ମେଧାଅନ୍ବେଷଣ ପ୍ରତିଯୋଗିତାରେ ଏକାଧିକଙ୍କୁ ମିଳିଛି ପ୍ରଥମ ସ୍ଥାନ
ଖଇରା,୦୬/୧୧/୨୫- ଗତ ତା ୧୯/୧୦/୨୫ ଏବଂ ୨୬/୧୦/୨୫ ରିଖରେ ” ମୋ ଅନୁଷ୍ଠାନ ” ହ୍ଵାଟ୍ସଆପ୍ ଗୃପରେ ହୋଇଥିବା ମେଧାଅନ୍ବେଷଣ ପ୍ରତିଯୋଗିତାରେ ଏକାଧିକ ପ୍ରତିଯୋଗୀଙ୍କୁ ମିଳିଛି ପ୍ରଥମ ସ୍ଥାନ । ମୋଟ ୧୦ ଗୋଟି ପ୍ରଶ୍ନକୁ ୧୦ ମାର୍କ ଥିଲା । ଏହି ପରିପ୍ରେକ୍ଷୀରେ ୧୯ ତାରିଖ ଫଳାଫଳରେ ଶାନ୍ତିଲତା ରଣା, ଯାଜପୁର, ଅଲିଭା ଘୋଷ, ବାଲେଶ୍ଵର, ବବୁଲୁ ବାଘ, ଅନୁଗୋଳ, ସଂଯୁକ୍ତା ସାହୁ, ଜଗତସିଂହପୁର, ଶେଖ୍ ମୁନ୍ ତାଜ୍ ଖାତୁନ୍, ବରଗଡ଼ ୮ ମାର୍କ ଲେଖାଏଁ ରଖି ପ୍ରଥମ ସ୍ଥାନ ଅଧିକାର କରିଥିବା ବେଳେ ୨୬ ତାରିଖ ଫଳାଫଳରେ ସୁବର୍ଣ୍ଣା ମାଝୀ, ଭଦ୍ରକ, ନିବେଦିତା ପଣ୍ଡା, ସୁନ୍ଦରଗଡ଼, ପ୍ରିୟମ୍ବଦା ରାଉତ, ମାଲକାନଗିରି ୬ ମାର୍କ ଲେଖାଏଁ ରଖି ପ୍ରଥମ ସ୍ଥାନ ଅଧିକାର କରି ନିଜକୁ ଗୌରବାନିତ୍ବ ମନେକରିଛନ୍ତି । ୨ଟି ପର୍ଯ୍ଯାୟରେ ମୋଟ ୩୦ ଜଣ ପ୍ରତିଯୋଗୀ ଅଂଶ ଗ୍ରହଣ କରିଥିଲେ । ସମସ୍ତ ପ୍ରତିଯୋଗୀ ମାନଙ୍କୁ ମୋ ଅନୁଷ୍ଠାନ ପରିବାର ତରଫରୁ ଶୁଭେଚ୍ଛା ଓ ଅଭିନନ୍ଦନ ଜ୍ଞାପନ କରାଯାଇଛି । ମନରେ ଆଗ୍ରହ ଓ ଇଚ୍ଛାଶକ୍ତି ଥିଲେ ଶୀର୍ଷ ସ୍ଥାନରେ ପହଂଚିବା ସମ୍ଭବ ହୋଇଥାଏ । ତେଣୁ ଫଳାଫଳରେ କେହି ମନଦୁଃଖ କରନ୍ତୁ ନାହିଁ, ଅଂଶ ଗ୍ରହଣ କରିଚାଲନ୍ତୁ ଦିନେ ନା ଦିନେ ସ୍ଥାନ ଅଧିକାର କରିବାରେ ସକ୍ଷମ ହେବେ ଏଥିରେ ସନ୍ଦେହ ନାହିଁ, ଯାହା ସଭାପତି କୁଞ୍ଜଲତା ମାହୁଁନ୍ତ ଓ ସମ୍ପାଦକ ନରେନ୍ଦ୍ର ପ୍ରସାଦ ବେହେରା ସମସ୍ତ ପ୍ରତିଯୋଗୀ ମାନଙ୍କୁ ପରାମର୍ଶ ଦେଇଛନ୍ତି । ସମସ୍ତ ଉତ୍ତର ଗୁଡିକୁ ସମୀକ୍ଷା କରିଥିଲେ ଅପରାଜିତା ରଥ, ଭଦ୍ରକ, ତାଙ୍କୁ ସହଯୋଗ କରିଥିଲେ ତାଙ୍କର କୁନି ପ୍ରତିଭା ଝିଅ ସାଇ ସମୀକ୍ଷା ରଥ, ଯିଏକି ଆସନ୍ତା ତା ୨୭/୧୨/୨୦୨୫ ରିଖ ଶନିବାର ଅନୁଷ୍ଠାନର ୬ଷ୍ଠ ବାର୍ଷିକ ଉତ୍ସବରେ ରୂପା ମୁକୁଟ ପାଇବାକୁ ଯାଉଛନ୍ତି । ଭଗବାନ କୁନି ଝିଅ ସାଇ ସମୀକ୍ଷାର ଚଲାପଥ କୁସୁମିତ କରନ୍ତୁ, ଜୟ ଜଗନ୍ନାଥ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
