ନର୍ଲା ପୋଲିସ ଜୋନ ଔଷଧ ବ୍ୟବସାୟ ସଙ୍ଘ ର ନୂତନ କର୍ମକର୍ତ୍ତା ଚୟନ
ନର୍ଲା , କଳାହାଣ୍ଡି କେମିଷ୍ଟ ଏଣ୍ଡ ଡ୍ରଗିଷ୍ଟ ସଙ୍ଘ ପ୍ରତି ତିନି ବର୍ଷ ରେ ଥରେ ନୂତନ କର୍ମକର୍ତ୍ତା ଚୟନ କରିବାର ପ୍ରକ୍ରିୟା ରହିଛି । ସେହି କ୍ରମରେ ଏବର୍ଷ ମଧ୍ୟ ନୂତନ କର୍ମକର୍ତ୍ତା ଚୟନ କାର୍ଯ୍ୟକ୍ରମ ଶୁକ୍ରବାର ଦିନ ନର୍ଲାରୋଡ଼ ସ୍ଥିତ ଦିଶା ହୋଟେଲ ରେ ରଖାଯାଇଥିଲା । ଏଠାରେ ନର୍ଲା ଜୋନ ର ସମସ୍ତ ଆଜୀବନ ସଦସ୍ୟ ମାନେ ଯୋଗ ଦେଇ ଥିଲେ । 
ସଭା କାର୍ଯ୍ୟ ଅପରାହ୍ନ ୩ ଟା ରୁ ଆରମ୍ଭ ହୋଇ ଥିଲା ଏବଂ ସଭା କାର୍ଯ୍ୟ କୁ ସ୍ଥାନୀୟ ନୀଳମାଧଵ ମେଡିକାଲ ଷ୍ଟୋର ର ମାଲିକ ନିକୁଞ୍ଜ ଦତ୍ତା ସମସ୍ତଙ୍କୁ ସ୍ୱାଗତ କରି ସଭା କୁ ପରିଚାଳନା କରିଥିଲେ । ପ୍ରଥମେ ଜିଲ୍ଲା ରୁ ଆସିଥିବା ଇଲେକ୍ସନ ଅଫିସର ଶ୍ରୀ ମାନସ ମହାନ୍ତି , ବିଜୟ କୁମାର ଜୈନ , ସୁଶାନ୍ତ ପାଟଜୋଷୀ ଙ୍କୁ ସ୍ଥାନୀୟ ସଦସ୍ୟ ମାନଙ୍କ ଦ୍ୱାରା ପୁଷ୍ପ ଗୁଚ୍ଛ ଏବଂ ଉପଢୌକନ ଦେଇ ସ୍ୱାଗତ କରାଯାଇଥିଲା । ପରେ ମୁଖ୍ୟ ଇଲେକ୍ସନ ଅଫିସର ଦ୍ୱାରା ନୂତନ କାର୍ଯ୍ୟକର୍ତ୍ତା ଚୟନ ପ୍ରକ୍ରିୟା ଆରମ୍ଭ ହୋଇଥିଲା । ପ୍ରଥମେ ଶ୍ରୀ ହୃଷିକେଶ ଭୋଇ ଶ୍ରୀ ସଂଗ୍ରାମ କେଶରୀ ଚାନ୍ଦ ଙ୍କ ପାଇଁ ପ୍ରସ୍ତାବ ରଖିଥିଲେ ଏବଂ ଶ୍ରୀ ପାର୍ଥ ଦତ୍ତା ତାଙ୍କୁ ସମର୍ଥନ କରିଥିଲେ । ପରେ ଶ୍ରୀ କାହ୍ନୁ ଚରଣ ସାହୁ ଶ୍ରୀ ନିକୁଞ୍ଜ ଦତ୍ତା ଙ୍କ ପାଇଁ ପ୍ରସ୍ତାବ ରଖିଥିଲେ ଏବଂ ଶ୍ରୀ ସମୀର ପ୍ରଧାନ ତାଙ୍କୁ ସମର୍ଥନ କରିଥିଲେ ।ଏହି ଅବସରରେ ରୁପ୍ରାରୋଡସ୍ଥ ନୀଲକମଲ୍ ମେଡିକାଲ୍ ଷ୍ଟୋର୍ ର ମାଲିକ ମହିଳା ବ୍ୟବସାୟୀ ଡିମ୍ଫଲ୍ ଦତ୍ତାଙ୍କୁ ସର୍ବଶ୍ରେଷ୍ଠ ସକ୍ରିୟ ସଦସ୍ୟା ଭାବରେ ଇଲେକ୍ସନ୍ ଅଫିସର ମାନସ ମହାନ୍ତିଙ୍କ ଦ୍ବାରା ସମ୍ମାନୀତ କରାଯାଇଥିଲା । ଶେଷରେ ଶ୍ରୀ ଚାନ୍ଦ ସମସ୍ତ ସଦସ୍ୟ ମାନଙ୍କୁ ଧନ୍ୟବାଦ ଅର୍ପଣ କରିଥିଲେ ।
ଦୀପକ ଠାକୁର ଙ୍କ ରିପୋର୍ଟ୍
