ଶ୍ରୀଯୁକ୍ତ କବିରାଜ ନାଏକ ଙ୍କ ବିଦାୟ କାଳୀନ ସମର୍ଦ୍ଧନା ସଭା
ଢେଙ୍କାନାଳ ଜିଲ୍ଲା ହିନ୍ଦୋଳ ବ୍ଲକ ଖଳିବେରଣା ଗ୍ରାମରେ ବିଦାୟ କାଳୀନ ସମର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି l ଆମ ପ୍ରିୟ ପ୍ରଧାନ ଶିକ୍ଷକ ଶ୍ରୀଯୁକ୍ତ କବିରାଜ ନାଏକ ଜଣେ ଅସାଧାରଣ ବ୍ୟକ୍ତିତ୍ୱ l ଜଣେ ବହୁ ପ୍ରତିଭା ଧାରୀ ଚରିତ୍ର । ଏକା ଧାରାରେ ସେ ଜଣେ ଶିକ୍ଷକ, ଉଦବୋଧକ, ସଂଗଠକ, ଓ ସମାଜ ସେବକ । ଖୁବ ସୁଦୀର୍ଘ ତାଙ୍କ ଶିକ୍ଷକ ଜୀବନ କାଳ ଭିତରେ ସେ ଗଢ଼ିଦେଇଛନ୍ତି ଅଗଣିତ ଶିଶୁ ମାନଙ୍କ ର ସୁନ୍ଦର ଭବିଷ୍ୟତ l ଛୋଟବେଳୁ ତୁଳସୀ ଦୁଇ ପତ୍ରରୁ ବାସିଲା ଭଳି ଜଣାପଡୁଥିଲା ମହାଶୟଙ୍କ ର ଜୀଵନାଦର୍ଶ। ଭବିଷ୍ୟତରେ ଜଣେ ଆଦର୍ଶ ଓ ଚରିତ୍ରବାନ ଶିକ୍ଷାର୍ଥୀ ହୋଇ ଦେଶର ସୁନାଗରିକ ହେବା ମହାଶୟ ଙ୍କ ର ପିତା ମାତା ସ୍ବପ୍ନ ଦେଖିଥିଲେ l ଶେଷରେ ଟେକ୍ନିକାଲ ଓ ପୋଲିସ ବିଭାଗ ର ଚାକିରି ଛାଡ଼ି ସେ ବର୍ତମାନ ହିନ୍ଦୋଳ ଶିକ୍ଷା ଜଗତରେ ଅଗଣିତ ଶିକ୍ଷକ, ଶିକ୍ଷୟିତ୍ରୀ ତଥା ଛାତ୍ର ଛାତ୍ରୀ ଓ ଜନସାଧାରଣଙ୍କର ଅତି ପ୍ରିୟପାତ୍ର ହୋଇପାରିଛନ୍ତି l ସେ ଯେଉଁ ଯେଉଁ ସ୍କୁଲରେ ଶିକ୍ଷକତା କରିଛନ୍ତି ସେଠି ସ୍ନେହ, ଶୃଙ୍ଖଳା ଆଉ ସୁଜନଶୀଳତାର ସୁଖଦ ବାତାବରଣ ଖେଳେଇ ଦେଇଛନ୍ତି l ସେହି ସ୍ନେହ ଶିକ୍ତ ମଣିଷ ଜଣଙ୍କୁ ପ୍ରତ୍ୟେକ ସ୍କୁଲର ପିଲାମାନେ, ଶିକ୍ଷକ ଶିକ୍ଷୟିତ୍ରୀ ମାନେ, ସର୍ବୋପରି ଦୁଦୁରୁକୋଟ କ୍ଲଷ୍ଟର ର ଶିକ୍ଷକ ଶିକ୍ଷୟିତ୍ରୀ ମାନେ ଏପରିକି ସ୍କୁଲ ର ପାଣି ପବନ ମଧ୍ୟ ନିଦହଜା ଆଖିରେ ଝୁରୁଛନ୍ତି l ସ୍କୁଲର ପିଲାମାନଙ୍କୁ ସେ ଏମିନ୍ତି ଆପଣାଇ ନିଅନ୍ତି, ସତେ ଯେମିନ୍ତି ସେ ଜଣେ ଦେବଦୁତ ସାଜି ସେବକ ହିସାବରେ ପିଲା ମାନଙ୍କ ପାଇଁ ହିଁ ଜନ୍ମ ନେଇଛନ୍ତି l ତାଙ୍କର ଉର୍ନ୍ନତ୍ତ ଶିକ୍ଷା ଦାନ ର କୋମଳ ସ୍ପର୍ଶ ପାଇ କେତେ ଯେ ଡାକ୍ତର, ଇଞ୍ଜିନିୟର,ଚିକିତ୍ସା ବିଭାଗୀୟ କର୍ମଚାରୀ,ନ୍ୟାୟିକ ସଂସ୍ଥା ରେ ଓକିଲାତି, ଆଇଟି କମ୍ପାନୀ ସେକ୍ଟର ଆଦି ବିଭିନ୍ନ କ୍ଷେତ୍ରରେ ଛାତ୍ରଛାତ୍ରୀ ମାନେ କାର୍ଯ୍ୟରତ l ଶିକ୍ଷକତା ସହିତ ନିଜ ଗ୍ରାମବାସୀ ମାନଙ୍କପାଇଁ ଶନି ମନ୍ଦିର, ବ୍ରାହ୍ମଣୀଦେବି ମନ୍ଦିର, ବିଭିନ୍ନ କ୍ଲବ, ସାମାଜିକ ସଂଗଠନ, ପାରିପାର୍ଶ୍ବିକ ଉନ୍ନୟନ କାର୍ଯ୍ୟର ବିକାଶପାଇଁ ନୂଆ ରୂପରେ ସଜେଇ ଦେବାପାଇଁ ସ୍ୱପ୍ନ ଦେଖନ୍ତି l ଏମିତି ଏକ ମହାନ ବ୍ୟକ୍ତିତ୍ୱ ଙ୍କ ବିଷୟରେ ବର୍ଣ୍ଣନା କରିବା ଆମ ପାଖରେ ବାହୁଲ୍ୟ ମାତ୍ର l ନିଜର ସାରା ଜୀବନକୁ ଜଣେ ଶିକ୍ଷକ ଭାବରେ ବିତେଇ ଦେଇଥିବା ଆମ ପ୍ରିୟ ପ୍ରଧାନ ଶିକ୍ଷକ ଶ୍ରୀଯୁକ୍ତ କବିରାଜ ନାଏକ ଙ୍କ ର ଶିକ୍ଷକତା କାର୍ଯ୍ୟ କାଳ ର ଆଜି ଅନ୍ତିମ ଦିନ, ତା 31/05/2026 ରିଖ ରେ ସେ ଆଜି ନିଜ ଶିକ୍ଷକ ଜୀବନରୁ ଅବସର ନେଉଛନ୍ତି ସତ, ହେଲେ ସମସ୍ତଙ୍କ ହୃଦୟରୁ ଭଲ ପାଇଥିବା ମୂର୍ତ୍ତିମନ୍ତ ମଣିଷ ଜଣଙ୍କୁ କିଏ କେବେ କଣ ଭୁଲି ପାରିବ । ସମ୍ବର୍ଦ୍ଧନା ଉତ୍ସବ ରେ ହିନ୍ଦୋଳ ର ପ୍ରିୟ ବିଧାୟିକା ଶ୍ରୀମତୀ ସୀମା ରାଣୀ ନାୟକ ଉପସ୍ଥିତ ରହି କବି ଭାଇ ସମ୍ଵୋଧନ କରି କହିଥିଲେ ଯେ ସେ ହେଉଛନ୍ତି ଶିକ୍ଷକ ସମାଜର ତଥା ମଣିଷ ଗଢ଼ା କାରଖାନା ର ଏକ ନିଆରା ମଣିଷ। ଅବସର କାଳୀନ ସମ୍ବର୍ଦ୍ଧନା ଉତ୍ସବ ର ଆୟୋଜିତ ସଭାରେ ବସିଥିବା ସମସ୍ତ ମଞ୍ଚାସୀନ ଅତିଥି ମାନେ ମହାଶୟଙ୍କ ସେବା ମନୋବୃତ୍ତିର ଆଗ୍ରହ କୁ ଦେଖି ଏହା ଆଗକୁ ଜାରି ରହୁ ବୋଲି ମତବ୍ୟକ୍ତ କରିଥିଲେ l
ଶୁଭମ୍ ପାଣି ଙ୍କ ରିପୋର୍ଟ୍
