ଭବାନୀପାଟଣା/ଜୁନାଗଡ଼:
କଳାହାଣ୍ଡି ଜୁନାଗଡ଼ ପୋଲିସକୁ ବଡ଼ ସଫଳତା l ରାଜ୍ୟ ବାହାରକୁ ବସ ଯୋଗେ ଗଞ୍ଜେଇ ଚାଲାଣ ହେଉଥିବା ବେଳେ ପୋଲିସ ବିପୁଳ ପରିମାଣର ଗଞ୍ଜେଇ ଜବତ କରିଛି l ଜୟପୁର ପଟୁ ୟୁପି 70ft 3969ନମ୍ବର ଏକ ଘରୋଇ ଟୁରିଷ୍ଟ ବସ ଯୋଗେ ୯ କ୍ୱଣ୍ଟାଲ ଗଞ୍ଜେଇ ଚାଲାଣ ହେଉ ଥିବା ବେଳେ ଜୁନାଗଡ଼ ପୋଲିସ ଗାଡ଼ି ଅଟକାଇ ଗାଡି ଭିତର ଡିକିରୁ ବିପୁଳ ପରିମାଣର ଗଞ୍ଜେଇ ଜବତ କରିବା ସହ ବସ ଡ଼୍ରାଇଭର ଓ ହେଲପରକୁ ଅଟକ ରଖିଛି l 
ଅନ୍ୟପଟେ ଘଟଣା ସ୍ଥଳରେ ମାଜିଷ୍ଟ୍ରେଟ ଦାୟିତ୍ଵରେ ଜୁନାଗଡ଼ ତହସିଲଦାର ଓ ଉପଖଣ୍ଡ ପୋଲିସ ଅଧିକାରୀ ଧିରଜ ଚୋପଦାର ଉପସ୍ଥିତିରେ ତଦନ୍ତ ଜାରି ରହିଛି l ୯ କ୍ୱଣ୍ଟାଲ ଗଞ୍ଜେଇର ଆନୁମାନିକ ମୂଲ୍ୟ ୨୭ଲକ୍ଷ ଟଙ୍କା ହେବ ବୋଲି ସୂଚନା ମିଳିଛି। ଅନ୍ୟପଟେ ଏହାର କିନ୍ ପିନ୍ କିଏ ପୋଲିସର ତଦନ୍ତ ପରେ ଜଣାପଡ଼ିବ l
(ରିପୋର୍ଟ ପ୍ରଦୀପ କୁମାର ଗଉଡ, କଳାହାଣ୍ଡି )
