ଲାଞ୍ଜିଗଡ଼,୧୦/୦୩(ନି.ପ୍ର)-ମାଓପ୍ରବଣ ଅଞ୍ଚଳରେ ଲୋକଙ୍କ ବିଶ୍ବାସଭାଜନ ହେବା ସହିତ ବାମପନ୍ଥୀଙ୍କ ହିଂସାରୁ ଅଞ୍ଚଳକୁ ମୁକ୍ତ କରିବା ଓ ବ୍ୟାପକ ଜନସଚେତନତା ପାଇଁ ପୁଲିସ ପ୍ରଶାସନ ପକ୍ଷରୁ ବିଭିନ୍ନ ସମୟରେ ଜନସଂପର୍କ ଶିବିର ମାନ ଆୟୋଜନ କରାଯାଉଛି ! ଏହିକ୍ରମରେ ଆଜି ଲାଞ୍ଜିଗଡ଼ ବ୍ଲକ ପୋଖରୀବନ୍ଧ ଗ୍ରାମପଞ୍ଚାୟତର ଜନାଙ୍ଗପେଟା, ଇରକୁଲି ଓ ଲାଞ୍ଜିଗଡ଼ରୋଡ଼ ଗ୍ରାମପଞ୍ଚାୟତର କିଡିଙ୍ଗ, ମାଡିବନ୍ଧା, କାଉଗୁଡ଼ାର ଜନସାଧାରଣଙ୍କୁ ନେଇ ସିଆରପିଏଫ୍ ୬୪ ବାଟାଲିୟନ ସିକେରକୁପା କ୍ୟାମ୍ପ୍ ପକ୍ଷରୁ ଜନସଂପର୍କ ଶିବିର ଅନୁଷ୍ଠିତ ହୋଇଯାଇଛି । ଏଥିରେ ଉପରୋକ୍ତ ଗାଁଗୁଡ଼ିକରୁ ଶତାଧିକ ମହିଳା ଓ ପୁରୁଷ ସାମିଲ ହୋଇଥିଲେ । ମୁଖ୍ୟଅତିଥି ଭାବେ ସେକେଣ୍ଡ ଇନ୍ କମାଣ୍ଡ ଧୈର୍ୟପାଲ ସିଂହ, ସମ୍ମାନିତ ଅତିଥି ଭାବେ ଅମର ସିଂହ, ଆସିଷ୍ଟାଣ୍ଟ କମାଣ୍ଡାଣ୍ଟ ଓମ୍ ପ୍ରକାଶ, ଜି. ନବୀ, ପୋଖରୀବନ୍ଧ ସରପଞ୍ଚ ସୁନୀତା ମାଝୀ, ଲାଞ୍ଜିଗଡ଼ ରୋଡ଼ ସରପଞ୍ଚ ମମତା ଶବର ପ୍ରମୁଖ ଯୋଗ ଦେଇଥିଲେ । ଆୟୋଜିତ ଶିବିରରେ ଅଞ୍ଚଳବାସୀ ଜନସାଧାରଣଙ୍କୁ ୧୦୦ଟି ରେଡ଼ିଓସେଟ୍ ଦିଆଯାଇଥିଲା । ଆୟୋଜିତ ଶିବିରକୁ କ୍ୟାମ୍ପ୍ ର ଯବାନମାନେ ପରିଚାଳନା କରିଥିଲେ । –ଲାଞ୍ଜିଗଡ଼ରୁ ସୁଶୀଲ କୁମାର ବାଗଙ୍କ ରିପୋର୍ଟ
