ଭବାନୀ ପାଟଣା -: ତ୍ରି ସ୍ତରୀୟ ନିର୍ବାଚନ କୁ ଦୃଷ୍ଟିରେ ରଖି ବିଭିନ୍ନ ରାଜନୈତିକ ଦଳ ନିଜ ନିଜର ପତିଆରା ବୃଦ୍ଧି ପାଇଁ ଉଦ୍ୟମ କରୁଥିବା ବେଳେ ଦଳୀୟ କାର୍ଯ୍ୟକ୍ରମ ରେ ଅସନ୍ତୋଷ ଯୋଗୁଁ କେତେକ କ୍ଷେତ୍ରରେ ନେତା ଓ କର୍ମୀମାନେ ଭିନ୍ନ ଦଳ ପ୍ରତି ଆକୃଷ୍ଟ ହେଉଥିବା ଦେଖିବାକୁ ମିଳୁଛି। ନିର୍ବାଚନୀ ଘଡିସନ୍ଧି ମୁହୂର୍ତ୍ତ ରେ କଳାହାଣ୍ଡି ଜିଲ୍ଲା ବିଜେପି ପକ୍ଷରୁ ଅନୁଷ୍ଠିତ ମିଶ୍ରଣ ପର୍ବରେ ଦେଖା ଦେଇଛି ଅନେକ ସଫଳତା। ଶତାଧିକ କଂଗ୍ରେସ କର୍ମୀ ଓ ନେତା ବିଜେପିରେ ସାମିଲ ହୋଇଛନ୍ତି।ବରିଷ୍ଠ କଂଗ୍ରେସ ନେତା ତଥା ପୂର୍ବତନ ନର୍ଲା ବିଧାୟକ କୁମର ମଣୀ ଶବର ଙ୍କ ସମେତ କେସିଙ୍ଗା ବ୍ଲକ୍ ପୂର୍ବତନ ଅଧ୍ୟକ୍ଷ ଓ ଅନେକ ନେତା ଏବଂ କର୍ମୀ ହାତ ଛାଡ଼ି ପଦ୍ମ ଧରିଥିବା ବେଳେ ଏହା ଆଗାମୀ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ରେ ବିଜେପିକୁ ବେଶ୍ ସହାୟକ ହେବ ବୋଲି ଚର୍ଚ୍ଚା ହେଉଛି।ପଞ୍ଚାୟତ ନିର୍ବାଚନ ରେ ରାଜ୍ୟ ସରକାରଙ୍କ ବିଫଳତା ,ଶିକ୍ଷୟତ୍ରୀ ମମିତା ମେହେର ହତ୍ୟାକାଣ୍ଡ ଘଟଣା ଓ କେନ୍ଦ୍ର ସରକାରଙ୍କ ବିଭିନ୍ନ ଜନହିତକର ଯୋଜନାକୁ ନେଇ ବିଜେପି ଭୋଟର ଙ୍କ ନିକଟକୁ ଯାଇ ଭୋଟ ଭିକ୍ଷା କରୁଥିବା ବେଳେ କଳାହାଣ୍ଡିରେ ବିଜେପି ଜିଲ୍ଲାପରିଷଦ ଗଠନ କରିବାରେ ସଫଳ ହେବ ବୋଲି ସାଂସଦ ବସନ୍ତ ପଣ୍ଡା ପ୍ରକାଶ କରିଛନ୍ତି। ସହ ସଂପାଦକ ଅର୍ଜୁନ ପଟ୍ଟନାୟକ ଙ୍କ ରିପୋର୍ଟ
