କୋକସରା,୩୧/୦୧-ତ୍ରିସ୍ତରୀୟ ନିର୍ବାଚନ ପାଇଁ କାଉଣ୍ଟଡାଉନ ଆରମ୍ଭ ହୋଇଥିବା ବେଳେ ଘଡି କୁ ଘୋଡ଼ା ଛୁଟୁଛି। ଜିଲ୍ଲା ପରିଷଦ ଯୋନ ହାତେଇବା ପାଇଁ ଛାମୁଆ ନେତା ଙ୍କ ଘନ ଘନ ବୈଠକ ଦଳୀୟ କର୍ମକର୍ତ୍ତା ଙ୍କ ସହ ଜାରି ରହିଛି। ସୋମବାର କୋକସରା ବ୍ଲକ ବିଜେଡି ର ଏକ ଦଳୀୟ କାର୍ଯ୍ୟକ୍ରମ ଆମପାଣି ଯୋନ ର ଗୋତୋମୁଣ୍ଡା ଠାରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମ ରେ କୋକସରା ବ୍ଲକ ସଭାପତି ସୁଶାନ୍ତ ବେହେରା ଙ୍କ ଅଧ୍ୟକ୍ଷତାରେ କଳାହାଣ୍ଡି ଜିଲ୍ଲା ବିଜେଡି ସଭାପତି ତଥା ପୂର୍ବତନ ମନ୍ତ୍ରୀ ପୁଷ୍ପେନ୍ଦ୍ର ସିଂଦେଓ, ବରିଷ୍ଠ ବିଜେଡି ନେତା ବଦ୍ରି ନାରାୟଣ ପଟ୍ଟନାୟକ ଙ୍କ ଉପସ୍ଥିତ ରେ କଂଗ୍ରେସ ର କିଛି ବରିଷ୍ଠ କର୍ମି ବିଜେଡି ଦଳ ରେ ସାମିଲ ହୋଇଛନ୍ତି। ଗୋତୋମୁଣ୍ଡା ପଞ୍ଚାୟତ କଂଗ୍ରେସ ର ସଭାପତି ମୂରଲୀଧର ଅଣ୍ଟି, ରତନ ପୁଝାରି, ବିଦ୍ୟାଧର ଖର୍ସେଲ ବିଜେଡି ଦଳ ରେ ବିଧିବଦ୍ଧ ଭାବେ ସାମିଲ ହୋଇ ଦଳୀୟ ସଦସ୍ୟତା ଗ୍ରହଣ କରିଛନ୍ତି। ଏହି ଅବସରରେ ଆମପାଣି ଯୋନ ର ଦଳୀୟ ଜିଲ୍ଲା ପରିଷଦ ପ୍ରାର୍ଥୀ ହେମନ୍ତ ମାଝୀ, ବିଧାୟକ ପ୍ରତିନିଧି ମାନସ ରଞ୍ଜନ ବାଗ, ଋତୁରାଜ ମାଝୀ, ଶିବରାମ ପାତ୍ର, ଆଶୁତୋଷ ପୁରୋହିତ, ରାମଚନ୍ଦ୍ର ପାଣିଗ୍ରାହୀ ପ୍ରମୁଖ ବିଜେଡି ର ଦଳୀୟ କର୍ମକର୍ତ୍ତା ଉପସ୍ଥିତ ରହିଥିଲେ ।
