ବହୁପୁରାତନ ବାଉଁଶରାଣୀ ଖେଳ
ଢେ଼ଙ୍କାନାଳ – ବହୁପୁରାତନ ବାଉଁଶରାଣୀ ଖେଳ ଏମିତି ଏକ ଖେଳ ଯାହା ଅନ୍ୟ ମାନଙ୍କ ପାଇଁ ମନୋରଞ୍ଜନ । ହେଲେ ଖେଳାଳିଙ୍କ ପାଇଁ ବାସ୍ତବରେ ଜୀବନ ମରଣର ଖେଳ । ଦୁଇଖଣ୍ଡ ବାଉଁଶ ଓ ଖଣ୍ଡିଏ ଦଉଡିରେ ଚାଲିଛି ସାହସିକତାର ଖେଳ । ହାତରେ ବାଉଁଶ ଓ ମୁଣ୍ଡରେ କଳସୀ ଧରି ଆଗକୁ ବଢୁଛି କଅଁଳ ପାଦ,ଟିକେ ଏପଟ ସେପଟ ହେଲେ କଥା ସରିଲା । ତଥାପି ଜୀବନକୁ ପାଣିଛଡେଇ ଖେଳ ଦେଖାଉଛି ଝିଅଟି । ପେଟ ପାଇଁ ପିଢ଼ି ପରେ ପୀଢ଼ି ଧରି ଚାଲିଛି ଏହି ଖେଳ । ଲୋକଙ୍କ ପାଇଁ ମନୋରଞ୍ଜନ କରୁଥିବା ଏହି ପରିବାର ଆସିଛନ୍ତି ପଡୋଶୀ ଛତିଶଗଡରୁ ଦିନ ତମାମ ଖେଳ ଦେଖାଉଥିଲା ବେଳେ ୪୦୦ ରୁ ୫୦୦ ଟଙ୍କା ଆଉ ସେତିକିରେ ଚଳେ ତାଙ୍କରି ପରିବାର । କିଏ ଟଙ୍କା ଦିଏ,କିଏ ଦିଏନି ହେଲେ ଖେଳ ବନ୍ଦ ହୁଏନି । ଇଏ ଏମିତି ଏକ ଖେଳ,ଯାହା ଦେଖିବା ଲୋକଙ୍କୁ ମନୋରଞ୍ଜନ କରାଏ ଆଉ ବେଳେ ବେଳେ ଡରାଏ ବି । ହେଲେ ଦଉଡ଼ି ଉପରେ ଅଦ୍ୟମ ସାହସ ଦେଖାଉ ଥିବା ଏହି ଝିଅଟି ପାଇଁ ଏହା ଏକ ଖେଳ ମାତ୍ର । ଯେଉଁଥି ପାଇଁ ତାକୁ ଟଙ୍କା ମିଳେ ଆଉ ଦର୍ଶକଙ୍କ ତାଳିବି । ଏହି ବାଉଁଶରାଣୀ ଖେଳ ଢେ଼ଙ୍କାନାଳ ଜିଲ୍ଲାର ସହର ବଜାର ଓ ଜିଲ୍ଲାର ବିଭିନ୍ନ ସ୍ଥାନ ଏବଂ ବିଶେଷ କରି ଯାନୀଯାତ୍ରା,ମେଳା ମହୋତ୍ସବ ମାନଙ୍କରେ ଏହି ବାଉଁଶରାଣୀ ଖେଳ ପ୍ରଦର୍ଶିତ ହେଉଥିବା ଥିବାର ଦୃଶ୍ୟ ଦେଖିବାକୁ ମିଳେ।
ପ୍ରହ୍ଲାଦ ମୁଦୁଲି ଙ୍କ ରିପୋର୍ଟ୍
