ଧର୍ମଗଡ-କଳାହାଣ୍ଡି ଜିଲ୍ଲା ର ପ୍ରଥମ ମହିଳା ବିଧାୟିକା ତଥା କୋକସରା ନିର୍ବାଚନ ମଣ୍ଡଳୀ ର ପୂର୍ବତନ ବିଧାୟିକା ରୋଶନୀ ସିଂଦେଓ ଙ୍କ ଗତ ଶୁକ୍ରବାର ଦିନ ପରଲୋକ ହୋଇଛି । ତାଙ୍କର ଅମର ଆତ୍ମା ର ସଦଗତି ନିମନ୍ତେ ଆଜି ସ୍ଥାନୀୟ ବିଜୁ କଲ୍ୟାଣ ମଣ୍ଡପ ଠାରେ ଏକ ଶ୍ରଦ୍ଧାଞ୍ଜଳୀ ସଭା ଅନୁଷ୍ଠିତ ହୋଇଥିଲା । ଦୁଇମିନିଟ ର ନିରବ ପ୍ରାର୍ଥନା ପୂର୍ବକ ସଭା କାର୍ଯ୍ୟ ଆରମ୍ଭ ହୋଇଥିଲା । ପୂର୍ବତନ ଉପ ନଗରପାଳ ଅଶୋକ ମହାନ୍ତି ଙ୍କ ସଭାପତିତ୍ଵ ରେ ଆୟୋଜିତ ଏହି ଶ୍ରଦ୍ଧାଞ୍ଜଳୀ ସଭା ରେ ବିଜେଡି ଜିଲ୍ଲା ସାଧାରଣ ସମ୍ପାଦକ ଥବିର ପ୍ରସାଦ ସାହୁ, ବଲାଙ୍ଗୀର ଜୋନ ସଭାନେତ୍ରୀ ଶ୍ରୀମତୀ କଲ୍ୟାଣୀ ନାଏକ, ଅଜିତ କୁମାର ସାହୁ, ଭବାନୀ ଶଙ୍କର ପଣ୍ଡା, ଧୀରେନ୍ଦ୍ର ପାତ୍ର, ମିଥିଳା ପୁଞ୍ଜି, ଜୟନ୍ତି ନାଏକ, ବ୍ଲକ ସଭାପତି ଟିକମନ୍ ଯାଦବ, ବିଧାୟକ ପ୍ରତିନିଧି ସ୍ଵାଧୀନ କୁମାର ବାଗ, ଯୋଗେନ୍ଦ୍ର ସାହୁ, ରାମପ୍ରସାଦ ଗୋପାଳ, ମୁନି ରାମ ମାଝୀ, ବିକାଶ ଅଗ୍ରୱାଲ ଓ ଅନ୍ୟମାନେ ଉପସ୍ଥିତ ରହି ସ୍ୱର୍ଗତ ବିଧାୟିକା ଙ୍କ ସ୍ମୃତି ଚାରଣ କରି ଥିଲେ । ବୈଦ୍ୟ ନାଥ ବେହେରା ଙ୍କ ରିପୋର୍ଟ
