ଜୁନାଗଡ଼,୧୭/୩. (ନି.ପ୍ର) କଳାହାଣ୍ଡି ର ବ୍ୟବସାୟିକ ସହର ଜୁନାଗଡ ର ପୁନମ ଏ ଟୁ ଜେଡ଼ ସପିଙ୍ଗ ମଲ ରେ ବୁଧବାର ରାତିରେ ଭୟାଭୟ ଅଗ୍ନିକାଣ୍ଡ ଘଟି ଲକ୍ଷାଧିକ ଟଙ୍କାର ସମ୍ପତ୍ତି ସମ୍ପୂର୍ଣ୍ଣ ନଷ୍ଟ ହୋଇଯାଇଛି ।ନିଆଁ ର ପ୍ରକୋପ ଏତେ ଭୟାନକ ଥିଲା ଯେ ଏହାକୁ ଲିଭାଇବା ପାଇଁ ଜିଲ୍ଲାର ୬ ଗୋଟି ଅଗ୍ନିଶମ କେନ୍ଦ୍ର କର୍ମଚାରୀ ଦୀର୍ଘ ୭ ଘଣ୍ଟା ରୁ ଉର୍ଦ୍ଧ୍ବ ସମୟ ଅକ୍ଲାନ୍ତ ପରିଶ୍ରମ କରି ନିଆଁ କୁ ଆୟତ୍ତ କରିଥିଲେ l ସୂଚନା ମୁତାବକ ଜୁନାଗଡ ସହର ର କଲମପୁର ଛକ ଗାୟତ୍ରୀ ମନ୍ଦିର ନିକଟରେ ଥିବା ତିନି ମହଲା ବିଶିଷ୍ଟ ଏ ଟୁ ଜେଡ ସପିଙ୍ଗ ମଲ ରେ ବୁଧବାର ରାତି ପ୍ରାୟ୯.୩୦ ସମୟରେ କୌଣସି କାରଣ ବଶତଃ ମଝି ମହଲା ରେ ନିଆଁ ଲାଗି ଯାଇଥିବା ଦେଖିବାକୁ ମିଳିଥିଲା l ନିକଟରେ ଥିବା ମଲ ର କିଛି ଲୋକ ଏହା ଦେଖି ମଲ ମାଲିକ ଏବଂ ଅଗ୍ନିଶମ ବିଭାଗ ଙ୍କୁ ଖବର ଦେଇଥିଲେ l । ଜୁନାଗଡ ପୋଲିସ ଏବଂ ଜୁନାଗଡ ଅଗ୍ନିଶମ ବାହିନୀ, ତୁରନ୍ତ ଘଟଣା ସ୍ଥଳକୁ ପହଞ୍ଚି ନିଆଁ କୁ ଆୟତ୍ତ କରିବାକୁ ଚେଷ୍ଟା କରିଥିଲେ । ଏହି ନିଆଁ ର ପ୍ରକୋପ ଏତେ ଭୟାନକ ଥିଲା ଯେ ଜୁନାଗଡ଼ ଅଗ୍ନିଶମ ବାହିନୀ ଏହାକୁ ଆୟତ୍ତ କରିବା ସମ୍ଭବ ପର ହୋଇ ନ ଥିଲା l ଏଣୁ ଜିଲ୍ଲାର ଭବାନୀପାଟଣା, ଧର୍ମଗଡ, କଲମପୁର, କୋକସରା ଆଦି ୬ଗୋଟି ସ୍ଥାନ ରୁ ଅଗ୍ନିଶମ ଗାଡି ଏବଂ ୩ଟି ପମ୍ପ ବ୍ୟବହୃତ ହୋଇଥିଲା lଦୀର୍ଘ ୭ଘଣ୍ଟା ର ଅପରେଶନ ପରେ ନିଆଁ ସମ୍ପୂର୍ଣ୍ଣ ରୂପେ ଆୟତ୍ତ ହୋଇଥିଲା l ମଲରେ ଖାଇବା ସାମଗ୍ରୀ ସହିତ ତେଲ, ପ୍ଲାଷ୍ଟିକ ଆଦି ସାମଗ୍ରୀ ଥିବା ହେତୁ ଧୂଆଁ ସହିତ ପ୍ରବଳ ମାତ୍ରାରେ ନିଆଁ ଲାଗିଥିବା ହେତୁ ଅଗ୍ନିଶମ ବାହିନୀକୁ ଅକ୍ଲାନ୍ତ ପରିଶ୍ରମ କରିବାକୁ ପଡ଼ିଥିଲା ପ୍ରବଳ ଧୂଆଁ ରେ ଉପର ମହଲା ରେ ଥିବା କପଡା ମଧ୍ଯ ନଷ୍ଟ ହୋଇଯାଇଥିବା ବେଳେ ପ୍ରବଳ ପାଣି ମାଡ଼ରେ ତଳ ମହଲାରେ ଥିବା କପଡ଼ା ସାମଗ୍ରୀ ମଧ୍ଯ ନଷ୍ଟ ହୋଇଥିବା ଜଣାଯାଇଛି ।
ନିଆଁ ଲାଗିବାର ସଠିକ୍ କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇ ନ ଥିବା ବେଳେ ପ୍ରାୟ ୧ କୋଟି ର ସମ୍ପତ୍ତି ନଷ୍ଟ ହୋଇଥିବା ମଲ ମାଲିକ ସ୍ତାନୀୟ ଥାନା ରେ ଲିଖିତ ଅଭିଯୋଗ କରିଛନ୍ତି l ଏହି ଅପରେଶନରେ ଜୁନାଗଡ଼ ଅଗ୍ନିଶମ ଅଧିକାରୀ ଅପୂର୍ବ ରଞ୍ଜନ ସାହୁ, ଭବାନୀପାଟଣା ଡେପୁଟି ଫାୟାର ଅଫିସର୍ ଶରତ ଚନ୍ଦ୍ର ମଲିକ୍, ଭବାନୀପାଟଣା ଅଗ୍ନିଶମ ଅଧିକାରୀ ମନୋରଞ୍ଚନ ପାଢ଼ୀ, ଧର୍ମଗଡ ଅଗ୍ନିଶମ ଅଧିକାରୀ ରାଧୁଚରଣ ମଲିକ୍, ଶିବରାମ ବିଶ୍ଵାଳ, ଗୋବିନ୍ଦ ଚନ୍ଦ୍ର ବିଶ୍ଵାଳ, ଶଙ୍କର ତ୍ରିପାଠୀ, ଅନନ୍ତ ପଟେଲ, ଜଗଦୀଶ କାଣ୍ଡ, ଜିତେନ୍ଦ୍ର ପଟେଲ, ଉମାକାନ୍ତ ଜେନା, କୈଳାସ ବିଶୋୟୀ, ନୀଳାଞ୍ଚଳ ଗୈାଡ ପ୍ରମୁଖ ନିଆଁ ଲିଭା କାର୍ଯ୍ୟରେ ପ୍ରତ୍ୟକ୍ଷ ଭୂମିକା ଗ୍ରହଣ କରିଥିଲେ ।ଏହି ସପିଂ ମଲ ରେ ପ୍ରାୟ୩୦ରୁ ଉର୍ଦ୍ଧ୍ବ ଯୁବକ ଯୁବତୀ ନିଜର ଜୀବିକା ନିର୍ବାହ କରୁଥିଲେ l ନରେନ୍ଦ୍ର ଖିିତି ଙ୍କ ରିପୋର୍ଟ ।