ନିଦାଘ
କବି ସୌରଭ ବୈଜୟନ୍ତୀ ମାଳା ମହାପାତ୍ର
ପ୍ରଚଣ୍ଡ ତାପରେ ଥରିଲା ଧରଣୀ
ନଈ ନାଳ ସବୁ ଶୁଖିଲା,
ଅଂଶୁଘାତ ଭୟ ଚାରିଆଡ଼େ ହେଲା
ନିଦାଘର ଜ୍ଵଳା ବଢିଲା ll
ଥୁଣ୍ଟା ହୋଇଗଲା ଦ୍ରୁମ ତରୁ ଲତା
ସବୁଜିମା ଉଭା ହୋଇଲା
ଶୀତଳ ପବନ ସପନ ହୋଇଲା
ଝାଞ୍ଜି ବାଆ ଖାଲି ବହିଲା ll
ପାଣି ପଣା ଖାଲି ଜୀବନ ରଖିଲା
ସେଥିରେ ହିଁ ମନ ରହିଲା
ଆମ୍ବିଳି ପଖାଳ ଅମ୍ବୃତ ଲାଗିଲା
ଘୃତ ଅନ୍ନ ଦୂରେ ରହିଲା ll
ଜଳ ଜୀବ ଯେତେ ଜୀଇଁ ଥାଉଁ ମଲେ
ଜଳ ଶୁଖି ମାଟି ହୋଇଲା
କୀଟ ତରୁଲତା ଝାଉଁଳି ପଡ଼ିଲେ
ଖରା ତାପ ଝାଞ୍ଜି ବହିଲା ll
ସରସ ଜୀବନ ନିରସ ହୋଇଲା
ଚାରିଆଡେ ନିଆଁ ବହିଲା
ଉତପ୍ତ ହୋଇଲା ଶୀତଳ ଧରଣୀ
ଦେଖ ଏ ନିଦାଘ ଅଇଲା ll
ଫୁଲବାଣୀ, କନ୍ଧମାଳ
