ମୟୂରଭଞ୍ଜ,୫/୩: (ମସିହା) ଜିଲ୍ଲା ସ୍ତରୀୟ ପଂଚାୟତିରାଜ ଦିବସ ପାଳନ ଅବସରରେ ସାମାଜିକ କାର୍ଯ୍ୟରେ ଉଲ୍ଲେଖନୀୟ ଅବଦାଉନ ପାଇଁ ଝାରଖଣ୍ଡ ପ୍ରଦେଶର ସୀମାନ୍ତକୁ ଲାଗି ରହିଥିବା ତିରିଂ ବ୍ଲକର କୁଲୁଘୁଟୁ ପଂଚାୟତକୁ ଆଜି ଜିଲ୍ଲା ପ୍ରଶାସନ ତରଫରୁ ବାରିପଦାଠାରେ ପୁରସ୍କୃତ କରାଯାଇଛି l ଜିଲ୍ଲା ପରିଷଦ ଅଧ୍ୟକ୍ଷା ଭାରତୀ ହାଁସଦା, ମୟୂରଭଞ୍ଜ ଜିଲ୍ଲାପାଳ ବିନୀତ ଭରଦ୍ୱାଜ, ଜିଲ୍ଲା ଆରକ୍ଷୀ ଅଧିକ୍ଷକ ଋଷିକେଶ ଦ୍ୟାନଦେଓ ଖିଲାରୀ, ଜିଲ୍ଲା ପରିଷଦର ମୁଖ୍ୟ ଉନ୍ନୟନ ଅଧିକାରୀ ତଥା କାର୍ଯ୍ୟ ନିର୍ବାହୀ ଅଧିକାରୀ ଦୌଲତ ଚନ୍ଦ୍ରକାରଙ୍କ ଉପସ୍ଥିତିରେ ଉକ୍ତ ପୁରସ୍କାର ବାବଦକୁ ମାନପତ୍ର ସହିତ ଏକ ଲକ୍ଷ ଟଙ୍କାର ଚେକ କୁଲୁଘୁଟୁ ସରପଞ୍ଚ ଗୁରୁବାରୀ ପୂର୍ତ୍ତିଙ୍କୁ ପ୍ରଦାନ କରାଯାଇଛି l ସାମାଜିକ ସେବା ନିମନ୍ତେ ମୟୁରଭଞ୍ଜ ଜିଲ୍ଲାର ଅଗ୍ରଣୀ ପଞ୍ଚାୟତ ରୂପେ ପୁରସ୍କୃତ ହୋଇଥିବାରୁ ଏଠାକାର ସରପଞ୍ଚ ଗୁରୁବାରୀଙ୍କୁ ତିରିଂ ଅଞ୍ଚଳର ବିଜେଡ଼ି ନେତା ତଥା ସ୍ୱତନ୍ତ୍ର ଉନ୍ନୟନ ପରିଷଦ(ଏସଡିସି) ସଭ୍ୟ ଜଲେନ ବାର୍ଦା, ତିରିଂ ଚେୟାରମ୍ୟାନ ପରମେଶ୍ୱର ସାମାଡ଼, ଭାଇସ ଚେୟାରମ୍ୟାନ ପୂର୍ଣ୍ଣିମା ଗାଗରାଇ, ଯୁବ ସାମାଜିକ କର୍ମୀ ବାବୁଲୁ ପୂର୍ତ୍ତି ପ୍ରମୁଖ ଅଭିନନ୍ଦନ ଜଣାଇଛନ୍ତି l
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ
