କର୍ଲାମୁଣ୍ଡା (ସୁଶାନ୍ତ ରଣା): ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ତେରେସିଂହା ଗ୍ରାମ ପଞ୍ଚାୟତର ସମିତି ସଭ୍ୟା ଭାବେ ଶ୍ରୀମତୀ ଚନ୍ଦ୍ରମା ରଣା ବିଜୟୀ ହୋଇଛନ୍ତି l ସେ ତାଙ୍କ ନିକଟତମ ପ୍ରତିଦ୍ବନ୍ଦୀ ଶ୍ରୀମତୀ ମାଣିକ୍ୟ ସୁନାଙ୍କୁ ୮୦୦ ଖଣ୍ଡ ଭୋଟରେ ପରାସ୍ତ କରିଛନ୍ତି l ଶ୍ରୀମତୀ ରଣା ୧୯୨୩ ଖଣ୍ଡ ଭୋଟ ପାଇ ବିଜୟୀ ହୋଇଥିବା ବେଳେ ଶ୍ରୀମତୀ ସୁନା ୧୧୨୩ ଖଣ୍ଡ ଭୋଟପାଇ ପରାଜିତ ହୋଇଛନ୍ତି l ଶ୍ରୀମତୀ ସୁନା ପୂର୍ବରୁ ଥରେ ବ୍ଲକ୍ ଅଧ୍ୟକ୍ଷା ହୋଇ ସାରିଥିବା ବେଳେ ପୁଣି ଅଧ୍ୟକ୍ଷା ହେବାର ସ୍ୱପ୍ନ ଦେଖୁଥିଲେ l କିନ୍ତୁ ପୂର୍ବତନ(ବିଦାୟୀ) ସମିତି ସଭ୍ୟା ଶ୍ରୀମତୀ ରଣାଙ୍କ ଠାରୁ ପରାଜୟ ବରଣ କରିବା ପରେ ଅଧ୍ୟକ୍ଷା ଆଶା ମଉଳି ଯାଇଛି l ଅପରପକ୍ଷେ ଶ୍ରୀମତୀ ଚନ୍ଦ୍ରମା ରଣାଙ୍କ ଦ୍ୱିତୀୟ ବିଜୟ ପରେ ତେରେସିଂହା ପଞ୍ଚାୟତ ସମିତି ସଭ୍ୟା ଭାବେ ୨ୟ ଥର ନିର୍ବାଚିତ ହେବାରେ ସେ ହେଉଛନ୍ତି ପ୍ରଥମ ବ୍ୟକ୍ତି l ବିଜୟ ପରେ ସମର୍ଥକ ମାନଙ୍କ ମଧ୍ୟରେ ବେଶ୍ ଉତ୍ସାହ ଦେଖିବାକୁ ମିଳିଥିଲା l (କର୍ଲାମୁଣ୍ଡାରୁ ସୁଶାନ୍ତ ରଣାଙ୍କ ରିପୋର୍ଟ, ମସୀହା)
