଥିବା ବେଳେ ନିର୍ମାଣ କାର୍ଯ୍ୟ ଯୋଗୁଁ ଦକ୍ଷିଣ କେନାଲ ରେ ଜଳ ଯୋଗାଣ ବନ୍ଦ କରାଯାଇଛି।ତେବେ ଚାଷ ଉପରେ ନିର୍ଭର କରି ଚଳୁଥିବା ଚାଷୀ ନିଜ ଚାଷ ଜମି ରେ ଡାଲି ଜାତୀୟ ଫସଲ କରିଛନ୍ତି।ଖରିଫ ଧାନ ଫସଲ ଅମଳ ପରେ ମୁଗ, ବିରି, ଚଣା, ଅଳସି, କୋଲଥ, ନାକଚଣା ଭଳି ଅନେକ ପ୍ରକାରର ଡାଲି ଜାତୀୟ ଫସଲ ହୋଇଛି। 
ତେବେ ଗତ ଗୁରୁବାର ଦିନ ନିର୍ମାଣଧୀନ କେନାଲ ରୁ ଜଳ ନିଷ୍କାସନ କରାଯାଇଛି।ଯାହାଫଳରେ ତଳ ମୁଣ୍ଡରେ ଥିବା ଘେନୁଗୁଡା ଓ କୁରିଗୁମା ଗ୍ରାମର ପ୍ରାୟ ୩୦ ରୁ ଉର୍ଦ୍ଧ୍ବ ଚାଷୀ ମାନଙ୍କ ୪୦ ଏକର ଚାଷ ଜମି ରେ ଜଳ ପ୍ରବାହିତ ହୋଇ ଚାଷ ପ୍ରଭାବିତ ହୋଇଛି।ଡାଲି ଜାତୀୟ ଫସଲରେ ପାଣି ମାଡିଯିବାରୁ ଚାଷ ନଷ୍ଟ ହୋଇଥିବା ସ୍ଥାନୀୟ ଚାଷୀ ଅଭିଯୋଗ କରିଛନ୍ତି।ଏ ନେଇ ଆଜି ନିର୍ମାଣ କାର୍ଯ୍ୟ ସ୍ଥାନକୁ ଚାଷୀମାନେ ଆସି କ୍ଷତିପୂରଣ ଦାବି କରିଥିଲେ ନହେଲେ ଆଗାମୀ ଦିନରେ ଆନ୍ଦୋଳନ କରିବେ ବୋଲି ଚେତାବନୀ ଦେଇଛନ୍ତି।
କଳାହାଣ୍ଡି ରୁ ବିଦ୍ୟାଧର ସାହୁଙ୍କ ରିପୋର୍ଟ….
