ନୂଆପଡା : ନୂଆପଡା ଜିଲ୍ଲା ଭରୁଆମୁଣ୍ତା ପଞ୍ଚାୟତର ୨ ନମ୍ବର ମତଦାନ କେନ୍ଦ୍ରରେ ନକଳି ଭୋଟ ହୋଇ ଥିବା ଅଭିଯୋଗରେ ଉତ୍ତେଜନା ପ୍ରକାଶ ପାଇଛି । ଏକ ଗୋଷ୍ଠୀର ଲୋକେ ମତଦାନ କେନ୍ଦ୍ର ଭିତରକୁ ପସି ଯାଇ ଥିବାରୁ ଭୋଟଦାନ କିଛି ସମୟ ପାଇଁ ବନ୍ଦ ଥିଲା । ଲୋକେ ଅଭିଯୋଗ କରିଛନ୍ତି ଯେ,ଜଣେ ଭୋଟରଙ୍କ ନାମରେ ଅନ୍ୟ ଜଣେ ଭୋଟ ଦେଇଛନ୍ତି । ପ୍ରିଜାଇଡିଂ ଅଫିସର କହୁଛନ୍ତି ଯେ,ପ୍ରାର୍ଥୀଙ୍କ ଏଜେଣ୍ଟ ଚିହ୍ନଟ ପରେ ଭୋଟ ଦେବାକୁ ସୁଯୋଗ ଦିଆ ଯାଇ ଥିଲା । କିନ୍ତୁ ଭୋଟ ଦେଲା ପରେ ଏଜେଣ୍ଟ ଅନ୍ୟ ଜଣକ ନାମରେ ଅନ୍ୟ ଜଣେ ଭୋଟ ଦେଇ ଥିବା କହି ଥିଲେ । ଅନେକ ସମୟ ଧରି ଭୋଟଦାନ ବନ୍ଦ ଥିଲା । ପରେ ପୋଲିସ,ସେକଟର୍ ଅଫିସର ଓ ଏକଜୁକୁଟିଭ୍ ମାଜିଷ୍ଟ୍ରେଟ ଯାଇ ଲୋକଙ୍କୁ ମତଦାନ କେନ୍ଦ୍ରରୁ ବାହାର କରି ଥିଲେ ।ଏବେ ଭୋଟଦାନ ଚାଲିଛି । ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