ପାଳନ ହେଲା ମା’ ଅମ୍ବିକା ଆଶ୍ରମର ପ୍ରତିଷ୍ଠା ଦିବସ ଓ ଅକ୍ଷୟ ତୃତୀୟା
ଖଇରା,୦୧/୫/୨୫ – ବାଲେଶ୍ବର ଜିଲ୍ଲା ଖଇରା ବ୍ଲକ କୁପାରି ସ୍ଥିତ ମା’ ଅମ୍ବିକା ଉଦାସୀନ ଆଶ୍ରମର ପ୍ରତିଷ୍ଠା ଦିବସ ଓ ପବିତ୍ର ଅକ୍ଷୟ ତୃତୀୟା ଉତ୍ସବ ଆଶ୍ରମ ପରିସରରେ ପାଳିତ ହୋଇ ଯାଇଛି । ଏକ ବର୍ଣ୍ଣାଢ୍ଯ ଆଧ୍ୟାତ୍ମିକ ପରିବେଶ ମଧ୍ୟରେ ଉକ୍ତ ଉତ୍ସବ ପାଳିତ ହୋଇଥିଲା । ରାଜ୍ୟର ବିଭିନ୍ନ ସ୍ଥାନରୁ ସାଧୁସନ୍ଥ ଓ ଭକ୍ତଙ୍କ ମିଳନ ଉକ୍ତ ସ୍ଥାନର ଶୋଭା ବର୍ଦ୍ଧନ କରିଥିଲା । ପଣ୍ଡିତ ନିରଞ୍ଜନ କର ଯଜ୍ଞ କର୍ମ କାର୍ଯ୍ୟରେ ନିୟୋଜିତ ଥିବା ବେଳେ ନରେଶ ଅଗ୍ରୱାଲ ଆହୁତି ପ୍ରଦାନ କାର୍ଯ୍ୟ ସମ୍ପନ୍ନ କରିଥିଲେ । ମନ୍ତ୍ର ଧ୍ବନି ଓ ଶଙ୍ଖ ହୁଳହୁଳି ଶବ୍ଦରେ ସମ୍ପୃକ୍ତ ଅଞ୍ଚଳ ପ୍ରକମ୍ପିତ ହୋଇଥିଲା । ଏଭଳି ପବିତ୍ର ଦିବସରେ ସମ୍ପୃକ୍ତ ଅଞ୍ଚଳର ବହୁ ଭକ୍ତ ମା’ ଙ୍କୁ ଦର୍ଶନ କରିବା ସହିତ ପ୍ରସାଦ ସେଵନ କରି ନିଜକୁ ଧନ୍ୟ ମନେ କରିଥିଲେ । ଆଶ୍ରମର ସଞ୍ଚାଳକ ବାବା ଶୁଭେନ୍ଦୁ ମୁନି ଉଦାସୀନ ଟିକିନିଖି ଭାବେ ସମସ୍ତ କାର୍ଯ୍ୟ ତଦାରଖ କରିବାରେ ବ୍ଯସ୍ତ ଥିଲେ । ପ୍ରକାଶ ଥାଉକି ଗତ ୧୯୭୮ ମସିହା ଅକ୍ଷୟ ତୃତୀୟା ଦିନ ସ୍ବର୍ଗତ ଓଁକାର ମୁନି ଉଦାସୀନ ଉକ୍ତ ଆଶ୍ରମ ପ୍ରତିଷ୍ଠା କରିଥିଲେ ବୋଲି ସଞ୍ଚାଳକ ପ୍ରକାଶ କରିଥିଲେ । ଦୀର୍ଘ ୪୭ ବର୍ଷ ଧରି ଉକ୍ତ ଉତ୍ସବ ପାଳିତ ହୋଇ ଆସୁଅଛି । ଆଶ୍ରମର ଉନ୍ନତି ନିମନ୍ତେ ପ୍ରାଣପଣେ ଉଦ୍ୟମ ଜାରି ରଖିଛନ୍ତି ସଞ୍ଚାଳକ । ଏଥିପାଇଁ ସମ୍ପୃକ୍ତ ଅଞ୍ଚଳବାସୀ ସଦାସର୍ବଦା ସହଯୋଗ କରି ଆସୁଥିବାରୁ ସମସ୍ତଙ୍କୁ ସାଧୁବାଦ ଜଣାଇଛନ୍ତି ସଞ୍ଚାଳକ ।।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
