ବୌଦ୍ଧ -20/10-ବୌଦ୍ଧ ଜ଼ିଲ୍ଲା କଣ୍ଟାମାଳ ବ୍ଲକ୍ ର କୁଲତାଯୋର୍ ଠାରେ ଲୋକ କଳା ବିକାଶ କେନ୍ଦ୍ର ତରଫରୁ ବାଲ୍ୟବିବାହ ନିଷେଧ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ପ୍ରତି ଭାଗି ଭାବରେ ସ୍ଥାନୀୟ ଆଶା , ଅଙ୍ଗନୱାଡ଼ି , କିଶୋରୀ ବାଳିକା ୪୦ ଜଣ ଅଂଶ ଗ୍ରହଣ କରିଥିଲେ । ଲୋକ କଳା ବିକାଶ କେନ୍ଦ୍ରର କର୍ମୀ ଶିଳ୍ପାରାଣୀ ବେହେରା ସମସ୍ତଙ୍କୁ ସ୍ଵାଗତ ଜଣେଇ ଥିଲେ । 
ଅତିଥି ଭାବରେ ଶିଶୁ ମଙ୍ଗଳ ସମିତି ବୌଦ୍ଧ ର ସଦସ୍ୟ ଶ୍ରୀଯୁକ୍ତ ସୀତାକାନ୍ତ ସାହୁ , ସ୍ଥାନୀୟ ଏଏନଏମ ଉପସ୍ଥିତ ଥିଲେ । ଲୋକ କଳା ବିକାଶ କେନ୍ଦ୍ରର ସମ୍ପାଦିକା ପୁନର୍ବାର ସମସ୍ତଙ୍କୁ ସ୍ଵାଗତ ଜଣେଇ ବୈଠକ ପରିଚାଳନା କରିଥିଲେ। ବାଲ୍ୟ ବିବାହ ନିଷେଧ ଆଇନ ,ବାଲ୍ୟ ବିବାହ କଣ ସେ ବିଷୟରେ ସମ୍ପାଦିକା ମହାଶୟା ନିଜର ମତବ୍ୟକ୍ତ କରିଥିଲେ। ଶିଶୁ ର ଉପଯୁକ୍ତ ବୟସ ଆଇନ ଅନୁସାରେ ଝିଅ କୁ ୧୮ଓ ପୁଅ କୁ ୨୧ ବର୍ଷ ପରେ ହେଉଛି ବିବାହ ପାଇଁ ସଠିକ୍ ବୟସ ବୋଲି ଶିଶୁ ମଙ୍ଗଳ ସମିତି ର ସଦସ୍ୟ ଶ୍ରୀଯୁକ୍ତ ସୀତାକାନ୍ତ ସାହୁ ମତବ୍ୟକ୍ତ କରିଥିଲେ । 
ଯିଏ ଏହି ନିୟମ ଅମାନ୍ୟ କରିବ ଆଇନ ଅନୁଯାୟୀ ଦଣ୍ଡିତ ହେବ ବୋଲି ଜଣେଇଥିଲେ। ସ୍ଥାନୀୟ ଏ ଏନ୍ ଏମ ଋତୁସ୍ରାବ ସମୟରେ ନିଜର ସ୍ବାସ୍ଥ୍ୟ ଯତ୍ନ କିପରି ନେବେ, କିଭଳି ସ୍ଵଚ୍ଛତା ର ଅବଲମ୍ବନ କରିବେ ସେ ବିଷୟରେ ବୁଝାଇଥିଲେ । ଅନୁଷ୍ଠାନ ତରଫରୁ କିଶୋରୀ ବାଳିକା ଏବଂ ମହିଳା ମାନଙ୍କୁ ସ୍ବାସ୍ଥ୍ୟ ସଚେତନତା ବିଷୟରେ ଅବଗତ କରାଇବା ସହିତ ସମସ୍ତ ପ୍ରତିଭାଗି ମାନଙ୍କୁ ଅନୁଷ୍ଠାନ ତରଫରୁ ସାନିଟାରୀ ନାପକିନ୍,ସାବୁନ, ସାନିଟାଇଜର , ମାସ୍କ ବଣ୍ଟନ କରାଯାଇଥିଲା। ଶେଷରେ ଅନୁଷ୍ଠାନର କର୍ମୀ ପ୍ରତାପ ମେହେର ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।
ବୌଦ୍ଧରୁ ହୃଦାନନ୍ଦ ମେହେରଙ୍କ ରିପୋର୍ଟ ମସିହା ନିୟୁଜ
