ନୂଆପଡା : ନୂଆପଡା ଜିଲ୍ଲା କୋମନା ଥାନା କୁରୁମ୍ପୁରି ଓ ଦଳଦଳି ସ୍ଥିତ ୩୫୩ ଜାତୀୟ ରାଜପଥ ଠାରେ ଅଜଣା ଗାଡ଼ି ଧକ୍କା ରେ ବାଇକ୍ ଆରୋହୀ ଗୁରୁତର ହେଇଛନ୍ତି ।ସୁଚନା ଅନୁସାରେ କୋମନା ଥାନା ଗଣ୍ଡାମେର ଗ୍ରାମ ପଞ୍ଚାୟତ ଦାବ୍ରି ପଡ଼ାର ବାପ ପୁଅ କୈଳାଶ ତାଣ୍ଡି (୫୫) ଓ କିଶୋର ତାଣ୍ଡି (୩୦) ଦୁଇ ଜଣ ବାଇକ୍ ଯୋଗେ କୌଣସି କାମରେ ନୂଆପଡା ଯାଇଥିଲେ। ଫେରୁଥିବା ସମୟରେ କୁରୁମ୍ପୁରୀ ଓ ଦଳଦଳୀ ସ୍ଥିତ ୩୫୩ ଜାତୀୟ ରାଜପଥ ଠାରେ ଏକ ଅଜଣା ଗାଡ଼ି ଧକ୍କା ଦେଇଥିଲା ଯାହା ଫଳରେ ବାପା କୈଳାଶ ତାଣ୍ଡି ଗୁରୁତର ଆହତ ହୋଇ ଘଟଣା ସ୍ଥଳରେ ପଡି ରହିଥିଲେ। ସେହି ସମୟରେ ନୂଆପଡା ପଟୁ କୋମନା ଜୋନ୍ ନଂ-୨ ର ବିଜେଡ଼ି ଜିଲ୍ଲା ପରିଷଦ ପ୍ରାର୍ଥୀ ଅବନୀ ରଞ୍ଜନ ଯୋଶୀ ଓ ତାଙ୍କ ସହଯୋଗୀ ନିର୍ବାଚନୀ ପ୍ରଚାର ରେ ତରବୋଡ ଅଞ୍ଚଳକୁ ଯାଉଥିଲେ।ସେହି ସମୟରେ ବାଇକ୍ ଆରୋହି ଦୁଇଜଣ କୁରୁମ୍ ପୁରୀ ଓ ଦଳଦଳି ସ୍ଥିତ ୩୫୩ ରାଜ ରାସ୍ତାରେ ଗୁରୁତର ଅବସ୍ଥାରେ ପଡ଼ିଥିବା ଦେଖି ଶ୍ରୀ ଯୋଶୀ ମାନବିକତା ଦେଖାଇ ଅଟକି ଥିଲେ ଓ ତୁରନ୍ତ ନିଜ ଗାଡ଼ି ରେ ଗୁରୁତର ଅବସ୍ଥାରେ ବାପ ପୁଅଙ୍କୁ ନୂଆପଡା ମୁଖ୍ୟ ଚିକିତ୍ସାଳୟ କୁ ନେଇ ଚିକିତ୍ସା ପାଇଁ ଭର୍ତି କରାଇଥିଲେ।ହେଲେ ବାପା କୈଳାଶ ତାଣ୍ଡି ଙ୍କ ଗୋଟିଏ ଗୋଡ଼ ଭାଙ୍ଗି ଯାଇଥିବା ଡାକୁର ସୁଚନା ଦେଇଛନ୍ତି। ବର୍ତ୍ତମାନ୍ ତାଙ୍କର ଚିକିତ୍ସା ଚାଲିଛି । ଏହି ମହତ କାର୍ଯ୍ୟ ପାଇଁ ଶ୍ରୀ ଯୋଶୀ ଙ୍କୁ ଦୁର୍ଘଟଣାଗ୍ରସ୍ତ ପରିବାର ଲୋକେ ଧନ୍ୟବାଦ୍ ଦେଇଛନ୍ତି । ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
