ନବ ନିଯୁକ୍ତି ପ୍ରାଥମିକ ଶିକ୍ଷୟତ୍ରୀ ଶିକ୍ଷକ ମାନଙ୍କୁ ନେଇ ତାଲିମ୍ “ପ୍ରେରଣା ” କାର୍ଯ୍ୟକ୍ରମ
ଡାବୁଗାଁ, ୮/୩ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ସଦର ମହକୁମା ସ୍ଥିତ ବ୍ଳକ କଲୋନୀ ସରକାରୀ ପ୍ରାଥମିକ ବିଦ୍ୟାଳୟ ଠାରେ ନବ ନିଯୁକ୍ତ ପ୍ରାଥମିକ ଶିକ୍ଷୟତ୍ରୀ ଶିକ୍ଷକ ମାନଙ୍କୁ ନେଇ ତାଲିମ୍ “ପ୍ରେରଣା ” କାର୍ଯ୍ୟକ୍ରମ ଅନୁଷ୍ଠିତ ହୋଇଚାଲିଛି l ଉକ୍ତ ତାଲିମ ତା ୫.୩.୨୦୨୫ ରୁ ଆରମ୍ଭ ହୋଇ ୧୦.୩.୨୦୨୫ ରେ ସମାପନ ହେବ l ଉକ୍ତ ତାଲିମ 
ରେ ବିଭିନ୍ନ ପ୍ରାଥମିକ ବିଦ୍ୟାଳୟ ରୁ ଆସିଥିବା ୪୮ ଜଣ ନବ ନିଯୁକ୍ତି ଶିକ୍ଷୟତ୍ରୀ ଶିକ୍ଷକ ତାଲିମ ନେଉଛନ୍ତି l ତାଲିମ ଦାତା ଭାବେ ଶିକ୍ଷୟତ୍ରୀ ଅନିତା ବେହେରା, ଶୁଭସ୍ମିତା ପାଢୀ ଓ ଶିକ୍ଷକ କମଳାକାନ୍ତ ସାହୁ, ହରେକୃଷ୍ଣ ବାଡତ୍ୟା ପ୍ରମୁଖ ତାଲିମ ଦେଉଛନତି | ଏଥିରେ ସହଯୋଗୀ ଅନୁଦାନ, ବିଦ୍ୟାଳୟ ଯୋଜନା ପ୍ରସ୍ତୁତି, କ୍ରିୟାତ୍ମକ ଗବେଷଣା, ବହୁ ଶ୍ରେଣୀ ଶିକ୍ଷାଦାନର ପରିଚାଳନା ଓ ବାର୍ଷିକ, ମାସିକ, ଦୈନିକ ପାଠ୍ୟ ଟୀକା ପ୍ରସ୍ତୁତି ଉପରେ ତାଲିମ ଦିଆଯାଉଛି l ଏପରି ତାଲିମ ଦ୍ଵାରା ନବ ନିଯୁକ୍ତି ଶିକ୍ଷୟତ୍ରୀ ଶିକ୍ଷକ ମାନଙ୍କୁ କାର୍ଯ୍ୟଶୈଳୀ ଉପରେ ଦକ୍ଷତା ନିଶ୍ଚିନ୍ତ ରୂପେ ସାହାଯ୍ୟ କରିବ l ଉକ୍ତ ତାଲିମ କାର୍ଯ୍ୟକ୍ରମ ଗୋଷ୍ଠୀ ଶିକ୍ଷା ଅଧିକାରୀ ରଶ୍ମିତା ନେତମ ଙ୍କ ପ୍ରତ୍ୟେକ୍ଷ ତତ୍ତ୍ୱାବଧାନରେ ଚାଲୁ ରହିଛି l
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
