କାଳ ବୈଶାଖୀ ପ୍ରଭାବରୁ ବର୍ଷା ଯୋଗୁଁ ଅସହ୍ୟ ତାତିରୁ ରାଜ୍ୟବାସୀ ସାମାନ୍ୟ ମୁକ୍ତି ପାଇ ଥିବା ବେଳେ ପୁଣି ଆଜି ରାଜ୍ୟରେ କାଳବୈଶାଖୀକୁ ନେଇ ୧୫ଗୋଟି ଜିଲ୍ଲାକୁ ୟେଲୋ ୱାର୍ଣୀଙ୍ଗ ଜାରି କରିଛି ପାଣିପାଗ ବିଭାଗ।ଏହି ୧୫ ଗୋଟି ଜିଲ୍ଲା ର ଜିଲ୍ଲାପାଳ ମାନଙ୍କୁ ସତର୍କ ରହିବା ପାଇଁ ନିର୍ଦ୍ଦେଶ ଦିଆଯାଇଛି।
ଏ ନେଇ ପାଣିପାଗ ବିଭାଗ ପକ୍ଷରୁ ସତର୍କ ସୂଚନା ଦିଆଯାଇଛି। ଏହି ୧୫ ଟି ଜିଲ୍ଲାରେ କୁଆପଥର ମାଡ ସହ ୪୦ ରୁ ୫୦ କିମି ବେଗରେ ପବନ ବୋହିବା ନେଇ ଆଶଙ୍କା ରହିଛି।କଳାହାଣ୍ଡି,କୋରାପୁଟ,କନ୍ଧମାଳ, ରାୟଗଡ଼ା,ଗଜପତି,ବୌଦ୍ଧ , ଆଦି ଜିଲ୍ଲା ଗୁଡ଼ିକରେ କାଳବୈଶାଖୀ ର ଯଥେଷ୍ଟ ସମ୍ଭାବନା ରହିଛି।
ଅନୁଗୁଳ,ଢେ଼ଙ୍କାନାଳ,ମୟୁରଭଞ୍ଜ,ଦେବଗଡ଼,କେନ୍ଦୁଝର,ବାଲେଶ୍ଵର ଓ ଭଦ୍ରକ ସମେତ ଯାଜପୁର , କେନ୍ଦ୍ରାପଡ଼ା ଆଦି ଜିଲ୍ଲା ମାନଙ୍କରେ ବଜ୍ରପାତ ସହ ବର୍ଷା ହେବା ନେଇ ପୂର୍ବାନୁମାନ କରିଛି ପାଣିପାଗ ବିଭାଗ। ତେବେ ଏହି ଝଡ ବର୍ଷା ସକାଶେ ଆବଶ୍ୟକ ପଦକ୍ଷେପ ଗ୍ରହଣ କରିବାକୁ ସଂପୃକ୍ତ ଜିଲ୍ଲାପାଳ ମାନଙ୍କୁ ନିର୍ଦ୍ଦେଶ ଦେଇଛନ୍ତି ସ୍ଵତନ୍ତ୍ର ରିଲିଫ୍ କମିଶନର ।
ବିଦ୍ୟାଧର ସାହୁ ଙ୍କ ରିପୋର୍ଟ….
