ଶିଶୁବାଟିକା ପାଇଁ ସଚେତନତା ଶୋଭାଯାତ୍ରା
ପ୍ରବେଶ ଉତ୍ସବ ଓ ଖଡିଛୁଆଁ ଲାଗି ବାଣ୍ଟିଲେ ନିମନ୍ତ୍ରଣ :
ଫ୍ଲା କାର୍ଡ ଓ ବ୍ୟାନର ମାଧ୍ୟମରେ ସହର ପରିକ୍ରମା କଲେ ଗୁରୁ ଛାତ୍ରୀଛାତ୍ର :
ଢେଙ୍କାନାଳ / ତା ୨୯.୦୩.୨୦୨୫ ରିଖ : ନୂଆ ଶିକ୍ଷା ବର୍ଷ ଏପ୍ରିଲ ୨ ତାରିଖରୁ ଆରମ୍ଭ ହେବାକୁ ଯାଉଛି l ଜାତୀୟ ଶିକ୍ଷାନୀତିର ସୁପାରିଶ ଅନୁସାରେ ପ୍ରାଥମିକ ଶିକ୍ଷାକୁ ଆଦ୍ୟ କୈଶୋର ଶିକ୍ଷା ସହ ଯୋଡ଼ାଯାଉଛି l ଏଥିଲାଗି ପ୍ରଥମ ଶ୍ରେଣୀ ପୂର୍ବରୁ ଶିଶୁବାଟିକା ଶ୍ରେଣୀ ସବୁ ପ୍ରାଥମିକ ବିଦ୍ୟାଳୟରେ କାର୍ଯ୍ୟକ୍ଷମ ହେବ l ସେପ୍ଟେମ୍ବର ୧ ତାରିଖ ସୁଦ୍ଧା ପିଲାର ବୟସ ୫ ବର୍ଷରୁ ଅଧିକ ହୋଇଥିଲେ ଶିଶୁବାଟିକା ଶ୍ରେଣୀରେ ଓ ୬ ବର୍ଷରୁ ଅଧିକ ହୋଇଥିଲେ ପ୍ରଥମ ଶ୍ରେଣୀରେ ନାମ ଲେଖାଇବେ l ପିଲାଙ୍କ ଅଭିଭାବକଙ୍କୁ ମୁଖ୍ୟମନ୍ତ୍ରୀଙ୍କ ପ୍ରଦତ୍ତ ନିମନ୍ତ୍ରଣ ବଣ୍ଟାଚାଲିଛି ପ୍ରବେଶ ଉତ୍ସବ ଓ ଖଡ଼ି ଛୁଆଁରେ ବିଦ୍ୟାଳୟ ସହ ସାମିଲ 
ହେବାକୁ l ଏପ୍ରିଲ ୨ ରୁ ୪ ତାରିଖ ପର୍ଯ୍ୟନ୍ତ ବିଦ୍ୟାଳୟ ଗୁଡିକରେ ବିଭିନ୍ନ କାର୍ଯ୍ୟକ୍ରମ କରାଯିବ ଓ ସେଥିପାଇଁ ବିଦ୍ୟାଳୟ ଗୁଡିକ ପ୍ରସ୍ତୁତି ଚଳେଇଥିବା ବେଳେ ଗୋଷ୍ଠୀ ସଚେତନତା ସୃଷ୍ଟି କରିବା ପାଇଁ ଆଜି ପୂର୍ବାହ୍ନରେ ସ୍ଥାନୀୟ ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ ତରଫରୁ ଏକ ସଚେତନତା ଶୋଭାଯାତ୍ରା ଆୟୋଜନ କରାଯାଇଥିଲା l ପ୍ରଶିକ୍ଷଣ ପ୍ରତିଷ୍ଠାନର “ମୋ କର୍ତ୍ତବ୍ୟ” ଉପଦେଷ୍ଟା ବିନ୍ଦୁ ବେହୁରିଆଙ୍କ ତତ୍ୱାବଧାନରେ ଛାତ୍ରଛାତ୍ରୀମାନେ ପ୍ଲା କାର୍ଡ ଧରି