ମୁଣ୍ଡମରାଇ କଲେଜ ର ବାର୍ଷିକ କ୍ରୀଡା ଉତ୍ସବ
ଆସିକା, ୧୮/୧୨/୨୫ (ଶିବ ଶଙ୍କର ମିଶ୍ର ) ମୁଣ୍ଡମରାଇ ସ୍ଥିତ ସୋମନାଥ ବିଜ୍ଞାନ ଉଚ୍ଚ ମାଧ୍ୟମିକ ବିଦ୍ୟାଳୟ ର ବାର୍ଷିକ କ୍ରୀଡା ଉତ୍ସବ ଚଳିତ ମାସ ଡିସେମ୍ବର ୧୬ ଓ ୧୭ ( ମଙ୍ଗଳବାର ଓ ବୁଧବାର ) ଦୁଇଦିନ ଧରି ଅନୁଷ୍ଠିତ ହୋଇଯାଇଛି । ପ୍ରଥମ ଦିନ ମା କୋଠରୀ ଙ୍କ ମନ୍ଦିର ରୁ ମଶାଲ ଶୋଭାଯାତ୍ରା ବାହାରି ବିଦ୍ୟାଳୟ ଖେଳ ପଡିଆ ରେ ପହଁଚିବା ପରେ ବିଦ୍ୟାଳୟ ର ଅଧ୍ୟକ୍ଷ ଦିଗାମ୍ବର ବିଷୋୟୀ କ୍ରୀଡା ଜ୍ୟୋତି ଗ୍ରହଣ କରି କ୍ରୀଡା କାର୍ଯ୍ୟକ୍ରମ ଶୁଭାରମ୍ଭ କରିଥିଲେ ଓ ଅନୁଷ୍ଠିତ ପ୍ୟାରେଡରେ ଅଭିବାଦନ ଗ୍ରହଣ କରିଥିଲେ । ଆୟୋଜିତ ହୋଇଥିବା ବିଭିନ୍ନ ଖେଳକୁଦ ମଧ୍ୟରେ ଦୌଡ଼ ୧୦୦,୨୦୦,୪୦୦,୮୦୦,୧୫୦୦,୩୦୦୦,୫୦୦୦ ମିଟର , ସଟପୁଟ , ଜାଭେଲିନ ,ଡିସକସ , ହାଇଜମ୍ପ , ଟ୍ରିପଲ ଜମ୍ପ ,ସମସ୍ତ ପ୍ରତିଯୋଗିତା ଅନୁଷ୍ଠିତ ହୋଇଥିଲା ।ଉଦଯାପନୀ ଉତ୍ସବ ରେ ଧରାକୋଟ ବି.ଇ.ଓ କାର୍ଯ୍ୟାଳୟ ର ବି ଆର ସି ସି ସୌରି ଶଙ୍କର ବେହେରା ଯୋଗ ଦେଇ କୃତିପ୍ରତିଯୋଗି ଙ୍କୁ ଟ୍ରଫି ଓ ମାନପତ୍ର ପ୍ରଦାନ କରିଥିଲେ । କ୍ରୀଡା ଛାତ୍ର ଛାତ୍ରୀ ମାନଙ୍କୁ ଶୃଙ୍ଖଳା ଓ ସମୟ ଅନୁବର୍ତିତ ଶିଖାଇଥାଏ । ଛାତ୍ର ଛାତ୍ରୀ ମାନେ କ୍ରୀଡା ଦ୍ଵାରା ଏକ ଶୃଙ୍ଖଳାମୟ ଜୀବନ ଓ ସୁସ୍ଥ ଶରୀର ଗଠନ କରିପରିଥାନ୍ତି ବୋଲି ମତବ୍ୟକ୍ତ କରିଥିଲେ । ବାଳକ ବିଭାଗରେ ମୁକେଶ ଓ ବାଳିକା ବିଭାଗରେ ସାଇ ଗାୟତ୍ରୀ ଚମ୍ପିଅନ ହୋଇଥିଲେ । ଉକ୍ତ ପ୍ରତିଯୋଗିତାକୁ ବିଭିନ୍ନ ଶିକ୍ଷାନୁଷ୍ଠାନ ର ଶାରୀରିକ ଶିକ୍ଷା ଶିକ୍ଷକ (ପିଇଟି) ଯଥା ଧରାକୋଟ ଶ୍ରୀରାଜ ଉଚ୍ଚ ବିଦ୍ୟାଳୟ ର ଅନିଲ ନାୟକ ,ବାଲୁଙ୍କେଶ୍ୱର ଉଚ୍ଚ ବିଦ୍ୟାଳୟ ର ମଙ୍ଗୁଳୁ ଜେନା , ମୁଣ୍ଡମରାଇ ବାଳିକା ଉଚ୍ଚ ବିଦ୍ୟାଳୟ ର ଶିବରାମ ପାଣିଗ୍ରାହୀ ଓ ସରଧା ପୁର ଉଚ୍ଚ ବିଦ୍ୟାଳୟ ର ଲକ୍ଷ୍ମୀନାରାୟଣ ବେହେରା ଓ ବିଦ୍ୟାଳୟ ର ପୂର୍ବତନ କ୍ରୀଡାବିତ୍ ମହେଶ ସାହୁ , ଅକ୍ଷୟ କୁମାର , ସନ୍ତୋଷ କୁମାର ,ଦିନେଶ କୁମାର, ଆତ୍ମଜ୍ୟୋତି ଦୋରା ,ଚାନ୍ଦିନୀ ପ୍ରଧାନ , ପୁଷ୍ପାଞ୍ଜଳି ପଣ୍ଡା ଓ ବିଦ୍ୟାଳୟ ର ସମସ୍ତ ଅଧ୍ୟାପକ,ଅଧ୍ୟାପିକା ଓ କର୍ମଚାରୀ ସମସ୍ତ ପ୍ରତିଯୋଗିତା କୁ ପରିଚାଳନା କରିବାରେ ସହଯୋଗ କରିଥିଲେ । ସମସ୍ତ କାର୍ଯ୍ୟକ୍ରମ କୁ ବିଦ୍ୟାଳୟ ଶାରୀରିକ ଶିକ୍ଷା ଶିକ୍ଷକ (ପିଇଟି) କେ .ନାନବାବୁ ଦୋରା ପରିଚାଳନା କରିଥିଲେ ।
