ଖାତିଗୁଡାରେ ସାଇବର ସୁରକ୍ଷା ସଚେତନତା ରଥକୁ ସମ୍ବର୍ଦ୍ଧନା
ତେନ୍ତୁଳିଖୁଣ୍ଟି ୦୪/୧୦/୨୩ ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ବ୍ଲକ ଖାତିଗୁଡା କୁ ଆଜି ସାଇବର ସୁରକ୍ଷା ସଚେତନତା ରଥ ଆସିଥିଲା ପ୍ରଥମେ ଖାତିଗୁଡା ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ରରେ ବିଦ୍ୟାଳୟର ଅପା,ଭାଇ,ଛାତ୍ରଛାତ୍ରୀ, ଅଙ୍ଗନବାଡି କର୍ମୀ , ଖାତିଗୁଡା ଥାନା ଓ ତେନ୍ତୁଳିଖୁଣ୍ଟି ଥାନାର କର୍ମଚାରୀଙ୍କ ଉପସ୍ଥିତି ବେଣ୍ଡ ବାଜା ସହ ନାଚ ଗୀତ ମସଗୁଲ ହୋଇ ପୂଜାର୍ଚ୍ଚନା କରି ସ୍ୱାଗତ କରିଥିଲେ । ଏହି ବିଦ୍ୟାଳୟରେ ସାଇବର ଠକେଇର ସଚେତନତା ନେଇ ବୈଠକ ହୋଇଥିଲା ଏଥିରେ ନବରଙ୍ଗପୁର ଅତିରିକ୍ତ ସୁପରଟେଣ୍ଟ ବଟ କୃଷ୍ଣ ମିଶ୍ର, ଏସ ଡ଼ି ପି ଓ ଆଦିତ୍ୟ ସେନ,ଖାତିଗୁଡା ଥାନା ଅଧିକାରୀ ହରିସ ଚନ୍ଦ୍ର ଗୋଲରୀ ,ରମେଶ ଚନ୍ଦ୍ର ପଟ୍ଟନାୟକ,ବିଦ୍ୟାଳୟ ସଭାପତି ଅବସର ପ୍ରାପ୍ତ ମୁଖ୍ୟ ନିର୍ମାଣ ଯନ୍ତ୍ରୀ ସନ୍ତୋଷ କୁମାର ଗାହାଣ ,ବିଦ୍ୟାଳୟ ଅଧ୍ୟକ୍ଷା ସ୍ୱର୍ଣ୍ଣଲତା ମାହାଙ୍କୁଡ ଓ ଖାତିଗୁଡା ଏସ ବି ଆଇ ବ୍ୟାଙ୍କ ମ୍ୟାନେଜର ସୁଦିପ୍ତ ପଧାନ ଉପସ୍ଥିତ ରହି ମଞ୍ଚାସିନ ଥିଲେ ।
ତେନ୍ତୁଳିଖୁଣ୍ଟି ଥାନା ଅଧିକାରୀ ଅଭିମନ୍ୟୁ ଦୁର୍ଗା ମଧ୍ୟ ମଞ୍ଚାସିନ ହୋଇଥିଲେ। ଏହି କାର୍ଯ୍ୟକ୍ରମରେ ସାଇବର ଠକେଇର ଜଣେ କେମିତି ଠକେଇ ହୋଇଥିଲେ ସେ ବିଷୟରେ ଛାତ୍ରଛାତ୍ରୀଙ୍କୁ ବୁଝେଇ ଥିଲେ । ସାଇବର ଠକେଇରୁ ମୁକ୍ତି ପାଇବାର ପ୍ରଥମ ମାର୍ଗ ସଚେତନ ରହିବା ଦ୍ଵିତୀୟରେ ଆମେ ବ୍ୟବହାର କରୁଥିବା ମୋବାଇଲ , ଏ ଟି ଏମ ଆଦିରେ କଠିନ ପାସ ୱାର୍ଡ ବ୍ୟବହାର କରିବା ଅଫର ଯୁକ୍ତ ମେଲ ବା ମେସେଞ୍ଜରର