ସ୍ଲୋଗାନ କହି ସହର ପରିକ୍ରମା କରିଥିଲେ l ଅବୈତନିକ ସାମାଜିକ ଗଣମାଧ୍ୟମ ପର୍ଯ୍ୟବେକ୍ଷକ ତଥା ବରିଷ୍ଠ ଶିକ୍ଷାବିତ୍ ଡ଼ା ଦେବୀ ପ୍ରସାଦ ମିଶ୍ରଙ୍କ ଉପସ୍ଥିତିରେ ଶୋଭାଯାତ୍ରାକୁ ଢେଙ୍କାନାଳ ଜିଲ୍ଲା ଶିକ୍ଷା ଅଧିକାରୀ ବିନିତା ସେନାପତି ଓ ପ୍ରତିଷ୍ଠାନର ଅଧ୍ୟକ୍ଷ ଲକ୍ଷ୍ମଣ କୁମାର ସାହୁ ସବୁଜ ପତାକା ଦେଖାଇ ଶୁଭାରମ୍ଭ କରିଥିଲେ l ଶୋଭାଯାତ୍ରା ପ୍ରଶିକ୍ଷଣ ପ୍ରତିଷ୍ଠାନରୁ ବାହାରି ଅମଲାପଡା, କଚେରୀ ରାସ୍ତା,ମହିଳା ମହାବିଦ୍ୟାଳୟ, ରଥାଗଡା ପରିବା ମାର୍କେଟ,ଗଣେଶ ବଜ଼ାର ଓ ବସ୍ ଷ୍ଟାଣ୍ଡ ଦେଇ ପ୍ରଶିକ୍ଷଣ ପ୍ରତିଷ୍ଠାନରେ ପହଞ୍ଚିଥିଲା l ଏହି ରାଲିରେ ଅବୈତନିକ ସାମାଜିକ ଗଣମାଧ୍ୟମ ପର୍ଯ୍ୟବେକ୍ଷକ ତଥା ବରିଷ୍ଠ ଶିକ୍ଷାବିତ୍ ଡ଼ା ଦେବୀ ପ୍ରସାଦ ମିଶ୍ରଙ୍କ ଉପସ୍ଥିତିରେ ଢେଙ୍କାନାଳ ଜିଲ୍ଲା ଶିକ୍ଷା ଅଧିକାରୀ ବିନିତା ସେନାପତି ଓ ପ୍ରତିଷ୍ଠାନର ଅଧ୍ୟକ୍ଷ ଲକ୍ଷ୍ମଣ କୁମାର ସାହୁଙ୍କ ସମେତ ଉଭୟ ବର୍ଷର ଗୁରୁଛାତ୍ରୀଛାତ୍ର,ଅଧ୍ୟାପିକା ସ୍ନେହଲତା ରାଜ,ସୌମ୍ୟା ପଟନାୟକ,କଲ୍ୟାଣୀ ସାହୁ,ପ୍ରତିଭା ଦଳେଇ,ହରପ୍ରିୟା ପୃଷ୍ଟି,ସ୍ଵାଗତିକା ସରଣ,ସୂଦୀପ୍ତା ମିଶ୍ର,ପ୍ରଭାତୀ ସ୍ୱାଇଁ, ମୋନାଲିଶା ପ୍ରଧାନ,ବନିତା ପ୍ରଧାନ,ଶିକ୍ଷକ କର୍ମଚାରୀ ଚିତ୍ତରଞ୍ଜନ ବେଉରା,ଚିତ୍ତରଞ୍ଜନ ପ୍ରଧାନ,ଲମ୍ବୋଦର ମାଝୀ,ଲିଲୀ ତ୍ରିପାଠୀ,ଉଷା ଜେନା ଓ ବିକ୍ରମ ସାହୁ ପ୍ରମୁଖ ସାମିଲ ହୋଇଥିଲେ l ଢେଙ୍କାନାଳ ଟାଉନ ଥାନାର ପୋଲିସ କର୍ମଚାରୀ ଉପସ୍ଥିତ ରହି ଶାନ୍ତି ଶୃଙ୍ଖଳା ରକ୍ଷା କରିଥିଲେ l
ଡ଼ ଦେବୀ ପ୍ରାସାଦ ମିଶ୍ର ଙ୍କ ରିପୋର୍ଟ୍
