ନିଆଁ ଲାଗି ୬ ଟି ଧାନ ଗଦା ପୋଡି
ଡାବୁଗାଁ, ୧୪/୧୧ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ଅଞ୍ଚଳା ଗ୍ରାମରେ ଗୁରୁବାର ଅପରାହ୍ନ ୪ ଘ ସମୟରେ ଧାନ ଗଦାରେ ନିଆଁ ଲାଗି ପୋଡି ଯାଇଛି | ସୂଚନାଯୋଗ୍ୟ:- ଡାବୁଗାଁ ବ୍ଲକ ଅଧୀନ ଅଞ୍ଚଳା ଗ୍ରାମର 
ଭଗତ କଲାର, ଚମରୁ କଲାର ଓ ହରେକୃଷ୍ଣ କଲାର ଙ୍କ ଘର ପାଖ ଖଳାରେ ଧାନ ଗଦା କରି ରଖାଯାଇଥିଲା | ଆଜି ୩.୩୦ ସମୟରେ ଧାନ ଗଦା ଉପରେ ଯାଇଥିବା ବିଦ୍ୟୁତ ତାର ୨ ଟି ପବନ ଦ୍ଵାରା ହଲିଯାଇ ବାଡେଇ ହେବାରୁ ସର୍ଟ ସର୍କିଟ ହୋଇ ନିଆଁ ବାହାରି ଧାନ ଗଦା ରେ ପଡିଥିଲା | ପରେ ଧାନ ଗଦାରେ ଧୀରେ ଧୀରେ ନିଆଁ ଲାଗି ଧୂଆଁ ବାହାରିବାରୁ ଘରେ ଥିବା ମହିଳା ମାନେ ବାହାରରେ ଯାଇ ଦେଖିଥିଲେ ଯେ ଧାନ ଗଦା ରେ ନିଆଁ ଲାଗିଛି ଏବଂ ପାଟି କରି ଲୋକଙ୍କୁ ଡାକିଥିଲେ | ପାଟି ଶୁଣି ଲୋକେ ଆସି ନିଆଁ କୁ ଲିଭାଇବାକୁ ଚେଷ୍ଟା କରିଥିଲେ | ପରେ ଡାବୁଗାଁ ଅଗ୍ନିସମ କେନ୍ଦ୍ର କୁ ଖବର ଦେଇଥିଲେ | ଖବର ପାଇ ଅଗ୍ନିସମ ଗାଡି ପହଞ୍ଚି ନିଆଁ କୁ ଆୟତ୍ତ କରିଥିଲା | ନିଆଁ ଲାଗି ୩ ଜଣ ଙ୍କର ୨୩ ଏକର ଜମିରେ ଚାଷ ହୋଇଥିବା ଧାନ ପୋଡି ନଷ୍ଟ ହୋଇଯାଇଛି | ଏଥିରେ ଆନୁମାନିକ ପ୍ରାୟ ୩୫୦ କୁଇଣ୍ଟାଲରୁ ଊର୍ଦ୍ଧ୍ଵ ଧାନ ନଷ୍ଟ ହୋଇଥିବା ଚାଷୀ ମାନେ ପ୍ରକାଶ କରିଛନ୍ତି | ଏଥିରେ ଡାବୁଗାଁ ଅଗ୍ନିସମ କେନ୍ଦ୍ର ଅଧିକାରୀ ହିମାଂଶୁ ଶେଖର ନାୟକ ଓ କର୍ମଚାରୀ ଲକ୍ଷ୍ମୀଧର ଜାନୀ, ହେମନ୍ତ ମାଝି, ମାନସିଂ ଶବର, ଏନ. ସି ପରିଆ, ସରୋଜକାନ୍ତ ବାରିକ ପ୍ରମୁଖ ଘଟଣାସ୍ଥଳରେ ପହଞ୍ଚି ନିଆଁ ଲିଭାଇଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