ଉତ୍ତର ନ ଦେବା ସମୟ ବ୍ୟବଧାନରେ ପାସୱାର୍ଡ ପରିବର୍ତ୍ତନ କରିବା ଲୋନ ପାଇଁ କୌଣସି ଲୋନ ଆପର ବ୍ୟବହାର ନ କରିବା ଅଜଣା ନମ୍ବରରୁ ଆସୁଥିବା କଲ ବା ଏସ ଏମ ଏସ ମଧ୍ୟମରେଆସୁଥିବା ଲିଂକବ ଗ୍ରହଣ ନ କରିବା ଆଦି ବିଷୟରେ ସଚେତନ କରାଯାଇଥିଲା । ଠିକ ସେହିଭଳି ଖାତିଗୁଡା ଇନ୍ଦ୍ରାବତୀ ଉଚ୍ଚ ମାଧ୍ୟମିକ ବିଦ୍ୟାଳୟରେ ସାଇବର ସୁରକ୍ଷା ସଚେତନତା କାର୍ଯ୍ୟକ୍ରମ ହୋଇଥିଲା । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ନବରଙ୍ଗପୁର ଅତିରିକ୍ତ ସୁପରଟେଣ୍ଟ ବଟ କୃଷ୍ଣ ମିଶ୍ର ଉପସ୍ଥିତ ରହିଥିବା ବେଳେ ଏସ ଡ଼ି ପି ଓ ଆଦିତ୍ୟ ସେନ,ଖାତିଗୁଡା ଥାନା ଅଧିକାରୀ ହରିସ ଚନ୍ଦ୍ର ଗୋଲାରୀ ,ରମେଶ ଚନ୍ଦ୍ର ପଟ୍ଟନାୟକ,ବିଦ୍ୟାଳୟର ଅଧ୍ୟକ୍ଷ ଯଶୋବନ୍ତ ବରାଳ,ସନ୍ତୋଷ କୁମାର ଗାହାଣ ,ବ୍ୟାଙ୍କ ମ୍ୟାନେଜର ସୁଧିପ୍ତ ପଧାନ, ମଞ୍ଚାସିନ ରହି ଛାତ୍ରଛାତ୍ରୀଙ୍କୁ ସାଇବର ଠକେଇ ଉପରେ ବୁଝେଇ ଥିଲେ । ଏହି ଦୁଇ ବିଦ୍ୟାଳୟର ଛାତ୍ରଛାତ୍ରୀ ସାଇବର ସୁରକ୍ଷା ସଚେତନତା ରଥକୁ ନାଚ ଗୀତରେ ସ୍ୱାଗତ କରିଥିଲେ । ଏବଂ ବୈଠକରେ କିଛି ପ୍ରଶ୍ନ ପଚାରିଥିଲେ ଉତ୍ତର ଦେଇଥିବା ଛାତ୍ରଛାତ୍ରୀ ମାନଙ୍କୁ ମୁଖ୍ୟଅତିଥି ପୁରସ୍କୃତ କରିଥିଲେ । ତାସହ ସନ୍ଧ୍ୟା ସମୟରେ ଖାତିଗୁଡା ମାର୍କେଟରେ ଯାତାୟାତ ଲୋକ ଓ ସ୍ଥାନୀୟ ଲୋକଙ୍କ ପାଇଁ ମଧ୍ୟ ସାଇବର ଠକେଇର ସଚେତନତା କରାଯାଇଥିଲା । ଏହି କାର୍ଯ୍ୟକ୍ରମରେ ବିଦ୍ୟାଳୟ ଛାତ୍ରଛାତ୍ରୀ ଓ ସ୍ଥାନୀୟ ଛାତ୍ରଛାତ୍ରୀଙ୍କ ଦ୍ବାରା ନାଚଗୀତର କାର୍ଯ୍ୟକ୍ରମ ହୋଇଥିଲା । ପ୍ରତେକ ସ୍ଥାନର କାର୍ଯ୍ୟକ୍ରମରେ ଉମାକାନ୍ତ ସାହୁ ମଞ୍ଚ ପରିଚାଳନା କରିଥିଲେ ।
ଗୋବର୍ଦ୍ଧନ ସାହୁ ,ତେନ୍ତୁଳିଖୁଣ୍ଟି
