ବାଂଲାଦେଶୀ ଝିଅ ବାଲେଶ୍ଵରରେ, ଦାବି କଲେ ବାଲେଶ୍ଵର ବୋହୂ ହେବାକୁ
ବାଲେଶ୍ଵର,୦୫/୧୨/୨୩// ବାଙ୍ଗ୍ଲାଦେଶୀ ଝିଅ ଏବେ ବାଲେଶ୍ବରରେ । ଜିଦ୍ କଲେ ହେବି ବାଲେଶ୍ଵର ବୋହୂ । ସେ ଯାହାକୁ ବାହାହେଲେ ମୋର କିଛି ଅସୁବିଧା ନାହିଁ ଏମିତି କହି ବାଲେଶ୍ବର ଏସପିକୁ ଭେଟିବା ପାଇଁ ଅପେକ୍ଷା କରି ରହିଛି ବାଙ୍ଗ୍ଲାଦେଶୀ ଯୁବତୀ ରୁମା ମ୍ୟାରିଆମ୍ । ଫେସବୁକରୁ ହେଲା ପ୍ରେମ, ସେହି ପ୍ରେମ ଏତେ ନିବିଡ ହେଲା ଯେ ଦେଶ ପାରି ହୋଇ ଓଡିଆ ଯୁବକ ପହଂଚି ଗଲେ ବାଙ୍ଗ୍ଲାଦେଶରେ । ବିଦେଶୀ ମୁସଲିମ ଝିଅ ସହ ଓଡିଆ ହିନ୍ଦୁ ପୁଅର ହେଲା ବାହାଘର । ବାଙ୍ଗ୍ଲାଦେଶର ଏକ ମସଜିଦରେ ବିବାହ ପରେ ଏକାଠି ରହିଲେ । ଆଉ ମଝିରେ ମଝିରେ ନିଜ ଦେଶ ଭାରତକୁ ଫେରିଆସେ ପୁଣି ବାଙ୍ଗ୍ଲାଦେଶ ଫେରିଯାଏ । ଏହି ପାଂଚ ମାସ ପୂର୍ବରୁ ସାଙ୍କ ସ୍ବାମୀ ଦ୍ବିତୀୟ ବିବାହ କରିବା ପରେ ସେ ଆସି ପହଂଚିଛି ବାଲେଶ୍ବରରେ ବାଙ୍ଗ୍ଲାଦେଶୀ ଯୁବତୀ ରୁମା ମ୍ୟାରିଆମ୍ । ବାଲେଶ୍ବରରେ ଓଡିଆ ପୁଅ ବିରେନ୍ଦ୍ର ପ୍ରତାପ ଭଂଜ ତାଙ୍କ ସ୍ବାମୀ, ଆଉ ଛଅ ବର୍ଷର ସଂପର୍କ । ବାଲେଶ୍ବର ଜିଲ୍ଲା କମର୍ଦ୍ଦା ଥାନା ଅଂଚଳର ଭୁଦକୁସୁମୀ ଗ୍ରାମରେ ଘର । ଏବେ ସେ ଆଉ ଜଣଙ୍କୁ ବିବାହ କରିବା ପରେ ରୁମା ଧାଇଁ ଆସିଛନ୍ତି ବାଲେଶ୍ଵରକୁ । ସ୍ବାମୀ ଯାହାକୁ ବାହା ହୁଅନ୍ତୁ ଆଉ ଯେତେଟା ବାହା ହୁଅନ୍ତୁ, ମୁଁ ମୋ ସ୍ବାମୀଙ୍କ ପାଖରେ ରହିବି । ଦୀଘାରୁ କମର୍ଦା, ଆଉ କମର୍ଦା ବାଲେଶ୍ବର ଧାଉଁଛନ୍ତି ରୁମା । ତାଙ୍କ ସ୍ବାମୀ ବିରେନ୍ଦ୍ର ପ୍ରତାପ ଧରାଛୁଆଁ ଦେଉ ନାହାଁନ୍ତି । ସେ ଦୀଘାର ପାଓାର ହାଉସରେ ଚାକିରି କରେ । ଅତୀତ ଦିନର ସ୍ମୃତିକୁ ମୋବାଇଲରେ ସାଇତି ରଖିଛନ୍ତି ରୁମା । ତାଙ୍କ ପ୍ରେମ ସତ, ସେ ତାଙ୍କ ସ୍ବାମୀକୁ ଫେରି ପାଇବେ, ଏହି ବିଶ୍ବାସ ନେଇ ସେ ବାଲେଶ୍ବରରେ ଡେରା ପକାଇଛନ୍ତି ବୋଲି ଖବର ସଂଗ୍ରହରୁ ଜଣାପଡିଛି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
