ବହୁବିଧ ସେବାରେ ବ୍ରତୀ ସମାଜସେବୀ ଶୁଭକାନ୍ତ ସାମଲ
କଟକ : ମଣିଷ ନିଜର କର୍ମ ବିଚାରଧାରା ନେଇ ବଡ ହୋଇ ଉଠେ ଆଉ ପୂଜା ପାଏ । ଆମ ସମୟର ଜଣେ ସମାଜସେବୀ, ପରିବେଶବିତ୍,ସାହିତ୍ୟିକ ହେଇଛନ୍ତି ଶୁଭକାନ୍ତ ସାମଲ । ପିତା ସ୍ୱର୍ଗତ ତ୍ରିଲୋକ୍ୟନାଥ ସାମଲ,ମାତା ଶୈଳବାଳା ସାମଲଙ୍କ ସୁପୁତ୍ର କେନ୍ଦ୍ରାପଡ଼ା ଜିଲ୍ଲା କନ୍ତିଆ ଉପକଣ୍ଠ ହରିଦାଦଣ୍ଡା ଗ୍ରାମରେ ୧୯୮୩ ମସିହାରେ ଜନ୍ମ ଗ୍ରହଣ କରିଛନ୍ତି ।
ପିଲାଦିନୁ ସମାଜସେବା,ପରିବେଶ ସୁରକ୍ଷା ଦିଗରେ ତାଙ୍କର ଖୁବ ଆଗ୍ରହ ରହିଛି । ପ୍ରାରମ୍ଭିକ ସେବା ଜୀବନରେ ପିତାଙ୍କ ପ୍ରେରଣା ଓ ସାମାଜିକ କର୍ମୀ ସତ୍ୟବ୍ରତ ଜେନାଙ୍କ ସହଯୋଗରେ ସେ ଆଜି ସେବା ଦିଗରେ ଖୁବ୍ ଆଗରେ । ଶିକ୍ଷା ଦିଗରେ ସେ ବିଦ୍ୟାଳୟ ଏବଂ ପାଠାଗାରରେ ଛାତ୍ରଛାତ୍ରୀ ମାନଙ୍କୁ ସାହାଯ୍ୟ କରିଥିଲେ ଏବଂ ଗୁଣାତ୍ମକ ଶିକ୍ଷା ପ୍ରଦାନ କରାଇଛନ୍ତି । ସେ ଆସ୍ଥା ଫାଉଣ୍ଡେନସନ୍ ନାମକ ଏକ ସାମାଜିକ ସଙ୍ଗଠନ ମଧ୍ୟ ପ୍ରତିଷ୍ଠା କରିଛନ୍ତି । ସ୍ ସଶକ୍ତିକରଣ ନେଇ ସେ ମହିଳା ସଶକ୍ତିକରଣ,ଦକ୍ଷତା ବିକାଶ ଏବଂ ଜୀବିକା ସହାୟତା ପାଇଁ କାର୍ଯ୍ୟକ୍ରମ ଆରମ୍ଭ କରି ବହୁତ ଲୋକପ୍ରିୟତା ଅର୍ଜନ କରିଛନ୍ତି । ପରିବେଶ ସଂରକ୍ଷଣ ନେଇ ବୃକ୍ଷରୋପଣ, ବର୍ଜ୍ୟବସ୍ତୁ ପରିଚାଳନା,ନଦୀ ସୁରକ୍ଷା ଏବଂ ଜଳ ପ୍ରଦ୍ୟୁଷଣ ରୋକିବା ସହିତ ଜଳ ସଂରକ୍ଷଣ,ବାୟୁ ଏବଂ ଶବ୍ଦ ପ୍ରଦ୍ୟୁଷଣ ରୋକିବା,ଏବଂ ସ୍ଥାୟୀ ଜୀବନଯାପନ ପାଇଁ ସେ ପଦକ୍ଷେପ ନେଉଛନ୍ତି ଓ ଏହି ଦିଗରେ ନିଜର ବହୁମୂଲ୍ୟ ସମୟ ଦେଉଛନ୍ତି । ଜାତୀୟ ସମାଜସେବା ପୁରସ୍କାର,ସାମାଜିକ କାର୍ଯ୍ୟରେ ଉତ୍କର୍ଷତା ପାଇଁ ରାଜ୍ୟ ସ୍ତରୀୟ ସମ୍ମାନ,ଗୋଷ୍ଠୀ ନେତୃତ୍ୱ ପୁରସ୍କାର ଭଳି ଜାତୀୟ ଏବଂ ରାଜ୍ୟ ସ୍ତରରେ ଅନେକ ପୁରସ୍କାର ଲାଭ କରିଛନ୍ତି । ଏହି ସେବା କାର୍ଯ୍ୟରେ ତାଙ୍କ ସୁକନ୍ୟା ନୃତ୍ୟଶିଳ୍ପୀ,ଶିଶୁ ସମାଜସେବୀ ତଥା ମେଧା ପ୍ରତିଭା ସାନଭି ପ୍ରିୟା ଏବଂ ତାଙ୍କ ଧର୍ମପତ୍ନୀ ଆଦର୍ଶ ନାରୀ ପ୍ରତିଭା ସସ୍ମିତା ସାମଲଙ୍କ ସହଯୋଗ ପ୍ରଦାନ ସହ ତାଙ୍କ ପ୍ରେରଣାରେ ଉଦବୁଦ୍ଧ । ସମାଜରେ ଏକ ବିରାଟ ପରିବର୍ତ୍ତନ ଆଣିବା ପାଇଁ ନିଜ ଜୀବନକୁ ଉତ୍ସର୍ଗ କରିଛନ୍ତି ଆଉ ସେହି ଦିଗରେ ସଫଳ ସ୍ୱପ୍ନ ଦେଖୁଛନ୍ତି । ଜଣେ ଉଚ୍ଚ କୋଟୀର ଲେଖକ ଭାବେ ତାଙ୍କର ଖୁବ୍ ଖ୍ୟାତି ରହିଛି।
ଶ୍ରୀକାନ୍ତ ବେଉରା ଙ୍କ ରିପୋର୍ଟ୍
