ସକାଳର ଜଣାଣ
ବିଜୟ କୁମାର ଜେନା
ତୁମ ନାମ ଧରି ତରିବି ସଂସାରୁ
ଏତିକି ମାଗୁଣୀ ମୋର
ଧନ ଦରବରେ ମନ ବଳୁନାହିଁ
ସ୍ବାସ୍ଥ୍ୟ ସମ୍ପଦେ ନଜର।
ଦେହ ମନ ଆତ୍ମା ଭଲ ଥିଲେ ସିନା
ତୁମକୁ ସ୍ମରିତ ହେବ
କର୍ତ୍ତବ୍ୟ କରମେ ପର ଉପକାରେ
ସମୟ ପଶୋରଯିବ।
ତୁମରି ସୃଷ୍ଟିରେ ଦେଖିଛି ଏକଥା
କାହାକୁ ଦିଅନି ବ୍ୟଥା
ସମୟ ଚକ୍ରରେ ଫେରି ଆସେ ନିଶ୍ଚେ
ଏକଥା ନୁହେଁ ଅନ୍ୟଥା।
ରୋଗ ବଇରାଗ ଅମାପ ବିଭବ
ସବୁତ କରିଛ ସୃଷ୍ଟି
ବାକି କଥା ହେଲା କିଏ କେମିତିକା
ପରଖେ ନିଜର ଦୃଷ୍ଟି।
ସରଳ ଜନରେ ସରଳ ଜୀବନ
ଜଟିଳେ ଦିଅ ଯନ୍ତ୍ରଣା
ଆହେ ମହାବାହୁ ଜଗନ୍ନାଥ ସ୍ଵାମୀ
ମୋ ଠାରେ ରଖ କରୁଣା।
ଅବସର ପ୍ରାପ୍ତ ପ୍ରାଧ୍ୟାପକ ଶାମୁକା ସାହି ରଣପୁର ନୟାଗଡ଼
