ଅବସର ପ୍ରାପ୍ତ ଶିକ୍ଷକ ସଂଘର ନୂଆଁଖାଇ ଭେଟଘାଟ୍
କର୍ଲାମୁଣ୍ଡା: କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ଅନ୍ତର୍ଗତ ତେରେସିଂହା ଉଚ୍ଚ ମାଧ୍ୟମିକ ବିଦ୍ୟାଳୟ, ତେରେସିଂହା ଠାରେ ଅବସର ପ୍ରାପ୍ତ ଶିକ୍ଷା କର୍ମଚାରୀ ସଂଘ, କର୍ଲାମୁଣ୍ଡା ତରଫରୁ ନୂଆଁଖାଇ ଭେଟଘାଟ୍ ୨୦୨୪ ପାଳିତ ହୋଇ ଯାଇଛି l ଏହି ଅବସରରେ ସଂଘର ସଭାପତି ଶ୍ରୀଯୁକ୍ତ ବାଳକୃଷ୍ଣ ସାହୁ ସଭାପତିତ୍ବ କରିଥିଲେ l ଏଥିରେ ମୁଖ୍ୟ ଅତିଥି ଭାବେ ରିଷିଡ଼ା ସ୍ୱାସ୍ଥ୍ୟ କେନ୍ଦ୍ରର ଡାକ୍ଟର ମୁକେଶ କୁମାର ପଧାନ, ମୁଖ୍ୟବକ୍ତା ଭାବେ ଆଇନଜିବୀ ସୁବାଷ ଚନ୍ଦ୍ର ଆଚାର୍ଯ୍ୟ ଯୋଗଦାନ ପୂର୍ବକ ଶିକ୍ଷକମାନଙ୍କୁ ଉତ୍ସାହ ପ୍ରଦାନ କରିଥିଲେ l କୋଷାଧ୍ୟକ୍ଷ ମୂରଲୀଧର ରଣା ଅତିଥି ପରିଚୟ ଓ ପ୍ରାରମ୍ଭିକ ଭାଷଣ ପ୍ରଦାନ କରିଥିଲେ l ଦିବଙ୍ଗତ ଶିକ୍ଷକମାନଙ୍କର ଆତ୍ମାର ସଦଗତି ପାଇଁ ଏକ ମିନିଟ ନିରବ ପ୍ରାର୍ଥନା କରାଯାଇ ଥିଲା l ବର୍ଷିୟେନ ଶିକ୍ଷକ ଶ୍ୱେତକୁମାର ରଣାଙ୍କୁ ସଂଘ ପକ୍ଷରୁ ସମ୍ମାନିତ କରାଯାଇ ଥିଲା l ସଂଘ ସମ୍ପାଦକ ହୃଷିକେଷ ସାହୁ ବିବରଣୀ ପାଠ କରିଥିବା ବେଳେ ଅବସର ପ୍ରାପ୍ତ ଗୋଷ୍ଠୀ ଶିକ୍ଷାଧିକାରୀ ବିଜୟ କୁମାର ପୁରୋହିତ ଧନ୍ୟବାଦ ଅର୍ପଣ କରିଥିଲେ l ଏହି ଅବସରରେ ସ୍ୱାସ୍ଥ୍ୟ କେନ୍ଦ୍ର ପକ୍ଷରୁ ସ୍ୱାସ୍ଥ୍ୟ ପରୀକ୍ଷା କରାଯାଇଥିଲା l
କର୍ଲାମୁଣ୍ଡାରୁ ସୁଶାନ୍ତ ରଣାଙ୍କ ରିପୋର୍ଟ, ମସୀହା
