ବିଧାୟକ ବାଣ୍ଟିଲେ ବିଏସକେୱାଇ ନବୀନ କାର୍ଡ
ବାଲେଶ୍ଵର,୦୭/୩/୨୪- ଗତକାଲି ବାଲେଶ୍ଵର ଜିଲ୍ଲା ଖଇରା ବ୍ଲକ ବ୍ଲକ ସମ୍ମିଳନୀ କକ୍ଷ ପରିସରରେ ବିଧାୟକ ଜ୍ଯୋତିପ୍ରକାଶ ପାଣିଗ୍ରାହୀ ବିଏସକେୱାଇ ନବୀନ କାର୍ଡ଼ ବିତରଣ କରିଛନ୍ତି । ଯୋଗ୍ୟ ଯୋଗ୍ୟ ହିତାଧିକାୀଙ୍କୁ ଏହି 
କାର୍ଡ ବଣ୍ଟନ କରାଯାଇଛି । ପ୍ରକାଶ ଥାଉକି ଖଇରା ବ୍ଲକକୁ ନୂତନ ଭାବେ ମୋଟ ୪୦୧୧ଟି କାର୍ଡ ମଞ୍ଜୁର ହୋଇ ଆସିଥିଲା ବେଳେ ସାରୁକୋଣ, ମହତୀପୁର ପଞ୍ଚାୟତର ହିତାଧିକାରୀ ମାନଙ୍କୁ ବଣ୍ଟନ କରାଯାଇଛି । ଅନ୍ୟ ଯୋଗ୍ୟ ହିତାଧିକାୀ ସେମାନଙ୍କୁ ପଞ୍ଚାୟତ ସ୍ତରୀୟ କାର୍ଯ୍ୟନିର୍ବାହୀ ଅଧିକାରୀ ମାନଙ୍କ ଦ୍ଵାରା ସେମାନଙ୍କ ପାଖରେ ପହଞ୍ଚାଇ ଦିଆଯିବ ବୋଲି ବିଧାୟକ ଶ୍ରୀ ପାଣିଗ୍ରାହୀ ପ୍ରକାଶ କରିଥିଲେ । ସୁସ୍ଥ ଓଡିଶା, ସୁଖୀ ଓଡିଶା’ର ମହତ୍ବାକାଂକ୍ଷୀ ଲକ୍ଷ୍ୟ ରଖି ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୫ ବର୍ଷ ତଳେ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ଆରମ୍ଭ 
କରିଥିଲେ । ଯାହା ଓଡିଶାର ଜନସାଧାରଣଙ୍କୁ ଉତ୍ତମ ସ୍ବାସ୍ଥ୍ୟସେବା ଯୋଗାଇ ଦେବାରେ ଏକ ବୈପ୍ଲବିକ ପରିବର୍ତ୍ତନ ଆଣିଥିଲା । ଏହି ସୁବିଧାରୁ ବଞ୍ଚିତ ରହିଯାଇଥିବା ଲୋକ ମାନଙ୍କୁ ଏକ ସ୍ବାସ୍ଥ୍ୟ ସୁରକ୍ଷା ବଳୟ ଭିତରେ ରଖିବା ପାଇଁ ବିଏସକେୱାଇ ନବୀନ କାର୍ଡ଼ରେ ସେମାନଙ୍କୁ ଅନ୍ତର୍ଭୁକ୍ତ କରିଛନ୍ତି । ଏହି କାର୍ଯ୍ୟକ୍ରମରେ ଖଇରା ବିଡ଼ିଓ ଅନନ୍ତ କୁମାର ହାଁସଦା, ସହକାରୀ ନିର୍ବାହୀ ଯନ୍ତ୍ରୀ ଇଂ ଉତ୍ତମ କୁମାର ସାହୁ, ୪ ନଂ ଜୋନର ଜିଲ୍ଲା ପରିଷଦ ସଭ୍ୟା ରଶ୍ମିତା ମହାପାତ୍ର, ଖଇରା ସମିତି ସଭ୍ୟା ନର୍ମଦା ଦେ, ସିପିଓ ଶଶିକାନ୍ତ ଦାସ, ପଞ୍ଚାୟତ ନିର୍ବାହୀ ଅଧିକାରୀ ଓ ବିଭିନ୍ନ ପଞ୍ଚାୟତର ସରପଞ୍ଚ ସମିତି ସଭ୍ୟ ସଭ୍ୟା ଉପସ୍ଥିତ ଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
