ପୋଷଣ ଉତ୍ସବ ପାଳିତ
ବୌଦ୍ଧ -01-10-(ହୃଦାନନ୍ଦ ମେହେର )- ବୌଦ୍ଧ ଜ଼ିଲ୍ଲା କଣ୍ଟାମାଳ ICDS Project ରେ ଆଜି ପୋଷଣ ଉତ୍ସବ ପାଳିତ ହୋଇଯାଇଛି। ବୌଦ୍ଧ ଜିଲ୍ଲା ପ୍ରଶାସନ ଓ ମହିଳା ଶିଶୁ ବିକାଶ ବିଭାଗ ଆନୁକୂଲ୍ୟରେ ସ୍ଥାନୀୟ ମିଶନ ଶକ୍ତି କାର୍ଯ୍ୟାଳୟ ପରିସରରେ ସୁନ୍ଦର ସାଜସଜ୍ଜା ଓ ବର୍ଣ୍ଣାଢ଼୍ୟ ପରିବେଶ ରେ 
ମହାସମାରୋହ ରେ ଏହା ପାଳନ କରାଯାଇଛି। ଏଥିରେ କଣ୍ଟାମାଳ ସିଡିପିଓ ଜ୍ୟୋସ୍ନାରାଣୀ ପାଢ଼ୀ , କଣ୍ଟାମାଳ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଅଧ୍ୟକ୍ଷ ଡାକ୍ତର ନିଖତ ମମିନ୍ ମୁଖ୍ଯ ଅତିଥି ଅତିଥିଭାବେ ଯୋଗ ଦେଇଥିଲେ। ସମସ୍ତ ପରିଦର୍ଶିକା ସନ୍ତୋଷିନୀ ସାହୁ ,ମେଘମାଳା ମିଶ୍ର, ଜାନକୀ ଭୋଇ, ପଲ୍ଲବୀ ମେହେର , ରଞ୍ଜିତା ସେଠୀ, ରଶ୍ମିନ୍ ଦିଗାଲ, ସଂଯୁକ୍ତା ସାହୁଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ କଣ୍ଟାମାଳ Project ଅନ୍ତର୍ଗତ ସମସ୍ତ ଅଙ୍ଗନବାଡ଼ି 
କେନ୍ଦ୍ରର କର୍ମୀ ଏବଂ କର୍ମଚାରୀ ମୁରୁଜରେ ଝୁଣ୍ଟି କାଟି କଳସ ସ୍ଥାପନ ପୂର୍ବକ ଅନେକ ପ୍ରକାର ର ତଟକା ପନିପରିବା, ମାଣ୍ଡିଆ, ବିଭିନ୍ନ ପୁଷ୍ଟିକର ଜାତୀୟ ଶୁଖିଲା ଖାଦ୍ୟପଦାର୍ଥ ଏବଂ ରନ୍ଧା ଖାଦ୍ୟ ସବୁକୁ ପୋଷ୍ଟର ,ପ୍ଳା କାର୍ଡ ଇତ୍ୟାଦି ଲଗାଇ ସୁନ୍ଦର ଢଙ୍ଗରେ ପ୍ରଦର୍ଶିତ କରିଥିଲେ । କଣ୍ଟାମାଳ ପରିଦର୍ଶିକା ରଶ୍ମିନ୍ ଦିଗାଲ ଅତିଥି ପରିଚୟ ଓ ପୋଷଣ ମାସ ପାଳନ ଉତ୍ସବ ର ଲକ୍ଷ୍ୟ ଏବଂ ଉଦ୍ଦେଶ୍ୟ ପ୍ରତିପାଦନ କରିବା ସହ କାର୍ଯ୍ୟକ୍ରମ ପରିଚାଳନା 
କରିଥିଲେ । ସିଡିପିଓ ଜ୍ୟୋସ୍ନାରାଣୀ ପାଢୀ ପୋଷଣ ପଞ୍ଚ ସୁତ୍ର – ପୌଷ୍ଟିକ ଆହାର, ପ୍ରଥମ ହଜାରେ ଦିନ ର ଗୁରୁତ୍ଵ, ରକ୍ତ ହୀନତା, ସ୍ଵଛତା, ଡାଇରିଆ ପ୍ରବନ୍ଧନ ଉପରେ ଗୁରୁତ୍ୱାରୋପ କରି ବକ୍ତବ୍ୟ ପ୍ରଦାନ କରିଥିଲେ। ପୂର୍ବକାଳରେ ଲୋକମାନେ ଜୈବିକ ଚାଷ ରେ ଉତ୍ପାଦିତ ପୁଷ୍ଟିକର ଖାଦ୍ୟ ପଦାର୍ଥ ଖାଉ ଥିବାରୁ ସେମାନେ ସୁସ୍ଥ, ସବଳ ଓ କର୍ମଠ ହୋଇ ପାରୁଥିଲେ, କିନ୍ତୁ ଆଜିକାଲି ଫାଷ୍ଟ ଫୁଡ୍ ଓ ଅପଦାର୍ଥ ଖାଦ୍ୟ ଖାଇବା ଦ୍ବାରା ନାନାଦି ରୋଗର ଶିକାର ହେବାକୁ ପଡୁଥିବା ସିଡିପିଓ ଶ୍ରୀମତୀ ପାଢ଼ୀ କହିବା ସହ ମା ଓ ଶିଶୁ ମାଣ୍ଡିଆ ଜାତୀୟ ଖାଦ୍ୟ ତଥା ପୁଷ୍ଟିକର ଖାଦ୍ୟ ଖାଇବା ଉପରେ ବୁଝାଇଥିଲେ। ଏତବ୍ୟତୀତ ଶିଶୁ ଓ ମା ଙ୍କ ଖାଦ୍ୟ କଣ କଣ ହେବା ଉଚିତ୍, ଇତ୍ୟାଦି ଉପରେ ଶ୍ରୀମତୀ ପାଢ଼ୀ ଅନେକ 
ବିନ୍ଦୁ ଦେଇ କହିଥିଲେ।ସେହିପରି ଡାକ୍ତର ନିହତ ମମିନ୍ ପୁଷ୍ଟିକର ଖାଦ୍ୟ ଦ୍ଵାରା ଡାଇରିଆ, ରକ୍ତ ହୀନତା,ରକ୍ତଚାପ ଇତ୍ୟାଦି ଅନେକ ରୋଗ କୁ ପ୍ରତିହତ କରାଯାଇ ପାରିବ ବୋଲି କହିବା ସହ ଅନେକ ସ୍ବାସ୍ଥ୍ୟ ସମ୍ବନ୍ଧୀୟ ବିଷୟ ଉପରେ ଆଲୋକପାତ କରିଥିଲେ। ଏହି ଅବସରରେ କେତେକ ନବଜାତକ ଶିଶୁ ମାନଙ୍କ ଅନ୍ନପ୍ରାସନ୍ନ ଓ ଗର୍ଭବତୀ ମହିଳା ଙ୍କୁ ସୁସ୍ୱଦ୍ୟ ତଥା ସୁଆଦିଆ ଖାଦ୍ୟ ପ୍ରଦାନ ପୂର୍ବକ ଉତ୍ସବ ପାଳନ କରାଯାଇଥିଲା। କାର୍ଯ୍ୟକ୍ରମ କୁ ଆସିଥିବା ଶତାଧିକ ଏସ ଏଚ ଜି ମହିଳା, ଗ୍ରାମର ମହିଳା , କିଶୋର ଓ କିଶୋରୀ ମାନଙ୍କୁ ପ୍ରଦର୍ଶିତ ଖାଦ୍ୟ ପଦାର୍ଥ ବୁଲାଇ ଦେଖାଇବା ସହ ବୁଝାଇଥିଲେ ଉପସ୍ଥିତ ସମସ୍ତ ଙ୍କୁ ପଲ୍ଲବି ମେହେର ପରିଦର୍ଶିକା ମନମୁଣ୍ଡା ଧନ୍ୟବାଦ୍ ଅର୍ପଣ କରିଥିଲେ।
ବୌଦ୍ଧରୁ ଜ଼ିଲ୍ଲା ପ୍ରତିନିଧି ହୃଦାନନ୍ଦ ମେହେରଙ୍କ ରିପୋର୍ଟ ମସିହା ନିୟୁଜ
