ରୁପ୍ରା, ୧୮/୧୨ (ମ ନି ସ) : ହକି ପୁରୁଷ ବିଶ୍ବକପ୍ ୨୦୨୩ର ଅବ୍ୟବହିତ ପୂର୍ବରୁ ନର୍ଲା ବ୍ଲକ ଅଧିନ ମୁସ୍କୁଟି ଗ୍ରାମ ପଞ୍ଚାୟତ ସମେତ ସମସ୍ତ ପଞ୍ଚାୟତରେ ବିଭିନ୍ନ ଖେଳକୁଦ ସମାରୋହ ଅନୁଷ୍ଠିତ ହେଉଛି। ଏହି ଅବସରରେ ରବିବାର ଦିନ ମୁସ୍କୁଟି ଗ୍ରାମ ପଞ୍ଚାୟତ ତରଫରୁ ସ୍ଥାନୀୟ ମିଳିତ ପଞ୍ଚାୟତ ସରକାରୀ ଉଚ୍ଚ ବିଦ୍ୟାଳୟର ଖେଳ ପଡ଼ିଆରେ ପଞ୍ଚାୟତ ସ୍ତରୀୟ ଭଲିବଲ୍ ଓ ଫୁଟବଲ୍ ମ୍ୟାଚ୍ ଅନୁଷ୍ଠିତ ହୋଇଥିଲା। ଉକ୍ତ କାର୍ଯ୍ୟକ୍ରମ ମୁସ୍କୁଟି ପଞ୍ଚାୟତର ପିଇଓ ପ୍ରଦୀପ ସାହୁଙ୍କ ତତ୍ତ୍ୱାବଧାନରେ ଅନୁଷ୍ଠିତ ହୋଇଥିବା ବେଳେ ମୁଖ୍ୟଅତିଥି ଭାବରେ ମୁସ୍କୁଟି ପଞ୍ଚାୟତ ସରପଞ୍ଚ ସଞ୍ଜୁଲତା ଭୋଇ ଯୋଗଦାନ କରିଥିଲେ, ସମ୍ମାନିତ ଅତିଥିଭାବେ ମିଳିତ ପଞ୍ଚାୟତ ସରକାରୀ ଉଚ୍ଚ ବିଦ୍ୟାଳୟର ଶିକ୍ଷକ ବିଷ୍ଣୁ ଚରଣ ସେନାପତି, ସାମ୍ବାଦିକ ଅଜୟ କୁମାର ସେନାପତି, ୱାର୍ଡ଼ ସଭ୍ଯ /ସଭ୍ୟା ପୁଷ୍ପଲତା ଭୋଇ, ନିଳାଞ୍ଚଳ ପାତ୍ର, ଦିଲ୍ଲୀପ କୁମୁରା, ବିମଳା ସାହୁ ଓ ସମାଜସେବୀ ପତିତପାବନ ଭୋଇ ପ୍ରମୁଖ ଯୋଗଦାନ କରି ମଞ୍ଚାସୀନ ହୋଇଥିଲେ। ଏହି ଅବସରରେ ପ୍ରଥମେ ଫୁଟବଲ ଖେଳ ସାଲିଙ୍ଗ୍ ଓ କୁଟେନ୍ ମଧ୍ୟରେ ଅନୁଷ୍ଠିତ ହୋଇଥିଲା, ଉଭୟ ଦଳ ୧ – ୧ ଗୋଲ୍ ରେ ଡ୍ର ହୋଇଥିବା ବେଳେ ପରବର୍ତ୍ତୀ ମ୍ୟାଚ୍ କେନ୍ଦୁପଡା ଓ କାରୁମପଦର ମଧ୍ୟରେ ଅନୁଷ୍ଠିତ ହୋଇ ଡ୍ର ହୋଇଥିଲା। ପରେ ଭଲିବଲ୍ ମ୍ୟାଚ ମୁସ୍କୁଟି ଓ କେନ୍ଦୁପଡା ଦଳ ମଧ୍ୟରେ ଅନୁଷ୍ଠିତ ହୋଇଥିଲା, ଏଥିରେ ମୁସ୍କୁଟି ବିଜୟୀ ହୋଇଥିଲା। ସୂଚନା ମୁତାବକ ଗ୍ରାମ ପଞ୍ଚାୟତ ସ୍ତରରେ ହେଉଥିବା ମ୍ୟାଚ୍ ରୁ ଭଲ ଭଲ ଖେଳାଳି ଚୟନ କରାଯାଇ ବ୍ଲକ୍ ସ୍ତରୀୟ ଟିମ୍ ଗଠନ କରାଯିବ। ଏହି ଖେଳ ପରିଚାଳନା ମିଳିତ ପଞ୍ଚାୟତ ସରକାରୀ ଉଚ୍ଚ ବିଦ୍ୟାଳୟର ଖେଳ ଶିକ୍ଷକ ସମୀର ରଞ୍ଜନ ନାଏକ କରିଥିବା ବେଳେ ଲାଇନରେ ସଡମାତୁର ନାଏକ ଓ କହଁର ପାତ୍ର ସହଯୋଗ କରିଥିଲେ। ଉକ୍ତ କାର୍ଯ୍ୟକ୍ରମରେ କାଲା ଗହିର, ବନମାଳୀ ବାଗ, ଡିସନ୍ଦର୍ ପଟେଲ୍ ଓ ତ୍ରିଲୋଚନ ମାଝୀ ପ୍ରମୁଖ ସହଯୋଗ କରିଥିଲେ।